Маро ба беномуси айбдор кардӣ… «ту бидон, ки «маҳз беномусии ту сабаби асосии марги падару модарамон шуд».


Мaн тоҷирам на бозичаи дасти дигарон, ягон кас дари хонаат барои пул ва на барои чизи дигар нарафтааст, ман ҳамаи хонаю дарам ва тиҷоратамро бо меҳнати худам сохтам.

Мисли ту 2 маротиба бо пули давлат ба истироҳатгоҳи «Артек» нарафтаам. Ман донишгоҳеро хатм накардаам. Барои ман касе хона насохтааст, маро мисли ту бо пули қарз зан надодаанд.

Биё як маротиба таҳлил мекунем, ки бренди Мирзои Салимпур ба хонадони мо, шахсан ба ман ва Ватанамон Тоҷикистон, чи суд ё зиёне овардааст?

  1. Раҳматии падарамон аъзои Бюрои ноҳиявии ҳизби комунистӣ буданд ва роҳбари дуюми ноҳия аз пушти ту чи гуна сархам буданд?
  2. Дар ба дари хобгоҳои донишкадаву донишгоҳҳо барои забони тоҷикӣ ба митинг бароед гуфта гаштӣ, вале чаро имрӯз фарзандони худат забони тоҷикиро, ки забони модариашон аст, намедонанд.
  3. Бо навиштаҳои иғвогаронаи ту зидди роҳбаряти ҳамонвақтаи ҷумҳурӣ падарамонро аз кор ронданд.
  4. Дар митинги 20 нафара блети комсомолиатро сӯзондӣ, зеро ту 2 маротиба бо дастгирии ҳамин Кумитаи комсомоли ноҳия ба истироҳатгоҳи «Артек» рафта будӣ.
  5. Дар рӯзномаи «Чароғи рӯз» дар бораи устоди падар Аловиддин Уроқов ва Ҷурабек Муродов мақолаи танқидӣ навишти, ки онҳо дӯстони хонадони холаам буданд.
  6. Моҳи якуми хонадоршавиат дар пеши ҳамаи мо ба модарамон гуфти, ки ман занамро барои шустани либоси Шумо нагирифтаам.
  7. Дар бораи мушовири Президенти якуми Тоҷикистон Р.Набиев, мақола навишти, чи гапҳое падар ба ту нагуфта буд.
  8. Дар вақти пайдо шудани ду майдон, навишти ки мардуми Кӯлоб дар даст шиори «Нест бод Ислом»-ро доранд. Яъне ду майдонро бо ҳам шӯрондӣ. 200 ҳазор нафар қурбон шуд, чаро имрӯз дар бораи ин амалат наменависӣ, ки бо иғвои ман 200 ҳазор нафар кушта шуданд. Дар баробари Сангак Сафаров ва Ризвон Сидиров номатро дар таърих ҳамчун шахси хунхор паси парда мондӣ.
  9. Ба лидерони собиқ вилояти Кӯлоб мактуби кушод навишти онҳоро ба ҳамаи бадбахтиҳо ва нооромиҳо гунаҳкор кардӣ. Пас чаро дар бораи лидерони оппозитсия чизе нанавистӣ? Зеро оппозитсия минтақаи Кӯлобро ба муҳосираи иқтисодӣ гирифта буд, чаро дар бораи қадамҳои сулҳовари Давлат Худоназаров ва дигарҳо нанавиштӣ, агар дигарон менавиштанд, ин президентшав acт мегуфтӣ!
  10. Дар вақти ҷангҳои шаҳрвандӣ дар ноҳияи Ҳисор падарам бо мушкилиҳои зиёд аз тарси кушта шуданат, туро гурезонид, вале ҳамон бегоҳ боз худатро дар телевизион нишон додӣ, зеро ба ту ғайр аз шӯҳрат чизе ва касе даркор набуд. Заҳматҳои падарам бароят ҳеҷ арзише надошт.
  11. Дар арафаи баргузории Иҷлосияи 16-уми Шӯрои Олӣ, ҳар лаҳза худатро дар телевизион реклама мекардӣ, он замон барои хавфи эҳтимолии кушта шуданат, падарам чи ҳоли зоре дошт, зеро як камаз боевикҳои Фронти халқӣ ба хонаи падарам зада даромаданд он рӯз, чи рӯзи сиёҳе буд, чунки падарро бурданд, хонаро кофтукоб карданд, маро заданд ва падари бечораро бо чи ҳоли зор халос кардем.
  12. Обрӯи хонаводаамон дар деҳа рехт. Он замон падарам ду автомашинаи шахсӣ ва як автомашинаи хизматӣ дошт, ҳамаро аз пушти шӯҳратпарастӣ ва аъзогиат ба гурӯҳҳои ҷиноятӣ бурданд, хамчунин ба ҷои кораш рафтанд зери силоҳ ва таҳдиди зӯроварӣ аризаи бо хоҳиши худ аз кор рафтанашро навишт, аммо ту имрӯз иддаои онро мекунӣ, ки ман дар Аврупо 3-4 хонаи 300 ҳазор еврогӣ дорам.
  13. Ҳамаи «каҳрамонон» гурехтанд ва ту бошӣ дар хонаи устодат Додоҷон ба ҳайси хонабон мондӣ!
  14. Баъди дар телевизион баромад намудани шоир Аскар Ҳаким, падарам то саҳар хоб накард, чунки ту хонабони Додоҷон будӣ, бо машаққатҳои зиёд аз тарси кушта шуданат, туро, ба хонаи ҷӯраи осетинаш гурезонид.
  15. Падарамонро ба ШВКД дар ноҳияи Шаҳринав бурданд хайрият шогирдонаш ва рафиқонаш ёрӣ расониданд, то падарамон озод карда шавад, вале падарро аз онҳо бароварда, ҳамчун падари шахси иғвогар Малик-командир мехост парронад.
  16. Бечора рафиқи осетинии падар баъди як моҳ бо кадом роҳҳо ба хона овард туро, ҳатто аксионерон аз ту парҳез мекарданд, боз дарди сари падар гардидӣ!
  17. Шабона ба хона боевикҳо омаданд, аз доду фиғони падару модар ба қафоят нигоҳ накарда гурехтӣ.
  18. Ба Ҷумҳурии Туркманистон гурезонданат дар онҷо ғайр аз арақнӯши дигар коре надоштӣ, падар ба аёдатат рафта, ҳоли зоратро дид.
  19. Вақте бо модар туро хабаргирӣ рафтем, дар пеши чашми мо ба дигарон харид кардӣ, вале ақлат нарасид, ки барои модарам тӯҳфаяки камарзише бихарӣ.
  20. Аз Туркманистон одам рои кардӣ, ки ба ман пул фиристед.
  21. Аз Туркманистон бо як кило канди ирис ба хона даромадӣ.
  22. Ба саволи падар, ки чаро дар ин нотинҷиҳо омадӣ, ҷабоб додӣ, ки ман барои иштирок дар тӯйи писари аммаи занам омадам. Илова кардӣ, ки дар ғарибӣ хаста шудаӣ. Ту аз ҳазорон нафаре, ки аз иғвогариҳоят ғарибу бенишон шудаанд, намегӯйӣ?
  23. Падарро дар сари дастархон муттаҳам кардӣ, ки чаро дар вақташ бо Вали Ӯзбеков шинос набудед, ки имрӯз дар империяаш ягон вазифа мегирифтед.
  24. Вақте падарамон маслиҳат дод, ки биё гашта ба Турманистон ё Россия рав, гуфтӣ, ки «Зани ман кӯлобӣ acт, тағоиҳои ӯ боевик ҳастанд ва Вали Ӯзбеков хеши занам acт».
  25. Дар рӯзи марги бибиам падарамро муттаҳам кардӣ, ки ҳамавақт барои кори давлат ҳастӣ. Магар дар ҳолати бекорӣ, падарамон метавонист, ки зиндагиамонро таъмин намояд.
  26. Дар рӯзи ҷаноза танҳо барои рекламаи худ талош мекардӣ, ҳамаи хешу табор мегуфтанд, «гурезонедаш, ки ӯро маҳкам мекунанд».
  27. Ман туро аз шаҳри Турсунзода бо ёрии муҳофизони Директори заводи пахта, раҳматии Ҳасан Маннонов тавассути қатора то шаҳри Деҳнави Ҷумҳурии Ӯзбекистон ҳамроҳӣ кардам, ҳам падар ва ҳам Ҳасан Маннонов фаҳмониданат, ки туро мухолифин мисли бозича истифодаат бурданд, дигар бо онҳо алоқа накун, аммо сад афсӯс.
  28. Вақте, ки дар радио дар қатори аъзоёни оппозитсия дар мулоқоти Теҳрон номи туро гирифтанд падарам талх гирист.
  29. Баъди 8 моҳ гашта омадӣ, бо овози баланд гуфтӣ, ки дигар ба ту касе кор надорад, аммо дар гирду атрофат собиқ боевикҳоро ҷамъ мекардӣ, ҳар рӯзи чоршанбе пеши фолбину ҷодугарҳо мерафтӣ, дигар на гапи падар ба ту мегузашту на гапи модар.
  30. Бо як сумка бор, дар назди бозори Ҳисор ба савдогари пардохтӣ, ҳамин қадар падар ва рафиқони ӯ фаҳмонданат, гӯш накардӣ. Вақте, ки дар бозори Ҳисор кормандони милитсия барои савдои кӯчагӣ қапида маҳкамат карданд, чи ҳоли зоре дошт падар, шабу рӯз дар пеши ШВКД дар шаҳри Ҳисор интизорӣ мекашид, аммо аз хешу табори занат дараке набуд.
  31. Ҳама умед ба Вали Ӯзбеков буд пагоҳаш дар пеши ШВКД аҳволи падар бад шуд бо як мошин ба хона рои кардам, ҳар coaт аз кабинети раиси ЗАГС-и ш.Ҳисор ба хона занг мезадам Вали Ӯзбеков ҳам омад, аммо баъди 10 дақиқа ҳеҷ коре накарда, баромада рафт.
  32. Падарам ҳар рӯз ба дари дафтарҳои намояндагии СММ, Иттиҳоди Аврупо, Сафорати Амрико дар Тоҷикиситон, ва Прокуратура мерафт, дигар касе аз он рафиқони дар гирдат парвона буда, ба хона наздик намешуданд. Аз дохили СИЗО пайғом рои кардӣ, ки хонаю дарро фурӯшед маро халос кунед.
  33. Вақте, ки дар Прокуратураи генералӣ дар утоқти кории муфаттиш вохӯрдем дар пеши мо баёнот навиштӣ, ки маро Додоҷон Атовуллоев гӯё маҷбур мекард, ки мақолаҳои иғвоангезона нависам.
  34. Вақте, ки бо шарофати Ҷаноби Олӣ озодат карданд, аввалин суханат дар пеши мардум ин буд, ки ман бо як тумори Вали Ӯзбеков озод шудам, ин даводавҳои падар барои ту ҳеҷ будааст?
  35. Баъди 3 рӯзи озодиат падару модар ва маро гунаҳкор кардӣ, ки пулу молҳои туро гирифтаем.

