Кафедраи иқтисодиёти ҷаҳонӣ  1 сентябри соли 2016 бо қарори  Шӯрои Олимони Донишкада, низомнома оид ба фаъолияти кафедраҳо ва инчунин низомномаи кафедраи иқтисодиёти ҷаҳонӣ дар назди факултети муҳандисӣ иқтисодӣ ташкил карда шуд. 

Низомномаи мазкур дар асоси Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», «Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон», Низомномаи муассисаҳои олии касбии Ҷумҳурии Тоҷикистон, ки бо қарори мушовараи Вазорати маорифи Ҷумҳурии Тоҷикистон аз 13 апрели соли 2006 № 8/4 тасдиқ шудааст ва Оинномаи муассисаи давлатии таълимии «Донишкадаи политехникии Донишгоҳи техникии Тоҷикистон ба номи академик М.С.Осимӣ» дар шаҳри Хуҷанд такя намуда, тартиб дода шудааст.

Вазифаи асосии кафедра ин тайёр намудани мутахассисони байналмиллалӣ дар соҳаи иқтисодиёти ҷаҳонӣ мебошад. Дар марҳилаҳои гуногун дар кафедра як қатор корҳои илмӣ ва китобҳои дарсӣ – таълимӣ ба чоп расидааст. Китобҳои дарсӣ – таълимӣ ҳамчун сарчашмаҳои муҳими азхуд кардани фанҳо барои донишҷӯён, магистрон аз Ҷумҳурии Тоҷикистон ва кишварҳои ИДМ равона шудааст. Китобҳои дарсӣ – таълимии кафедраи мазкур, ки аз чоп баромадааст, солҳои охир ин  «Фаъолияти байналхалқии корхона» ва «Коғазҳои қимматнок ва кори биржавӣ» мебошанд. Омӯзгорони кафедра инчунин якчанд воситаҳои таълимӣ ва монографияҳо дар самти иқтисодиёти ҷаҳонӣ омода намуданд.

Самтҳои асосии омӯзиши кафедра ин «Иқтисодиёти ҷаҳон», «Иқтисодиёти миллӣ  (Иқтисодиёти Тоҷикистон», фанҳои гуногуни иқтисодӣ, инчунин курсҳои сершумори иқтисодӣ, ҷорӣ намудани фаъолияти бизнеси байналмилалӣ ва кори биржавӣ мебошанд.

Кормандони кафедра корҳои илмӣ-татқиқотиро иҷро карда истода, алоқаҳояшонро бо ҳамшарикон аз хориҷи кишвар мустаҳкам менамоянд. Онҳо мунтазам ба хориҷи кишвар барои гирифтани таҷрибаҳои корӣ сафар мекунанд. Мунтазам мизҳои мудавварро бо дигар муассисаҳои таълимӣ ва тадқиқотӣ мегузаронанд.

Дар асоси муқаррарот дар кафедраи иқтисодиёти ҷаҳонӣ аз 18 октябри  соли 2017 клуби иқтисодчиёни ҷавон “World Young Economists Club” таъсис дода шудааст. Ба он донишҷӯёни болаёқат аз бахшҳои якум то чорум аъзо мебошанд. World young economists club - ҷамъияти илмии донишҷӯён мебошад, ки мақсади таъсис додани он ин иштирок варзидан дар муҳокимаи саволҳои баҳсноки  иҷтимоӣ – иқтисодӣ, ки бо рушди иқтисодиёти Тоҷикистон алоқаманданд ва инчунин  муҳокимаи баҳсҳои ҷаҳони глобалӣ мебошад.

ҲАДАФИ КАФЕДРА

  • омӯзонидани бакалаврҳои баландихтисос ва магистрон, ки метавонанд ба фаъолияти касбии иқтисодӣ дар сатҳи байналмилалӣ муваффақ гарданд;
  • гузаронидани тадқиқоти илмии асоснок ва амалишаванда, татбиқи лоиҳаҳои тадқиқотӣ (таҳия), фаъолиятҳои машваратӣ, ки аз ҷониби сохторҳои давлатӣ, ҷомеаҳои тиҷоратӣ дар самти фаъолияти иқтисодии хориҷӣ, сармоягузориҳои хориҷӣ, молия ва бизнеси байналхалқӣ амалӣ мегарданд;
  • имконияти густариши эҷодӣ ва омӯзишии омӯзгорон ва донишҷӯёни кафедра дар асоси фаъолияти фаъолонаи ҷамъият, робитаҳои байни фарҳангҳо, байнидавлатӣ ва байнимиллатӣ;
  • гузаронидани натиҷаҳои пешрафтаи тадқиқоти илмии асоснок ва амалии сатҳи ҷаҳонӣ дар раванди таълими ҳаррӯза.

  Дар  кафедра  фанҳои зерин омӯзонида мешавад:

  1. Менеҷмент
  2. Муносибатҳои байналхалқии асъорӣ- қарзӣ
  3. Иқтисодиёти ҷаҳонӣ
  4. Муносибатҳои иқтисодии байналхалқӣ
  5. Омор
  6. Таҷрибаомӯзии истеҳсолӣ
  7. Таҷрибаомӯзии таълимӣ
  8. Фаъолияти байналхалқии корхона
  9. Фаъолияти байналхалқии корхона-2
  10. Логистикаи байналхалқӣ
  11. Қоғазҳои қимматнок ва кори биржавӣ
  12. Технологияи информатсионӣ
  13. Маркетинги байналхалқӣ
  14. Бизнеси байналхалқӣ
  15. Менеҷмкнти байналхалқӣ
  16. Асосҳои фаъолияти зеҳнӣ
  17. Ташкили рақобатпазирии корхона
  18. Бозори байналхалқии асъор.

