“Варзиш мактаби обутоби ҷисмонӣ ва мардонагӣ буда, ҷавононро барои ҳимояи марзу бум, эҳтиром ба арзишҳои миллӣ, оромиву суботи кишвар ва ҳифзу таҳкими дастовардҳои бузурги давлатӣ ҳидоят мекунад”.   

Эмомалӣ Раҳмон

 

Варзиш – гарави саломатӣ ва саломатии миллат, шарти муҳимтарини бақои имрӯзу фардои давлат мебошад. Варзиш яке аз соҳаҳои муҳими ҳаёти иҷтимоӣ буда, барои беҳдошти саломатии аҳолии ҷомеа ва парвариши насли навраси солиму неруманд аҳамияти бузург дорад. Ҳар чӣ қадар ба рушди соҳаи варзиш шароит фароҳам оварем, ҳамон қадар насли ҷавонро аз амалҳои номатлуб, ба монанди нашъамандиву нашъаҷаллобӣ, аъзо шудан ба гурӯҳҳои экстремистиву ифротгаро ва ғайра наҷот мебахшем.

Ба варзиш машғул шудан инсонро ҳамеша солиму бардам ва руҳан қавӣ мегардонад. Боиси хушнудист, ки дар донишкада ба рушди соҳаи варзиш диққати ҳамаҷониба медиҳанд. Ширкати фаъолона дар спартакиадаи вилоятиву ҷумҳуриявӣ байни муассисаҳои олӣ, ғолибияти донишҷӯён дар риштаҳои баскетбол, таэквандо, дзюдо, қаиқронӣ, муҳорибаи тан ба тан (ММА) худ далели гуфтаҳои болоӣ  мебошанд. Чунончӣ донишҷӯи соли аввали факултети информатика ва энергетика Меҳроб Давлатов, ки аз синни 15 солагӣ ба намуди варзишии дзюдо машғул аст, дар мусобиқаи вилоятӣ бахшида ба 25-солагии Истиқлолияти давлатӣ оид ба ҳамин намуди бозӣ миёни ҷавонони синашон аз 19 сола поён сазовори ҷойи якум гардид. Бо ташаббуси Кумитаи кор бо ҷавонон, варзиш ва сайёҳии Ҳукумати Ҷумҳурии Тоҷикистон санаҳои 10-11 сентябри соли 2016 дар шаҳри Душанбе мусобиқаи ҷумҳуриявӣ оид ба қаиқронӣ дар байни ҷавонони то 21 сола баргузор гардид. Донишҷӯи курси 4, гурӯҳи 69.01.01та Раҳимов Абдураҳмон дар ин мусобиқа маҳорати баланди варзишӣ нишон дода, дар ҷамъбаст ҷойи аввалро соҳиб гардид. Диплом ва медалро дар вазъияти тантанавӣ раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Адҳам Абдуллозода ба ӯ супорид. Санаи 27 сентябри соли 2016 дар варзишгоҳи шаҳри Исфара мусобиқаи варзишии ҷумҳуриявӣ аз рӯи намуди варзишии санъати муҳорибаи омехта (ММА) байни наврасон ва ҷавонон доир гардид. Донишҷӯи курси 2, факултаи муҳандисӣ-иқтисодӣ Рашидов Хуршед дар ин мусобиқа хуб баромад намуда, соҳиби ҷойи аввал ва Ифтихорнома гардид. Санаҳои 20-24 октябри соли 2016 дар пойтахти кишварамон - шаҳри Душанбе мусобиқаи ҷумҳуриявӣ оид ба тениси рӯи миз доир гардид. Боиси хушнудист, ки донишҷӯи курси 3, факултети информатика ва энергетика  Шероз Набиев ҳамчун ғолиби мусобиқаи вилоятӣ дар сатҳи ҷумҳуриявӣ низ қувваозмоӣ намуда, дар ҳисоби даставӣ ҷойи якумро ишғол намуда, соҳиби медал ва Ифтихорнома гардид.

Моҳи марти соли 2017 дар толори варзишгоҳи коллеҷи тиббии шаҳри Хуҷанд мусобиқаи волейбол байни муассисаҳои таҳсилоти олӣ ва миёнаи касбӣ доир гардид. Ба даври нимниҳоӣ коллеҷи тиббӣ, Донишкадаи политехникии Донишгоҳи техникии Тоҷикистон, Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи давлатии Хуҷанд роҳ ёфтанд. Варзишгарони Донишкадаи политехникӣ ҷойи дуюмро ишғол намуда, ифтихорнома ва тӯҳфаҳои хотиравӣ дар вазъияти тантанавӣ супорида шуд.

Моҳи марти соли 2017 дар толори варзишгоҳи коллеҷи тиббии шаҳри Хуҷанд мусобиқаи волейбол байни муассисаҳои таҳсилоти олӣ ва миёнаи касбӣ доир гардид. Ба даври нимниҳоӣ коллеҷи тиббӣ, Донишкадаи политехникии Донишгоҳи техникии Тоҷикистон, Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи давлатии Хуҷанд роҳ ёфтанд. Варзишгарони Донишкадаи политехникӣ ҷойи дуюмро ишғол намуда, ифтихорнома ва тӯҳфаҳои хотиравӣ дар вазъияти тантанавӣ супорида шуд.