а) Рӯзе, ки туро қапида буданд ҷузвдони туро падар ба ман дод, ман аз дарунаш пули 10 дона нонро гирифтам, ба дасти Тоҳир - додарамон бо ҳамроҳии муаллим Фирдавс Нуралиев нонро ба хонаву ҷузвдонро ба занат дода буданд.

б) Бо хоҳиши занат ман ҷузвдони боратро кушодам, борҳояшро хисоб карда ба хусурат супоридам.

  1. Бар ивази хамаи заҳматҳояш, ба падарам боре ҳам миннатдорӣ накардӣ, баръакс дилашро орзурдиву худ ба сӯи Москва равон шудӣ. Падар бо вуҷуди ин ҳама аҳмақиҳоят ба рафиқаш Бӯри Каримов занг зада, хоҳиш кард, ки ба ту ёрӣ расонад.
  2. Савғотӣ рои кардӣ, ҳама хурсанд, дар байни савғотиҳо ду либоси гарми зимистона (жемпир) буд, якеаш гаронарзишу босифат, дигараш камарзиши бесифат, хатчаи дохили ҷузводон маълум гашт, ки либоси камарзиши бесифаташ барои падарам будаасту дуввумиаш барои хонаводаи занат, пас куҷост қадри он ҳама заҳматҳои падар? Дигар баъди хондани хатчаат, касе на қанди рои кардагиатро хӯрду на либоси гарми зимистонаро касе ба бар кард.
  3. Зану фарзандонатро ба Москва бурдӣ, медонисти зиндагӣ дар Ватан аз ҳисоби бекории падар, душвор гардида буд, дар 2-3 моҳ як маротиба 50 ё 100 доллари ИМА равон мекардӣ. Бечора дар орзуи автомашина буд, ӯ маро ба ш.Москва фиристод, ту бо кадом рӯят пешвоз гирифтӣ? Дар як кунҷи хонаат амаки занат ва дар кунҷи дигараш тағои занат шишта будан. Рӯзе занат барои як қошуқ асал бо ман муноқиша кард.
  4. Вақте ба нуқтаи савдоят ба кор шурӯъ кардам, дар мағозаат бори зиёд надоштӣ, дар давоми 6 моҳ яке аз пешсафҳои бозори Черкиз шудем, ваъда дода будӣ, ки ба падар мошин мехарем, вале вақти ба Душанбе омадани ман, занат дар пеши падараш ҷанҷолро бардошт, ки ӯ ба падари худаш мошин мехарад. Ту боши дар пеши онҳо чун як шахси беҳуқуқ ва забонкӯтоҳ чизе гуфта натавонистӣ!
  5. Аз ш.Москва ба Ватан омадам, ҳафтаи аввал падарро ба бозор бурда, бо пули ман ва пасандозаш як мошини нав гирифтем фурӯшанда шинос буд аз арзиши умумии мошин, 400 доллари ИМА нарасид. Фурӯшандаи мошин барои додани боқимондаи пул, ҳамагӣ 1 моҳ вақт дод, намедонам аз чи сабаб бошад, ки лоақал ҳамин 400 доларро равон намекардӣ ё шояд касе иҷозатат намедод.
  6. Вақте ба Душанбе омадӣ ба дасти падар 4000 доллар мондӣ, ки бароят хона харад, вале баъди 2 рӯзи ба Москва рафтанат, занат пайдо гардида, пулро аз дасти падар кашида гирифт, ту боши чун ҳамеша хомӯш будӣ!
  7. Кадом фонди хориҷие бароят 2000 доллари ИМА ҷуброн додааст ва аз ту кадом бачаи савдогар пурсидааст, ки чаро 5000 доллар надоданат, ту дар ҷавоб гуфтӣ, ки агар аз хонаи мо касеро мекуштанд ман 5000 доллар мегирифтам, ман аз шунидани ин суханҳо шах шуда мондам.
  8. Рӯзи тӯйи ман телевизор ва видеоплеер харида оварда дар пеши хешу табор тӯҳфа кардӣ баъдан маълум гашт, ки ин тӯхфаҳо бо пули худам харида шудааст, ту танҳо худро бори дигар реклама кардаиву халос!
  9. Дар охири тӯям пули санъаткоронро пурсидам ҷанҷолро бардоштӣ, ки рав аз падарам гир, аммо маро, ки барои сарватманд шудани ту сабаб гашта будам, қадр накардӣ!
  10. Дар тиҷорати Маскав хешу таборҳои занатро ҷамъ карда, ба корҳои пулӣ ва хатарнок маро пешдаро мекардӣ, хостам бас кунам, ба ман ваъда доди, ки ба мани бехона, хонаву мошин мехарӣ ва пули калон ҳам ваъда додӣ, гуфтӣ, ки ҳамаи ин тиҷорат танҳо аз ману ту аст, ман бошам бовар кардам, вале афсус аксионерҳо дигарон будаанд.
  11. Вақте бӯҳрони иқтисодӣ омад, худро муфлис эълон карда, фурӯшандаҳоро маҷбур кардӣ, ки бо Қуръон қасам хӯранд, қарзҳоро ба гардани ман бор кардӣ, аммо ин ҳама як саҳнаи театрӣ буду халос, пулҳоро барвақт баҷояшон карда будӣ.
  12. Хостам як видеокамера харам ва ба касби пешинаам баргардам, вале намондӣ, барои худам либос хариданро ҳам манъ кардӣ.
  13. Ҳангоми ба Тоҷикистон омадан аввал ором буди як рӯз худат гуфтӣ, ки хусурам як хона ёфтааст ман меравам суроғаашро мегирам меравем ва ба ту медиҳам. Рафта омадиву муносибатат бо ман дигар шуд намедонам хонаводаи занат ба ту чи гуфтанд, лекин қарзе ки дар гарданат мондааст, пеш аз марг бо хатчае васият кун, зеро ман ин қарзро ҳеҷ гоҳ намебахшам. Ва то қарзро надиҳӣ ба қабр намонанд туро.
  14. Дигар дар гирду атрофат, ҳам одамкуш, хам қаллоб, хам нашъафурӯш ҷамъ карда, даврон мерондӣ, як одат доштӣ доим дар пеши падар неш мезадӣ, интизор будӣ, ки ман ҷангро сар кунам, падарро бо пулат ва туморҳоят муттаҳам карда будӣ, ҳама тарафи туро мегирифт, дигар дар сари дастархон бо ту нон хӯрдан ҳам мушкил буд, зеро заҳр мепошидӣ.
  15. Осиёби сохтаи падарро ба кор андохтам, ту ва фармондеҳонат намондед, ки кор кунам. Чанд маротиба сухани туро шунидам, ки маро дар пеши падар сиёҳ кардаи.
  16. Хонае, ки падар бароят сохта буд, аз нав таъмир кардӣ, дигар бо ту ва командаат гап задан душвор буд. Дигарон доира мезаданд ту рақс мекардӣ, агар падар ягон чи мегуфт рост пеши сеҳру ҷодугарон мерафтиву тумору таштоб мегирифтӣ, ҳатто барои бастани даҳони падар, дар зери шифти хона кӯрхатҳоро мегузоштӣ.
  17. Ба ш.Москва равон шудам, аввал корам хуб буд, бачаҳои бозор хуб қабул карданд, вале рашк дар ту монда буд, ба кори ҷодугарбозиат нисбати ман сар кардӣ.
  18. Дар Тоҷикистон фақат худро реклама мекардӣ, оқибат муҷоҳидҳое, ки худат «қаҳрамонашон» метарошидӣ, даромада бо силоҳ ҳама чизу чораатро бурданд. Зеро баъзе асбоби рӯзгорро, ки намемонди касе даст расонад, ба коми боевикҳо рафт. Ачиб имрӯз дағ-даға мекуниву он рӯз чизе гуфта натавониста будӣ.
  19. Сар шуд, бо гапи фолбин ҳамаро ба ШВКД бурда, маиб карданд, ягон кас хона меомад, ё дар роҳ дар чашм мeғалтид пагоҳ фол мекушодӣ, лекин ҳамаро ба номи падар мегуфтӣ. Барои ман маълум буд, ки фолбини асосиат хушдоманат буд.

