Китобхонаи рақамии ДПДТТ аввалин китобхонаи рақамӣ дар Ҷумҳурии Тоҷикистон буда, дар он зиёда 46078 адад маводи таълимӣ - методӣ ва илмӣ дар форматҳои машҳури pdf, djvu, txt, chm, doc ва ғайра нигоҳ дошта мешавад. Китобхонаи рақамӣ дорои шаҳодатномаи маҳсулоти зеҳнӣ мебошад.  Он  аз тарафи донишҷӯён ва омӯзгорони донишкада дар намуди Web – замима бо истифодаи Web – технологияҳои  PHP, Apache, MySQL сохта шудааст.

Аз ҳамаи компютерҳои дар донишкада буда ба китобхонаи рақамӣ пайваст шудан мумкин аст. Ба ғайр аз ин аз дилхоҳ компютере, ки дар системаи идоракунии фаъолияти донишкада қайд шудааст, ба китобхонаи рақамӣ пайваст шуда метавонад. 3300 донишҷӯён ва  200 нафар омӯзгорон ва кормандон  дар як вақт бо компютерҳои ғайрикитобхонавӣ, нотбук, планшет ва смартфони худ бо воситаи ноқилҳо ва Wi-Fi –и шабакаи компютерӣ ба СИИ донишкада дохил шуда, аз китобхонаи рақамӣ истифода мебаранд. 

Имкониятҳо:

 Ташкил ва нигоҳ доштани фонди ягонаи маводи таълимию  илмии донишкада;

- ҷустуҷӯи мавод аз рӯйи методҳо ва мавзӯоти гуногун;

- хондан, гирифтан ва илова намудани маводи таълимию илмӣ;

- дархост намудани китоби нав;

- аз назар гузаронидани феҳрасти китобхонаи ДПДТТ

 

Барои истифодабаранда имконияти қулайи фармоиши китоб ва инъикоси ин фармоиш дар интерфейси китобдор барои тайёр намудан ва супоридани китобҳои фармудашуда  сохта шудааст.