Шукронаи ҳамин озодиву Истиқлолияти давлатӣ, ки воситаи саодат ва нусрати зиндагонии ҳар яки мост. Хоса роҳеро, ки мо ба хотири суботи ҷомеа бо ҳидоятҳои Сарвари давлат тай намудем моро ба нуқтаи баландтарин, яъне сулҳу ваҳдат ва дӯстиву ягонагӣ бурда расонид. Агар ба таърихи начандон тӯлонии кишварамон назар андозем, бинобар сабаби бархе ҳолатҳои сиёсӣ, мардум рӯзҳоеро паси сар кард, ки аз сулҳу ваҳдат ва одамгароиву инсондӯстӣ миёни мардуми як қавму миллат осоре боқӣ намонда буд. Маҳз бо талошҳои роҳбарияти оқилу доно ва дурандеши кишварамон мо имрӯз ифтихор аз Ватану ватандориро омӯхтем ва саодат ёфтем. Ва агар имрӯз ҳар кас, ки шудем ва ҳар чь ба даст овардем, натиҷаи сиёсати давлатии Ҳукумати кишварамон таҳти роҳбарии Эмомалӣ Раҳмон мебошад.

Моро мебояд, ки ҳамеша пайрави ақидаҳои созанда ва сулҳҷӯёнаи ватандӯстдорон бошем ва дар атрофи давлату Ҳукумате, ки ҳамеша ба хотири манфиатҳои милливу мардумӣ заҳмат мекашанд, иттиҳод бошем.

Боиси сарфарозии кулли мардуми шарафманди тоҷик аст, ки имрӯз мо дар фазои ободу озоди умр ба сар мебарем ва ифтихор аз дорем, ки миллатамон рӯз то рӯз гул-гулшукуфон гашта, ободу зебо мегардад ва ба як гӯшаи зебоманзари рӯи Замин мубаддал гаштааст.

Тоҷикистонро биҳишти рӯйи замин мегӯянд, ки беҳуда нест, зеро сарзамини мо табиати назарраберо мемонад, ки мислаш дар ҷаҳон нест ва боғҳои пур аз анҷои меваю гулгаштҳои зебоманзар назари ҳар бинанда ва сайёҳонро ба худ тасхир намудааст.

Аз ҳама муҳимтар он аст, ки дар кишварамон доимо хандаҳои беғаши кӯдаконро мешунавему модарону хоҳаронро ҳамеша хушиқбол мебинем. Ана ҳамин худ бахту саодати бегазанд аст. Бақои миллату давлат аст, ки хандаи кӯдакони маъсум таҷассумгари ояндаи пурнишоту нусратмандии халқи тоҷик таҳти роҳбарии бевоситаи сарвари давлат ва Ҳукумати кишвар аст. Миллати тоҷик қавму миллати нав нест, ин қавм аз замони дур ва хело қадим то кунун арзи вуҷуд кардааст. Тоҷикон қавми ориёинажодон, яъне ҷумлае аз ҷомеаи поктинату донишманду хирадманд ва оқилу ояндабин мебошанд.

Фароғат Маҳмудова, устоди ДПДТТХ

ба номи академик Муҳаммад Осимӣ

дар шаҳри Хуҷанд