То албом ва касетаи тӯйи маро ба хотири бастани даҳони ман ба фолбинат бурда доди.

  1. Ба Радиои Озодӣ ба кор даромада, ба ш.Прага рафтӣ, вақти хона омадан тавассути Москва меомадӣ, вақти ҳар омаданат як проблема дар пеш буд, ман медонистам, ки нисбати ман зану шавҳар илмбозӣ мекунед, зеро ту ягон маротиба бе кӯрхату тӯмор намеомадӣ.
  2. Ман тавассути ту ба хона пул ирсол мекардам, ту ба падару модарам намедодаӣ ва ҳамчун фоизи пулҳоят ҳисоб мекардаӣ. Имрӯз бошад, шикоят мекунӣ, ки касалии қанд шудам ин касалии фоизи пулҳоест, ки ту хӯрда будӣ ва имрӯз азоби онро кашида истодаӣ.
  3. Ба ман супориш додӣ, ки барои ҳамкорони ту авиабилет гирам, ин амалат як навъи «постава»-и ту буд, зеро барои ҳамкоронат маро бурда, дар ҷангалҳои ФР лату кӯб намуда, маиб карданд пулу моламро кашида гирифтанд. Метавони ба ВКД ФР дархост фиристода, ин парвандаро омӯзӣ. Ман саломатиам, тамоми пулам, ва тиҷоратамро аз даст додам, вале ту ҳатто як гапи хуш ҳам нагуфтӣ, баръакс бо ман ҷанҷол кардӣ… Номи туро ва Радиои Озодиро гирифтам. Ту вазифа дорию додар не.
  4. Боз шайтонию найранбозиатро нисбати ман давом додӣ, гуфти ки ман закоти моламро ба ту медиҳам, аммо бароям аз ту ҳеҷ чиз лозим нест, зеро захмҳо дар қалбам мондааст. Боз шарм надошта, дар пеши ҳама ман закот додани меравам мегӯйӣ. Хурсандив айшу ишратат дер давом накард, мошини ҷипат чапа шуд, Худованд барои дурӯғу иғвогариҳоят нишонат дод.
  5. Падар чандин ҳавлиро барои ман савдо кард, харидорӣ кардан нагузоштӣ, ҳатто ҳавлии ҳамсояро се маротиба савдо кард, ту ва занат намондед, хотирам ҳаст, ту занг зада гуфтӣ, ки янгаат мегӯяд, ки ҳавлии ҳамсояро нахаред, лекин баъди 20 дақиқа ба ҳамсояи дигарамон занг зада гуфтаи, ки рав ҳавлиро бихар, зеро ин ҳавли арзон acт. Ман ба ту чи зараре расонидам, ки монеаи ҳамсояшавии ман ҳастӣ? Ё ту намехости, ки бародарат соҳиби хонаи худ шавад? Бо шарофати сиёсати ҳароми ту, ман бади 8 соли дигар соҳиби хона шудам.
  6. Вақте дар ҳавлиаш падарам, як порчаи заминро барои ман ҷудо кард, ман аз падарам хоҳиш кардам, ки Мирзову занаш нафаҳманд, сохтмонро оғоз намуда, хонаро бардоштем, баъди бозгашт омада, норозиги баён кардӣ, ки ман дар инҷо нақшаи сохтани хонаи ду ошёнаро доштам ва боз ба найрангбозӣ ва туморбозиат пардохтӣ.
  7. Вақте, ки падарам бемор шудан, ба ш.Москва оварда, ҷарроҳӣ кардам, ҳамчун писари калон қисмате аз пули сафарро надодӣ, ҳатто пуле надоштӣ, ки барои аҳволпурсии падар бо телефон сарф кунӣ, падари беморам худашон ба ту занг зада, аз ҳолу аҳвол ва саломатиаш мегуфт. Боз дар пеши ҳама мегӯйи, ки ман 14000 евро дар як моҳ маош мегирам. Ин пулҳоят барои кист? Ҳангоми бозгашти падар ба Душанбе ту ҳам ба Тоҷикистон омада, дар назди хешовандон рӯйирост дурӯғ гуфтӣ, мо падарамонро ҷарроҳӣ кардем гуфта, худро реклама кардӣ.
  8. Дар хона бастаҳои евроро нишон медодӣ, баъдан онро бурда ба як нашъафрӯше бар ивази фоиз месупоридӣ, аммо фоизхӯриҳоят рӯзе ба зиндагиат таъсири бади худро хоҳад гузошт, аллакай таъсири худро гузоштааст, зеро нашъафрӯш маблағатро надода, маҳбасӣ шуд. Интизор шав, рӯзе аз маҳбас озод мешавад ва пулатро бармегардонад. Ту дар кадом ҳадис ё ояти каломи Шариф хондаи, ки дар Ислом ба нашъафрӯше бар ивази фоиз қарз доданро иҷозат додааст? Беҳтараш ҳамин маблағҳоро хуб намешуд, ба бародари дуюмат медодӣ, то зиндагиашонро дуруст кунанд ё касе намонд?
  9. Рӯзи ҷанозаи падарам омада, ҳар рӯз рафта харид мекардӣ, аммо мо баъдан фаҳмидем, ки ин пулҳоро модарам ба ту медодааст ва боз дар пеши мардум гуфтаи, ки ман масчиди деҳаро таъмир мекунам, Шумо танҳо усто ёбед, аммо ин суханҳоят танҳо як рекламаи навбатиат будаасту халос. То ҳозир мардуми деҳа бар он назаранд, ки гӯё хонаводаи мо пули барои таъмири масчид рои кардаи туро, аз мумсики надода, барои худ сарф намудаем.
  10. Ҳангоми тақсимоти мероси падар, хонаи дар пойтахт бударо ба хоҳарамон Фотима додем, ҳама имзо кард, шахсан худат ҳам имзо гузоштӣ, вале баъди муддате гуфтӣ, ки биё ба хоҳарамон хона месозем. Ман пурсидам, ки маблағ дорӣ, таъриф кардӣ, ки ман 14000 евро маош мегирам, вале ҳамагӣ 2000 доллари ИМА додӣ. Вале фикр накардӣ, ки бо 2 ҳазор доллар чи сохта мешавад. Хонаи баландошёнаи хоҳарамон 50 ҳазор доллар арзиш дошт, ё ин дафъа низ ба занат маҳқул нашуд, ки хоҳарат дар пойтахт хона дошта бошад. Бо шарофати сиёсати ҳаромат хоҳарат танҳо баъди 5-6 сол ба хонаи нотамом даромад.
  11. Таъриф карди, ки ман дар сари қабри падар санги хотира мегузорам, пурсидам, ки агар пул даркор бошад, рои кунам, ту гуфтӣ, ки ман худам ҳал мекунам, аммо дар ҳамин ҷой ҳам пулатро дареғ дошта, санги хурдакакеро гузоштӣ.
  12. Баъди марги модар аз сабаби бӯҳрон дар ФР ба қарз ғӯтидам рафта натавонистам меpocpo зани ту тақсим кардааст. Номи маро хат задааст. Дар куҷо дидӣ, ки келини хона меросро тақсим кунад. Ё сухани ту барояш қурб надорад?