КОРҲОИ ИЛМӢ-МЕТОДИИ КАФЕДРА

        Дар кафедра аз тарафи устод Бакаев М.Х. ба аспирантон ва унвонҷӯён машваратҳои илмӣ мунтазам гузаронида мешавад.

      Дар нимсолаи якуми соли хониши 2018-2019 аз ҷониби  устодони кафедра Бакаев М.Х., Раупов К.С. ва Файзиева П.  мизи мудаввар ташкил карда шуд, ки  он дар факултет санаи 20 ноябри соли 2018 дар мавзӯи “Рушди бозори моликияти зеҳнӣ дар шароити ҷаҳонишавӣ”баргузор гардид. Дар кори мизи мудаввар декани факултет Юсупова Г.А., устодони кафедра, донишҷӯёни курси 4 ихт.250103та  ва  роҳбари филиали идораи патентӣ дар вилояти Суғд  Шамсиев Ҳалимҷон иштирок намуданд.

ИШТИРОКИ КАФЕДРА ДАР КОНФРОНСУ СЕМИНАРҲО

Моҳи ноябри соли 2018 дар донишкада конференсияи илмӣ-амалии ҷумҳуриявӣ оид ба мавзӯи “Дурнамо ва омилҳои таъмини рушди устувори иқтисодиёт”, баргузор гардид. Самти кори конференсия аз 7 бахш иборат буд. Бакаев Мирзоҳамид дар  бахши 3. - Ҳамкории байналхалқӣ ва фаъолияти беруниқтисодӣ ҳамчун омили рушди устувори иқтисодиёт бо мақолаи худ дар мавзӯи "Дурнамои рушди ҳамгироии Тоҷикистон бо лоиҳаи байналмилалии “Роҳи нави Абрешим” ва омӯзгори калони кафедра Раупов К. бо мақолаи “Таҳлили таҷрибаи байналмилалӣ дар таъмини амнияти озуқаворӣ ”баромад намуд. Дар бахши 1. - Муаммо ва дурнамои рушди устувори иқтисодиёти миллӣ, профессори кафедра бо мақолаи таҳиянамудаи худ бо номи “Масъалаҳои методии  ташаккулёбии модели омилии рушди устувори минтақа” (Методические вопросы  фармирования факторной модели устойчивого развития региона) ва  ассистенти кафедра Файзиева П.У. бо мақолаи “Нақши таълим дар таъмини рушди устувори ҷомеа”(Роль образования в обеспечении устойчивого развития общества) , баромад намуданд.

 Моҳи январи соли 2019 дар донишкада конференсияи илмӣ-амалиявии ҷумҳуриявӣ оид ба мавзӯи “Идораи сифати таълим дар мактабҳои таҳсилоти олии касбии ҶТ”, баргузор гардид. Самти кори конференсия аз 2 бахш иборат буд Дар кори конференсия дотсенти кафедра Бакаев М.Х дар бахши 2.- Проблемаҳои баланд бардоштани сифати таълим фанҳо  бо мақолаи худ “Татбиқи раванди болонӣ дар фазои таълимии Тоҷикистон”, баромад намуд.

ДАСТОВАРДҲО

 30 ноябри соли 2018 аз ҷониби донишҷӯи курси 2 ихтисоси 250103ра Ҳомидов Бахтиёр бизнес – ғоя оид ба модернизатсияи блоки таъминоти нерӯи барқ дар асбобҳои электронӣ дар мисоли ноутбук, пешниҳод карда шуд. Донишҷӯ мухтасар оид ба кори блоки нерӯи барқӣ истода гузашта, дар бораи афзалиятҳои он ҳангоми истифодабарӣ ва функсияи кори он бо намоиши слайдҳо гуфта гузашт.

Дар кафедра маҳфилҳои "Рушди бозори моликияти зеҳнӣ дар шароити ҷаҳонишавӣ" ва "Об-рамзи ҳаёт ва сарвати миллист" амал мекунад. Натиҷаи маҳфили "Об-рамзи ҳаёт ва сарвати миллист" аст, ки донишҷӯи курси 3 Турсунов Азимҷон дар Викторинаи ҷумҳуриявии "Тоҷикистон - ташаббускори ҳалли масъалаҳои обӣ" фаъолона ширкат варзида, соҳиби ифтихорнома гардид. 

Ҳайати кормандон

Бакаев Мирзохамид Хабибович

Мудири кафедра

номзади илмҳои техникӣ,дотсент

e_mail: Этот адрес электронной почты защищён от спам-ботов. У вас должен быть включен JavaScript для просмотра.

Файзиева Парвина Усмоновна

ассистент

e_mail: Этот адрес электронной почты защищён от спам-ботов. У вас должен быть включен JavaScript для просмотра.

Оқилҷонова Шаҳноза Юнусовна

ассистент

Этот адрес электронной почты защищён от спам-ботов. У вас должен быть включен JavaScript для просмотра.

Ҷалолова Башорат Мансуровна

котиб-коргузор

e_mail: Этот адрес электронной почты защищён от спам-ботов. У вас должен быть включен JavaScript для просмотра.

Ахмедов Фазлиддинхон Валиевич

ассистент