Декани факултет

Акрамов А.А

номзади илмҳои техникӣ

дотсент

Муовини декан оид ба тарбия

Хайруллоева Наргиза Абдувалиевна 

Муовини декан оид ба таълим

Холиқов Мазбуд Маҳмудович

 

Танзимгар

Ҳусайнова Фирӯзахон 

Факултети сохтмон ва нақлиёт ҷузъи таркибии сохтори таълимӣ, илмӣ, тарбиявӣ ва маъмурии Донишкадаи политехникии Донишгоҳи техникии Тоҷикистон ба номи академик М.С. Осимӣ дар шахри Хуҷанд буда, тибқи қарори Шӯрои олимони донишкада соли 2010 таъсис дода шудааст.

Дар ҳайати факултет се кафедра фаъолият менамояд:

- кафедраи сохтмон;

- кафедраи автомобилҳо ва идоракунӣ дар нақлиёт;

- кафедраи забони давлатӣ ва ҷомеашиносӣ.

Дар факултет аз рӯи ихтисосҳои зерин мутахассисон тайёр карда мешаванд:

 700201  - Сохтмони саноатӣ ва шаҳрвандӣ;

 370107  - Хизматрасонии автомобилӣ;

 440101 - Ташкили ҳамлу нақл ва идоракунӣ дар нақлиёти автомобилӣ ва шаҳрӣ.

 

Дар зинаи магистратура мутахассисон аз рӯи ихтисоси 1-700201-08 - энергияи барќароршаванда ва сарфи энергия дар сохтмон омода карда мешавад.

Теъдоди донишҷӯёни факултет дар зинаҳои бакалавриат ва магистратура 800 нафарро ташкил медиҳад. 

Таҳсил дар факултет пурра бо низоми кредитӣ ба роҳ монда шудааст. Раванди таълим дар ҳамаи ихтисосҳо аз рӯи нақшаҳои таълими тасдиқгардида, ки ба Стандарти давлатии таҳсилоти олии касбии Ҷумҳурии Тоҷикистон ҷавобгӯ мебошад, ташкил шудааст.

Дарсҳо дар бинои таълимии факултет, ки дорои 23 аудитория  бо масоҳати умумӣ 1177м2 –ро ташкил медиҳад, аз ҷумла озмоишгоҳи масолеҳҳо ва конструксияҳои сохтмонӣ, стансияи хизматрасонии техникӣ гузаронида мешавад. Қисми дарсҳо аз фанҳои тахассусии ихтисоси сохтмони саноатӣ ва шаҳрвандӣ дар филиали кафедраи сохтмон дар ҶДММ ТИНИАЛ гузаронида мешавад. 

Дар аудиторияҳои факултет  барои гузаронидани дарсҳо, аз ҷумла   лексияҳо, дарсҳои амалӣ, амалӣ-лабораторӣ  ва лабораторӣ ҳамаи шароитҳо мавҷуд мебошад.  Стансияи  хизматрасонии техникии автомобилӣ бо таҷҳизотҳои  муосир муҷаҳҳаз шуда, пурра фаъолият мекунад. Озмоишгоҳи масолеҳҳо ва конструксияҳои сохтмонӣ барои муайян намудани сифати масолеҳҳои сохтмонӣ бо таҷҳизоти муосир таъмин мебошад. 

  

Барои бо сифати баланд тайёр намудани кадрҳо факултет бо корхонаҳои пешқадами соҳа, институтҳои илмӣ тадқиқотӣ, донишкадаҳои  Ҷумҳурии Тоҷикистон ва берун  аз он  алоқаи зич  дорад. Ассистенти кафедраи сохтмон Орипов Далер дар аспирантураи Донишгоҳи Давлатии меъморӣ-сохтмонии шаҳри Қозон таҳсил карда истодааст. Холматов Камолиддин аспиранти Донишгоҳи Давлатии меъморӣ-сохтмонии Қирғизистон мебошад. Аз сентябри соли 2018 омӯзгори кафедраи автомобилҳо ва идоракунӣ дар нақлиёт Абдуллоев Б. ба аспирантураи Донишгоҳи Давлатии Кузбасс, шаҳри Кемерово аз рӯи ихтисоси 1-440101 дохил шуда таҳсили илм дорад. 

Устодони кафедраҳои факултет корҳои илмиашонро пурзӯр намуда, донишҷӯёни болаёқатро  мунтазам ба корҳои  илмӣ-тадқиқотӣ   ҷалб менамоянд. Дар соли 2018 аз тарафи омӯзгорон 18 маколаҳои аз тарафи КОА эътирофгардида нашр шудааст; 33 мақолаҳо дар нашрияҳои байналмиллалӣ, 134 маклоаҳои дар конфронсҳои ҷумҳуриявӣ чоп шудааст. Инчунин 2  китоби дарсӣ аз тарафи вазорат тасдиқ шуда барои чоп тавсия гардидааст.

Таҷрибаомӯзии донишҷӯён дар корхонаҳои Ассотсиатсияи байналхалқии  боркашонии автомобилии Тоҷикистон, КДК “Мусофиркашони шаҳри Хуҷанд” ҶСК «Сорбон»,  ҶСК «Сайёр», ҶСК “Баҳром-Сервис” ҶСК “Усто-Сервис” Терминалҳо, институти лоиҳакашии “Суғдшаҳрофар”, ширкати сохтмонии “Тиниал”  ва дигар муассисаҳои  пешқадам гузаронида мешавад.

Дар соли 2018 аз тарафи мутахассисони кафедраи сохтмон 4 санад оид ба ҷори намудани натиҷаи корҳои илмӣ – тадқиқотӣ, корҳои озмоишӣ – конструкторӣ ва таҷрибаҳои пешқадам дар истеҳсолот гирифта шуд.

 Омӯзгори кафедраи сохтмон Охунов З.Ю. рисолаи номзадиро ҳимоя намуда, соҳиби унвони номзади илмҳои техникӣ гаштанд.

Омӯзгори кафедраи автомобилҳо ва идоракунӣ дар нақлиёт Холиқов М.М. соли ҷорӣ дар форуми ихтирокорони муассисаи давлатии маркази миллии патенту иттилооти вазорати рушди иқтисод ва савдои Ҷумҳурии Тоҷикистон ба муносибати 25-умин солгарди таъсисёбии низоми миллии моликияти зеҳнии ҶТ бо диплом сарфароз гардид.

Донишҷӯёни факултет дар олимпиадаҳо фаъолона иштирок менамоянд. Зимни ширкат дар озмуни фаннии ҷуҳуриявӣ ҷиҳати дарёфти “Ҷоми Академияи илмҳои Ҷумҳурии Тоҷикистон” 2 нафар донишҷӯёни факултети сохтмон ва нақлиёт соҳиби ҷои 3-юм гаштанд: донишҷӯи курси 4 гурӯҳи 700201ра Бобоҷонов Хуршедҷон аз фанни физика; донишҷӯи курси 3, гурӯҳи 700201тв Худойқулов Шаҳбоз аз фанни забон ва адабиёти тоҷик.