Худро имрӯз мусалмони хақиқӣ мегирӣ, чаро аз рӯи Ислом меросро байни фарзандони падар тақсим накардӣ? Ҳамин acт исломи ту, ки барояш гӯё мубориза мебарӣ ё ба ҳаромхӯрӣ одат кардаӣ?

Дар шаҳри Хуҷанд мулоқоти номзадон ба вакилии маҷлиси шаҳрӣ, вилоятӣ ва парлумони касбӣ оғоз гардид. Нахустин мулоқот дар Комиссияи ҳавзавии Раззоқ №1 оид ба интихоботи маҷлиси вакилони халқи шаҳри Хуҷанд воқеъ дар МТМУ №27 ҷойгир аст, баргузор гардид. Дар ин муассисаи таълимӣ ҳамзамон участкаи интихоботии №2-и ҳавзаи интихоботии Масҷиди Сурх 5 оид ба интихоботи вакилон ба Маҷлиси вакилони халқи вилояти Суғд низ ҷойгир карда шудааст.
Наим Маликисломӣ, раиси ҲХДТ дар шаҳри Хуҷанд чорабиниро оғоз намуда, аз ҷумла таъкид дошт, ки мутобиқи Фармони Президенти Ҷумҳурии Тоҷикистон муҳтарам Эмомалӣ Раҳмон интихоботи вакилони даъвати нав ба Маҷлиси намояндагони Маҷлиси Олии Ҷумҳурии Тоҷикистон ва ба маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо, вилоятҳо ва интихоботи вакилон ба ҷамоатҳои деҳот ва шаҳракҳо 1 марти соли 2020 ба нақша гирифта шудааст. Ин шашумин интихоботи парлумонӣ дар таърихи Тоҷикистони соҳибистиқлол мебошад.


Наим Маликисломӣ зикр намуд, ки бо мақсади муаррифии номзадон ба маҷлисҳои вакилони халқи вилояти Суғд ва шаҳри Хуҷанд мулоқоти имрӯза сурат гирифта истодааст. Ва дар мулоқот номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Хуҷанд №13 Гулбаҳор Назирӣ, шахси боэътимоди номзад ба Маҷлиси вакилони халқи вилояти Суғд Дилафрӯз Саидӣ –Анвар Ҳоҷиев, номзад ба вакили Маҷлиси вакилони халқи вилояти Суғд Замира Ҳомидова ва номзадон ба вакилии Маҷлиси вакилони халқи шаҳри Хуҷанд Хуршед Ғафуров, Зебо Аминова бо мақсади муаррифии барномаи пешазинтихоботии худ ҳузур доранд.
Сипас, Гулбаҳор Назирӣ номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Хуҷанд №13, Анвар Ҳоҷиев, шахси боэътимоди номзад ба Маҷлиси вакилони халқи вилояти Суғд Дилафрӯз Саидӣ, номзад ба вакили Маҷлиси вакилони халқи вилояти Суғд Замира Ҳомидова ва номзадон ба вакилии Маҷлиси вакилони халқи шаҳри Хуҷанд Хуршед Ғафуров ва Зебо Аминова баромад намуда, барномаҳои пешазинтихобтии хешро муаррифӣ карданд. Номзадҳо ба вакилони халқӣ аз интихобкунандагон даъват ба амал оварданд, рӯзи интихобот фаъолона ширкат варзида ба номзадони арзанда раъйи худро диҳанд.
Бояд қайд намуд, ки баргузории чунин мулоқотҳои номзадон ба вакилони халқ дар участкаҳои интихоботӣ бо интихобкунандагон то санаи 28-уми феврали соли 2020 тибқи нақша пешбинӣ гардидааст.

Ба Донишкадаи политехникии Донишгоҳи техникии Тоҷикистон ба номи академик Муҳаммад Осимӣ Вазири маориф ва илми Ҷумҳурии Тоҷикистон академик Муҳаммадюсуф Имомзода ташриф оварда, дар баробари шиносоӣ пайдо намудан аз фаъолияти донишкада бо роҳбарони муассисаҳои олии вилоят суҳбати муфид анҷом дод.
Вазири маориф ва илми Ҷумҳурии Тоҷикистон академик Муҳаммадюсуф Имомзода ба роҳбарони муассисаҳои олии вилоят роҷеъ ба бардоштани сифати таҳсилот, нерӯйи зеҳнии устодони донишгоҳҳо, тарғиби ихтисосҳо дар давраи қабули довталабон тариқи ММТ назди Президенти Ҷумҳурии Тоҷикистон, тадбирҳо ҷиҳати амалӣ намдани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», омодагӣ ба Наврӯзи байналмилал, корҳои бунёдкорӣ ва бо дастоварди арзанда истиқбол намдуани 30 солагии Истиқлолияти давлатии Ҷумҳурии Тоҷикистон дастуру машваратҳо дод.
Ҳамзамон ҷиҳати иҷрои қонунгузории маориф ва риояи интизоми меҳнат дар муассисаҳои олӣ супоришҳои мушаххас дода шуд.

Дар кори Конфренсия намояндаи КИ ҲХДТ дар вилояти Суғд Фаррух Зоҳидов, намояндаи комиссияи шаҳрии интихобот Тӯфа Мамадҷонова ширкат варзиданд.

Маликисломӣ Наим Мунаввар раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Конфренсияи навбатиро оғоз бахшида баён дошт, ки тибқи талаботи Қонуни конститутсионии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» мо имрӯз имкон дорем, ки номзадҳои худро ба вакилии Маҷлиси вакилони халқи вилояти Суғд ва шаҳри Хуҷанд пешбарӣ намоем. тибқи муқарарроти қонуни мазкур ҳизбҳои сиёсӣ 50 рӯз пеш аз интихобот метавонанд номзадҳои  худро ба вакилии  маҷлисҳои маҳаллӣ  пешбарӣ намоянд. Номбурда дар идомаи суханроинаш аз дастуру ҳидоятҳои Раиси муаззами ҳизб муҳтарам Эмомалӣ Раҳмон дар мавриди пешбарии вакилон аз ҳисоби занону ҷавонони фаъол ёдовар шуда, зикр дошт, ки бо назардошти дониш, малака, маҳорати ташкилочигӣ ва мавқеъ доштан дар ҷомеа 7 нафар номзадон  ба вакилии маҷлиси вакилони халқи вилоят ва 40 нафар ба вакилии маҷлиси вакилони халқи шаҳр пешниҳод карда мешаванд.

Аз ҷониби раисикунандаи  Конфренсия номзадҳо ба вакилии маҷлиси вакилони халқи  вилояти Суғд ва шаҳри Хуҷанд пешниҳод ва  муаррифӣ гардиданд.

Номзадҳои пешниҳодгардида аз тарафи вакилони конфренсия  якдилона пазируфта шудаанд ва доир ба масъалаҳои баррасишуда қарорҳои дахлдор қабул гардид.

Бо садо додани суруди миллӣ Конфренсияи XXII ҲХДТ дар шаҳри Хуҷанд ба кори худ анҷом бахшид

Дар толори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд чорабинии тантанавӣ ба ифтихори 27-солагии таъсисёбии Қувваҳои Мусаллаҳи Ҷумҳурии Тоҷикистон баргузор гардид.
Директори ДПДТТ ба номи академик М. Осимӣ дар шаҳри Хуҷанд Дилафрӯз Саидӣ устодон ва собиқадорони Қувваҳои мусаллаҳро бо Рӯзи Артиши миллӣ табрку таҳният гуфта, аз ҷумла зикр дошт, ки имрўз ҳамаи мо бисту ҳафтумин солгарди таъсисёбии Қувваҳои Мусаллаҳи Тоҷикистони соҳибистиқлоламонро бо шукргузорӣ аз фазои орому осоиштаи Ватани азизамон ҷашн мегирем. Ҳамаи шуморо ба муносибати бисту ҳафтумин солгарди таъсисёбии Қувваҳои Мусаллаҳи Ҷумҳурии Тоҷикис-тони соҳибистиқлол самимона табрик гуфта, бароятон дар иҷрои вазифаи муқаддасу пуршараф - ҳифзи Ватан, ҳимояи манфиатҳои давлат, таҳкими дастовардҳои истиқлолият ва мустаҳкам намудани иқтидори мудофиавии мамлакат комёбиҳо орзу менамоям. Воқеан 23 феврали соли 1993 дар таърихи соҳибистиқлолии кишвари азизамон бо таъсиси Қувваҳои Мусаллаҳ саҳифаи тозае боз гардид.
Дилафрӯз Саидӣ таъкид намуд, ки Қувваҳои Мусаллаҳи Ҷумҳурии Тоҷикистон зодаи даврони истиқлолияти давлатӣ ва яке аз дастовардҳои муҳими он ба ҳисоб рафта, аз рўзҳои аввали таъсисёбӣ дар назди онҳо вазифаҳои муқаддасу пуршараф - ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуданд. Ҳанўз бисту ҳафт сол пеш ба дўши ҳайати шахсии Қувваҳои Мусаллаҳи мамлакат иҷрои вазифаҳое вогузор гардид, ки сарнавишти давлат, тақдири миллат ва сулҳу суботи кишвар аз ҳалли онҳо вобаста буд. Мақсади асосӣ аз таъсис додани Артиши миллӣ ташкили нерўи ҳарбие буд, ки ба ҳифзи истиқлолияту озодии кишвар қодир бошад ва якпорчагиву тамомияти арзии онро таъмин намояд.
Зикр гардид, ки ба шарофати далериву шуҷоат ва фидокориву ҷоннисориҳои хизматчиёни ҳарбӣ - фарзандони бонангу номуси Ватан дар кишвари азизамон ҳокимияти қонунӣ барқарор гардида, барои сулҳу суботи устувор заминаи мустаҳкам фароҳам оварда шуд. Дар даврони муқовиматҳои мусаллаҳона ва саркўб намудани ошўбҳои исёнгаронаи хоинону душманони миллати тоҷик ҳазорон нафар хизматчиёни ҳарбии Қувваҳои Мусаллаҳ ҷони худро аз даст доданд. Давлату Ҳукумат фидокориву ҷонбозиҳои афсарону сарбозони шуҷои Ватанро ҳаргиз фаромўш намекунанд ва хотираи неки ҷавонмардонеро, ки барои барқарор намудани сохти конститутсионӣ, пойдории сулҳу субот, ҳимояи марзу буми Ватан ва ҳифзи зиндагии орому осоиштаи сокинони мамлакат ҷони худро нисор кардаанд, ҳамеша пос медоранд.Мо бояд ҳамеша зираку ҳушёр бошем ва ҳаргиз фаромӯш насозем, ки фазои орому осудаи имрўзаи мамлакат бар ивази ҷони ҳазорон нафар ҷавонмардони бонангу номуси миллат ба даст омадааст. Тавре Пешвои муаззами миллат муҳтарам Эмомалӣ Раҳмон дар яке аз суханрониҳои худ қайд намудаанд: «Таҳаввулоту ҳодисоте, ки вақтҳои охир дар дунё ба амал омада истодаанд, моро ҳушдор медиҳанд, ки ҷиҳати ба талаботи рўз мутобиқ гардонидани сатҳи омодабошии ҷангии Қувваҳои Мусаллаҳ минбаъд низ тадбирҳои зарурӣ андешем ва иқтидори мудофиавии мамлакатро боз ҳам баланд бардорем».
Дар анҷоми суханронии худ Дилафрӯз Саидӣ ҳамагонро бори дигар ба ифтихори бисту ҳафтумин солгарди таъсисёбии Қувваҳои Мусаллаҳ табрик гуфта, барояшон саломативу сарбаландӣ ва дар роҳи ҳифзи Ватани соҳибистиқлоламон рўҳи шикастнопазир ва иродаи қавӣ орзу намуд.
Сипас, Спартакидаи устодон ва кормандон барои ба даст овардани Ҷоми директори донишкада натиҷагирӣ шуд. Ҳамин тавр, ҷойи аввал насиби дастаи факултети информатика ва энергетика гардида, мақоми дуюмро раёсати донишкада ва зинаи сеюмро факултети муҳандисӣ ва иқтисодӣ ба даст оварданд. Ба ғолибон Ҷом ва туҳфаҳои хотиравӣ аз ҷониби Дилафрӯз Саидӣ, директори донишкада тақдим гардид.


Барномаи рангини консертӣ ки аз ҷониби бонувони донишкада манзур гардид, табъи ҳозиринро болида намуд.

Дар кори Конфренсия намояндаи КИ ҲХДТ дар вилояти Суғд Фаррух Зоҳидов, намояндаи комиссияи шаҳрии интихобот Тӯфа Мамадҷонова ширкат варзиданд.

Маликисломӣ Наим Мунаввар раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Конфренсияи навбатиро оғоз бахшида баён дошт, ки тибқи талаботи Қонуни конститутсионии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» мо имрӯз имкон дорем, ки номзадҳои худро ба вакилии Маҷлиси вакилони халқи вилояти Суғд ва шаҳри Хуҷанд пешбарӣ намоем. тибқи муқарарроти қонуни мазкур ҳизбҳои сиёсӣ 50 рӯз пеш аз интихобот метавонанд номзадҳои  худро ба вакилии  маҷлисҳои маҳаллӣ  пешбарӣ намоянд. Номбурда дар идомаи суханроинаш аз дастуру ҳидоятҳои Раиси муаззами ҳизб муҳтарам Эмомалӣ Раҳмон дар мавриди пешбарии вакилон аз ҳисоби занону ҷавонони фаъол ёдовар шуда, зикр дошт, ки бо назардошти дониш, малака, маҳорати ташкилочигӣ ва мавқеъ доштан дар ҷомеа 7 нафар номзадон  ба вакилии маҷлиси вакилони халқи вилоят ва 40 нафар ба вакилии маҷлиси вакилони халқи шаҳр пешниҳод карда мешаванд.

Аз ҷониби раисикунандаи  Конфренсия номзадҳо ба вакилии маҷлиси вакилони халқи  вилояти Суғд ва шаҳри Хуҷанд пешниҳод ва  муаррифӣ гардиданд.

Номзадҳои пешниҳодгардида аз тарафи вакилони конфренсия  якдилона пазируфта шудаанд ва доир ба масъалаҳои баррасишуда қарорҳои дахлдор қабул гардид.

Бо садо додани суруди миллӣ Конфренсияи XXII ҲХДТ дар шаҳри Хуҷанд ба кори худ анҷом бахшид

Эҳёи анъанаву ҳунарҳои миллӣ дар меҳвари сиёсати имрӯзаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дода шуда, тарғиби ҳунарҳои миллӣ қисми таркибии ташаккули ҳисси ватандӯстӣ, ифтихор аз гузаштагон мебошад ва бо шарофати Истиқлолияти давлатӣ ва Ваҳдати миллии Ҷумҳурии Тоҷикистон имконпазир гаштааст. Арҷ гузоштан ба арзишҳои миллӣ ва гиромидошти анъанаву суннатҳои ниёгон барои баланд шудани ҳувияти миллӣ ва худшиносиву худогоҳӣ мусоидат менамояд.

Барои баланд бардоштани ифтихори миллӣ, арҷгузорӣ ба фарҳанги воло, тарбияи зебоипарастӣ, тарғибу ташвиқи либосҳои миллӣ, таъсиси ҷойи корӣ, ба касбомӯзӣ ҷалб кардани занону духтарон, ба насли оянда пешкаш кардани ҳунари аҷдодӣ ва бо мақсади дарёфти истеъдодҳои нав дар солҳои соҳибистиқлолии кишвар як қатор тадбирҳои созанда андешида шуда истодааст.

Санаи 14 феврали соли ҷорӣ дар толори донишкада Фестивал-озмунҳои “Атласу адрас” ва “Чакомаи гесӯ” дар сатҳи баланд баргузор гардид.

Бо ифтихори баланд қайд гардид, ки бо ибтикор ва ғамхории директори донишкада муҳтарама Саидӣ Дилафрӯз Раббизода дар раванди таълиму тарбия имконияти васеъ фароҳам оварда шудааст.

Дар Фестивал-озмун маҳсули дастони донишҷӯдухтарони ҳунарманди ихтисоси технологияи маҳсулоти дӯзандагӣ пешкаш гардид. Аъзои ҳакамон дар ҳайати зерин ба ҳунари тарроҳони ҷавони донишкада - зебогӣ, яъне намуди эстетикӣ ва дизайни либос, нотакрорӣ ва ғайримуқаррарӣ, ҳалли тобиш ва обуранг, истифодаи ҳунарҳои гулдузии дастӣ ва қуроқдӯзӣ, интихоби ашёҳои ороишӣ ва ҳамчунин мӯйдарозон баҳогузорӣ намуданд:

Дадобоева Мунаввара Исломовна - директори маркази таълимии шаҳри Хуҷанд, аъзои шӯрои бонувони вилояти Суғд,

Робия Розиқова – сармуҳаррири рӯзномаи “Нилуфар”,

Негматова Мукаррама – собиқадори меҳнат, аъзои шӯрои бонувони вилояти Суғд,

Аҳророва Гулчеҳра Усмоновна – мудири шуъбаи илм ва инноватсияи Донишкадаи иқтисод ва савдои Донишгоҳи давлатии тиҷоратии Тоҷикистон

Ҷӯраева Замира Абдувалиевна - сардори шуъбаи илм ва инноватсияи донишкада

Бобоева Таиба Раҳматовна – мудири кафедраи забони давлатӣ ва ҷомеашиносӣ

Темирова Хайринисо Исломовна – омӯзгори калони кафедраи забони давлатӣ ва ҷомеашиносӣ

Толори донишкада намуди идона дошта, ба аҳли нишаст руҳияи идона бахшид. Иштирокчиён – тарроҳони ҷавони донишкада дар намоиши либос аз матоъҳои атласу адрас дар бахшҳои “Беҳтарин либоси расмӣ”, “Беҳтарин либоси идона” ҳунар ва малакаи хешро нишон доданд. Инчунин ороишу парвариши муй ва дар доираи расму оинҳои миллӣ намоиши гесӯи дароз пешкаши аҳли нишаст гардид. Ба аҳли толор намоиши саҳнача, ки талқингари либоси миллӣ мебошад, писанд афтод. Сурудҳои “Атласи тоҷик”, “Базм”, бадеҳаи “Куртаи атлас дорӣ” бо маҳорати баланд сароида шуда, табъи ҳозиринро болида намуд. Рақсҳои “Пайки сафед”  ва “Зебанда атлас” ба чорабинӣ шаҳомати хоса бахшид.

Дадобоева Мунаввара Исломовна  - директори маркази таълимии шаҳри Хуҷанд, аъзои шӯрои бонувони вилояти Суғд дар ҷамъбасти Фестивал-озмун зимни суханронӣ иброз дошт, ки барои мардуми мо фарҳанги баланди оиладорӣ ва либоспӯшӣ як ҷузъи фарҳанги миллӣ мебошад. Либоси миллии тоҷикӣ бошад, дар аксари кишварҳои шарқ ба либоси миллии халқияту миллатҳои дигар табдил ёфтааст. Мушоҳидаҳо нишон медиҳанд, ки куртаҳои атласу чакан, тоқиву рӯймол, ҷома ва дигар либосҳои миллӣ дар худ беҳтарин рамзҳои зиндагии аҷдодони барӯманди моро таҷассум намудаанд. Албатта вобаста ба давру замон завқи либоспӯшӣ ва худи либоси инсонҳо низ тағйир меёбад. Вале новобаста ба ин, либоси миллӣ ҳамчун як ҷузъи таркибии фарҳанги миллӣ боқӣ мемонад. Мо бояд дар зеҳну шуури аҳли ҷомеа либоси миллии худро, ки муаррифгари таърих ва маданияти мост, талқин намоем.

Аҳророва Гулчеҳра Усмоновна – мудири шуъбаи илм ва инноватсияи Донишкадаи иқтисод ва савдои Донишгоҳи давлатии тиҷоратии Тоҷикистон зимни баромади хеш аз ҷавонон даъват ба амал овард, ки ҳарчӣ бештару беҳтар аз ҳунару фарҳанги бойи миллиамон огоҳ бошанд ва барои эҳёву рушди онҳо замина гузоранд, зеро донишкада дар самти парвариши тарроҳону чеварони чирадаст пештози ҷамъият мебошанд. 

Ба ғолибони бахшҳои “Беҳтарин либоси расмӣ”, “Беҳтарин либоси идона” ва “Чакомаи гесӯ” аз ҷониби меҳмонон диплом ва тӯҳфаҳои хотиравӣ супорида шуд.

Бо мақсади шарҳи нуктаҳои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохилию хориҷии Ҷумҳурии Тоҷикистон” ки санаи 26.12.2019 ба Маҷлиси Олии Ҷумҳурии Тоҷикистон ирсол гардид, гуруҳи корӣ таҳти роҳбарии директори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ Дилафрӯз Саидӣ дар ҷамоати Меҳнатободи ноҳияи Зафаробод вохӯрӣ баргузор гардид.
Роҳбари гуруҳи корӣ, директори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ Дилафрӯз Саидӣ доир ба нуктаҳои муҳими Паёми Пешвои муаззами миллат иттилоъ дода, аз ҷумла афзуд, ки дар Паёми худ ба Маҷлиси Олӣ, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон самтҳои асосии сиёсати дохилию хориҷии мамлакатро барои давраҳои оянда муайян намуда, оид ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузоштанд. Зимни суханронӣ Сарвари давлат таъкид доштанд, ки соли 2019 бо рӯйдодҳои ниҳоят муҳиму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Таъкид гардид, ки татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд.
Зикр гардид, ки сиёсати давлат дар соҳаҳои савдо ва хизматрасонӣ дар ояндаи наздик бояд ба се самти асосӣ - ҳавасмандгардонии содирот, таъмин намудани гуногуншаклии истеҳсолоти ба содирот нигаронидашуда ва соддагардонии расмиёти савдо равона гардад. Дар робита ба ин, Вазорати рушди иқтисод ва савдо, Хадамоти гумрук, Агентии содирот, Палатаи савдо ва саноатро вазифадор гардиданд, ки корҳоро ҷиҳати татбиқи равзанаи ягонаи амалиёти содиротиву воридотӣ ва транзитӣ суръат бахшида, дар масъалаи шомил шудан ба низоми умумии бархурдорӣ аз имтиёзҳо ва “долонҳои сабз” тадбирҳои амалиро ба роҳ монанд.
Таъкид гардид, ки ҳарчанд ки дар сохтори содирот молу маҳсулоти истеҳсоли корхонаҳои кишвар зиёда аз 450 номгӯйро ташкил дода, ҳиссаи содирот дар гардиши савдои хориҷӣ аз 18,9 фоизи соли 2013 ба 27,4 фоиз дар соли 2019 расидааст, вале ин ҳоло ҳам қонеъкунанда нест. Яъне суръати афзоиш ҳанӯз паст мебошад. Дар ин давра ҳаҷми содироти семент, риштаи пахтагӣ, маъдану консентратҳо, қолинҳо ва баъзе намудҳои дигар афзоиш ёфта, содироти алюминийи аввалия, нахи пахта, меваю сабзавот ва консерва бо сабабҳои гуногун коҳиш ёфта истодааст.
Роҳбари Давлат масъулини дахлдорро вазифадор намуданд, ки дар солҳои минбаъда тамоми захираҳоро ба баланд бардоштани иқтидори содиротии кишвар, зиёд намудани ҳиссаи маҳсулоти ниҳоии саноатӣ дар ҳаҷми содирот ва аз байн бардоштани монеаҳои маъмурии мавҷуда равона созанд.
Изҳори нигаронӣ шуд, ки яке аз масъалаҳои ҳалталаб дар пешбурди содирот ба таври назаррас муаррифӣ нагардидани маҳсулоти истеҳсоли ватанӣ ва иштироки нокифоя дар намоишгоҳҳои байналмилалӣ мебошад ва аз масъулон, аз ҷумла Палатаи савдо ва саноат тақозо гардид, ки дар ин самт корро ҷоннок намоянд. Бо ин мақсад ва ҷиҳати дастрасӣ ба маълумот оид ба номгӯи маҳсулоти содиротӣ ва корхонаҳои истеҳсолкунанда зарур аст, ки портали савдои Тоҷикистон такмил дода шуда, корхонаҳои саноатӣ барои муаррифии маҳсулот ва пайдо намудани шарикони хориҷӣ сомонаҳои интернетии худро таъсис диҳанд. Вазорати саноат ва технологияҳои нав муваззаф гардиданд, ки бояд бо истифода аз таҷрибаи байналмилалӣ ва бо мақсади муаррифии маҳсулоти ватанӣ маълумоти дахлдорро бо зикри номи корхона, номгӯи маҳсулоти содиротӣ ва дигар иттилооти зарурӣ мунтазам ба нашр расонад.
Сомонаҳои интернетии корхонаҳо роҳи аз ҳама самараноки муаррифии маҳсулоти саноатӣ ҳисобида шуд. Роҳи дигари пешниҳоди маҳсулот барои фурӯш иштирок дар намоишгоҳҳои маҳсулоти саноатӣ дар кишварҳои хориҷӣ мебошад. Яъне аз ҳамаи воситаҳо бояд васеъ истифода карда шавад. Дар робита ба ин, Вазорати рушди иқтисод ва савдо, Агентии содирот ва Палатаи савдо ва саноат вазифадор гардиданд, ки барномаи рушди содиротро барои солҳои 2021-2025 таҳия ва ба баррасии Ҳукумати кишвар пешниҳод намоянд.
Президенти мамлакат муҳтарам Эмомалӣ Раҳмон аз афзоиш ёфтани масоҳати заминҳои бекор, биёбоншавӣ ва камобиву хушксолӣ боиси торафт паст шудани ҳосилнокии зироатҳои кишоварзӣ изҳори нигаронӣ намуда, риояи маданияти баланди заминдорӣ, ҷиҳати истифодаи самараноку сарфакоронаи об барои обёрии заминҳо, ҷорӣ намудани технологияҳои каммасраф дар соҳаи кишоварзӣ ва ҳифзи захираҳои об тақозо намуданд.
Таъкид шуд, ки то имрӯз дар самти азхудкунии заминҳои нави обёришаванда, барқарорсозии заминҳои аз гардиши кишоварзӣ берунмонда ва рушди соҳаи кишоварзӣ дар минтақаҳои гуногуни кишвар 12 лоиҳаи сармоягузории давлатӣ дар ҳаҷми қариб 2 миллиард сомонӣ татбиқ гардидааст ва ҳоло чунин лоиҳаҳо ба маблағи 665 миллион сомонӣ идома доранд. Бо вуҷуди ин, ҳар сол майдони беш аз 40 ҳазор гектар замин дар ҳолати ғайриқаноатбахши мелиоративӣ қарор мегирад. Вазорати кишоварзӣ, Агентии беҳдошти замин ва обёрӣ якҷо бо мақомоти иҷроияи маҳаллии ҳокимияти давлатӣ вазифад шуданд, ки дар самти пешгирӣ кардани аз гардиши кишоварзӣ баромадан ва шӯршавии заминҳо тадбирҳои доимӣ андешанд.Ҳамзамон масъулин муваззаф гардиданд, ки ҷиҳати зиёд кардани майдони кишти зироатҳо, ташкили гармхонаву сардхонаҳо ва беҳтар намудани таъминоти бозори истеъмолӣ бо маҳсулоти хушсифати ватании аз лиҳози экологӣ тоза, коркарди маҳсулоти соҳа ва афзоиш додани ҳаҷми содирот чораҳои қатъӣ андешанд. Аз як қитъаи замин гирифтани на як-ду, балки се-чор ҳосил, баланд бардоштани ҳосилнокии зироатҳо ва рушди соҳаи тухмипарварӣ низ аз ҷумлаи масъалаҳои муҳимми фаъолияти олимон ва кишоварзон дар ин самт арзёбӣ гардид.
Роҳбари гуруҳи корӣ, директори Донишкадаи политехникии Донишгоҳи техникии Тоҷикистон ба номи академик Муҳаммад Осимӣ Дилафрӯз Саидӣ дар анҷоми суханронии худ гуфт, ки дар маҷмуъ муҳтавои Паёми Пешвои миллат муҳтарам Эмомалӣ Раҳмон барои ҳар як сокини кишвар дастуру раҳнамо ва қутбнамои фаъолият аст.

Дар толори раёсати Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд бо иштироки васеъи намояндагони васоити ахбори оммаи дохилию хориҷӣ нишасти матбуотӣ баргузор гардид.
Нишастро бо сухани ифтитоҳӣ муовини директор оид ба таълими Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд дотсент Хуршед Мақсудов оғоз намуда, дар баромади хеш маълумотномаи мухтасарро оид ба фаъолияти Донишкада дар соли 2019 манзури ҳамагон гардонид.
Таъкид гардид, ки дар соли 2019 донишкадаро 800 нафар хатм карда, аз онҳо 696 нафарашон соҳиби дараҷаи бакалавр ва 104 нафари дигар соҳиби дараҷаи магистр шуданд. Ба донишкада 1389 нафар довталабон қабул шуданд ва нақшаи қабул 94,8 % иҷро гардид. Дар соли ҳисоботӣ нақшаҳои таълимии нави дар донишкада таҳиягардидаи ҳамаи ихтисоси шакли таҳсили фосилавии зинаи бакалавриат, зинаи магистратура ва зинаи докторантура (PhD) аз тарафи Вазорати маориф ва илми Ҷумҳурии Тоҷикистон тасдиқ намуда ба раванди таълим ҷорӣ карда шуд. Бо дарназардошти он ки нақшаҳои таълимии шакли таҳсили рӯзонаи зинаи бакалавриат соли 2018 таҳия ва тасдиқ шуда буданд, мундариҷаи таълим барои 13 ихтисосҳои шакли таҳсили рӯзона (аз ҷумла 2 ихтисоси нав) стандартҳои давлатии таълим ва нақшаҳои таълим аз нав таҳия ва барои ташхису тасдиқ пешниҳод гардидаанд.


Хуршед Мақсудов афзуд, ки соли 2019 дар донишкада аз рӯи 15 мавзӯъ корҳои илмӣ–таҳқиқотӣ гузаронида шуд. Дар соли 2019 дар донишкада 1 конференсияи илмии сатҳи ҷумҳуриявӣ ва 6 конференсияҳои сатҳи донишкадавӣ гузаронида шудаанд. Дар ин давра аз тарафи омӯзгорону кормандони донишкада 514 мақолаҳои илмӣ ба чоп расонидаанд, ки аз онҳо 126 мақола ба нашрияҳои КОА дахл доранд. Ба ғайр аз ин, аз ҷониби омӯзгорон 9 монография, 3 нахустпатент, 2 шаҳодатномаи зеҳнӣ гирифта шудааст. Ғайр аз ин 36 шаҳодатномаи зеҳнӣ аз тарафи раёсати донишкада ба даст оварда шудааст.
Иттилоъ дода шуд, ки соли 2019 дар озмуни “Ихтирокорон ва навоварони беҳтарини Тоҷикистон” ҷиҳати дарёфти Ҷоми Академияи илмҳои Ҷумҳурии Тоҷикистон сардори маркази технологияҳои компютерӣ Парвиз Солиев иштирок варзида, соҳиби ҷоми озмуни чумҳуриявии “Ихтирокорон ва навоварони беҳтарини Тоҷикистон” гардид. Ғайр аз ин магистранти курси 1 Ғаниев Н. дар озмуни лоиҳаҳои инноватсионии вилоятӣ сазовори ҷойи дуюм гашт. Дар озмуни вилоятии бизнес лоиҳаҳои беҳтарин барои рушди соҳаи сайёҳӣ донишҷуён Дадобоев А. ва Ахмедов М. сазовори ҷойҳои дуюм ва сеюм гаштанд.
Зикр гардид, ки соли сипаридашуда дар умум дар донишкада беш аз 175 вохӯриву чорабиниҳои гуногунмазмун гузаронида шуданд, ки ба тарбияи сиёсӣ, ахлоқиву маънавӣ, маърифатӣ, хештаншиносиву худогоҳии миллӣ, ватанпарастӣ, масъулиятшиносӣ, касбинтихобкунӣ, зебоипарастӣ, варзишӣ, ҳаёти солим, гуманистӣ ва экологӣ равона шуда буданд. Хобгоҳи донишкада ба пуррагӣ таъмир гашта, соҳиби 450 ҷой ва 8 ошхонаи замонавӣ аст. Дар хобгоҳ ҳамаи шароитҳои зист барои зиндагӣ, таълим ва истироҳат ба донишҷӯён муҳайё карда шудааст. Дар ошёнаи якуми хобгоҳ ҳуҷраи ҳунарҳои мардумӣ ва дарздӯзӣ барои духтарон ташкил карда шудааст.
Роҷеъ ба ҳамкориҳои шуъбаи робитаҳои хориҷӣ дар доираи самти панҷуми cтратегияи рушди донишкада барои солҳои 2019-2024 (Самти сифати муҳити корӣ- шумораи грантҳо барои рушд ва таҳкими пояи моддию техникии муассиса) 17 лоиҳаҳои дархостиро таҳия ва ирсол карда шуд. Дар натиҷа, дар донишкада дар соли 2019 панҷ лоиҳа амал мекунад: Таҳсилоти олӣ барои низоми озуқаворӣ ва стандартҳо дар Осиёи Марказӣ (574005-EPP-1-2016-1-LV-EPPKA2-CBHE-JP Higher Education for Central Asia Food Systems and Standards), Таҳсилоти касбӣ ва такмили ихтисос дар Осиёи Марказӣ (Professional Education and Training in Central Asia), Арзёбии хатари экологӣ ва сабукгардонии оқибати он ба дороиҳои мероси фарҳангӣ дар Осиёи Марказӣ (609574-EPP-1-2019-1-ITEPPKA2-CBHE-JP Environmental risk assessment and mitigation on Cultural Heritage assets in Central Asia), Лоиҳаи Муҳити тиҷоратӣ дар Осиёи Марказӣ, Ҳамкорӣ дар соҳаи нассоҷӣ ва дӯзандагӣ бо Маркази тиҷорати байналмилалӣ.


Дар самти сифати таълим ва сифати таҳсили нақшаи стратегии донишкада - такмили ихтисоси омӯзгорон дар хориҷи кишвар ва таҷрибаомӯзии донишҷӯён барои кормандон ва донишҷӯёни донишкада миқдори барнома барои таҳсил ва тадқиқот дар хориҷа ба 19 ва барномаҳо барои таҷрибаомӯзӣ ба 11 адад расид.
Дар соли 2019 миқдори умумии шартномаҳои бо муассисаҳои таҳсилоти олии ҷаҳон басташуда ба 237 расид, ки он имконият медиҳад, донишҷӯён ва устодони донишкада дар муассисаҳои олии пешоҳанги дунё таҳсил ва коромӯзӣ намоянд. Моҳи марти соли 2019, 2 нафар устодони донишкада дар доираи ҳамкории ДПДТТХ бо Донишгоҳи технологии Гуйлини Ҷумҳурии Мардумии Чин бо мақсади гузаштани лексия, омӯзиш ва гирифтани таҷриба оид ба экологияи саноатӣ фиристода шуданд. Моҳи апрели соли 2019, курсҳои куттоҳмуддати забони олмонӣ барои 24 нафар донишҷӯён ташкил карда шуд. Бо мақсади бо сифати баланд гузаронидани курсҳои кутоҳмуддат дар доираи ҳамкории донишкада ва барномаи SES (Senior Expert Service - Хадамоти Коршиносони Калонсол ) коршиноси забони олмонӣ барои гузаштани курсҳои кутоҳмуддат даъват карда шуд. Аз рӯйи барномаҳо 36 нафар устодону донишҷӯён барои таҳсил, таҷрибаомӯзӣ, такмили ихтисос, тадқиқот ва иштирок дар конфронсҳои байналмиллалӣ ба хориҷи кишвар сафар намуданд. Дар самти қабули донишҷӯён ва кормандони илмӣ аз хориҷа 11 нафар донишҷӯён дар ДПДТТХ таҳсил карданд ва 13 нафар омӯзгорони хориҷӣ ба донишҷӯён дарс гузаштанд.
Сипас, аз ҷониби намояндагони васоити ахбори омма доир ба тайёр намудани мутахасисони баландихтисос дар донишкада, тадбирҳо ҷиҳати эълон шудани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», фаъолияти Парки технологӣ, истифодаи нерўйи зеҳнии устодон баҳри ихтироъ ва кашфиётҳои тоза, ҳамкории байналхалқӣ, ҳолати хобгоҳҳо, атестатсияи устодон, раванди талим дар шуъбаи фосилавӣ, вазъи таҳсил дар шуъбаи магистратура ва ғайраҳо саволҳо матраҳ гардида, ҷавобҳои мушаххас гирифта шуданд.

Имрӯз дар маҷлисгоҳи Донишкадаи политехникии Донишгоҳи техникии Тоҷикистон идомаи Конференсияи XXII ташкилотҳои Ҳизби Халқии Демократии Тоҷикистон дар шаҳри Хуҷанд доир гардид ва Гулбаҳор Назирӣ ин навбат низ ҳамчун номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҷониби вакилони ҲХДТ дар шаҳри Хуҷанд пешбарӣ карда шуд.
Дар кори конференсия раиси Кумитаи иҷроияи ҲХДТ дар вилояти Суғд Матлубахон Амонзода, муовини раиси комиссияи ҳавзавии интихобот оид ба интихоботи вакилони Маҷлиси намояндагон дар ҳавзаи якмандатии Хуҷанд №13 Орифҷон Умаров, аъзои Ситоди пешазинтихоботии Кумитаи иҷроияи ҲХДТ дар шаҳр, 195 нафар вакилон, гуруҳҳои таблиғотӣ, гуруҳои мобилӣ, аъзои Ташкилоти ҷамъиятии ҷавонон “Созандагони Ватан” дар шаҳри Хуҷанд ва рузноманигорон аз васоити ахбори оммаи давлативу ҳизбӣ иштирок доштанд.
Раиси кумиҷроияи ҲХДТ дар шаҳри Хуҷанд Наим Маликисломӣ чорабиниро ҳусни ифтитоҳ бахшида, баён дошт, ки соли 2020 барои сокинони кишвар, хосса барои ҳизбиён соли пурмасъул хоҳад буд. Зеро маъракаи сиёсии интихобот натиҷаҳои фаъолияти ҳизбиёнро муайяну мушаххас намуда, онҳоро ба корҳои созандагиву бунёдкорӣ бештар раҳнамоӣ месозад.


Вобаста ба пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Хуҷанд №13 Матлубахон Амонзода, раиси кумитаи иҷроияи ҲХДТ дар вилояти Суғд маъруза намуда, баён дошт, ки ҲХДТ аз рӯзҳои аввали фаъолияташ таҳти сарварии Раиси муаззами ҳизб, Пешвои миллат муҳтарам Эмомалӣ Раҳмон мавқеи раиятдӯстонаро пеш гирифта, бо роҳандозии оинномаву Барномаи фаъолияташ барои ҳифзи манфиатҳои халқ, баланд бардоштани донишҳои сиёсӣ ва татбиқи ҳадафҳои давлат ва Ҳукумати Ҷумҳурии Тоҷикистон кӯшиш ба харҷ медиҳад. Имрӯз ҳизбиёни вилоят, ки теъдоди онҳо 145 ҳазор нафар мерасад, дар ҳамкорӣ бо мақомоти иҷроияи ҳокимияти давлатии вилоят амалҳои неку шоистаро анҷом медиҳад. Мусаллам аст, ки ба фаъолияти ҳизб аз чигунагии номзадҳояш дар мақомоти олии конунбарор ва зинаҳои поёнии маҷлисҳои маҳаллӣ баҳо медиҳанд. Бо назардошти фаъолияти муваффақонаи Гулбаҳор Назирӣ дар парлумони касбӣ номзадии ӯ аз нав ба вакили Маҷлиси намояндагони Маҷлиси Олии Ҷумҳурии Тоҷикистон аз ҷониби ҳизбиёни шаҳри Хуҷанд пешбарӣ карда мешавад.
Раиси кумитаи иҷроияи ибтидоии ба номи М.С. Осимӣ Дилафрӯз Саидӣ, раиси шӯрои собиқадорони кумиҷроияи шаҳрии ҳизб Абдуҳаким Шарипов ва узви Маҷлиси миллии Маҷлиси Олии Ҷумҳурии Тоҷикистон Саодат Аминҷонова аз кору пайкори Гулбаҳор Назирӣ ёдовар шуда, баён доштанд, ки номзади пешбаришуда аллакай дар ҷомеа ба ҳайси олима, зани нерӯманд ва ташкилотчии моҳир шинохта шудааст ва дар сурати пирӯзӣ барои баланд бардоштани обрӯ ва нуфузи ҳизб, пешрафти тамоми самтҳои хоҷагии халқ саҳми калон хоҳад расонд.
Сипас, тариқи бюллетени овоздиҳии пинҳонӣ мавқеи вакилон нисбатии Гулбаҳор Назирӣ аз ҳавзаи интихоботии якмандатии Хуҷанд №13 номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҷониби вакилони конференсия муайян гардид.
Ҳайати комиссияи баҳисобгирии овозҳо иттилоъ доданд, ки бо гирифтани аксарияти раъйи вакилон Гулбаҳор Назирӣ номзад ба вакили Маҷлиси намояндагони Маҷлиси Олии Ҷумҳурии Тоҷикистон пешбарӣ гардид.
Дар фарҷоми кори конференсия Гулбаҳор Назирӣ барои боварию эътимоди вакилон изҳори сипос намуд.