Дар замони соҳибистиқлолии Ватани азизамон самти сиёсати ҷавонон дар маркази таваҷҷӯҳи давлату Ҳукумат қарор дорад. Натиҷаи ҳамин таваҷҷӯҳи давлату роҳбарияти кишвар нисбат ба самти фаъолияти ҷавонон буд, ки имрӯз ҷавонони мо дар роҳи ободкориву созандагӣ ва баланд бардоштани эҳсоси худогоҳиву масъулиятшиносӣ ақидаҳои наҷиберо пешниҳод мекунанд. Алабатта давлату Ҳукумати кишвар ҷавононро дар ҳамаи самту соҳаҳо дастгирӣ намуда, барои фаъолияти илмиву амалии онҳо тамоми шароити мусоидро фароҳам овардааст.

Асосгузори сулҳу ваҳдати мллӣ – Пешвои миллат, Президенти кишвар, муҳтарам Эмомалӣ Раҳмон дар ҳамаи баромаду суханрониҳои хеш аз ҷумла иброз менамоянд, ки: “Ҷавонон нерӯи созанда ва пешбарандаи халқ ҳастанд. Таваҷҷӯҳи махсус заҳир намудани давлату Ҳукумат нисбат ба самти фаъолияти эшон бесамар набуда, ояндаи дурахшони миллатамон бевоситаи аз ақидаҳои созандаву ободкоронаи онҳо вобаста аст”.

Миллате, ки ҳоло ҳамчун давлати мустақил арзӣ ҳастӣ карданашро 34 -сол сипарӣ шудааст, худ миллати ҷавон аст. Зеро фазои Истиқлолу озодӣ барои зиндагонии миллати тоҷик такони ҷиддие бахшид, то мардум саодати зиндагонии шоистаро аз сар гузаронанд. Албатта боиси ифтихор ва сарфарозиҳои тамоми мардуми шарафманди миллати тоҷик аст, ки дар Тоҷикистон барои тамоми мардум шароити зисту зиндагони ба дараҷаи аъло фароҳам оварда шудааст. Вале маҳз Пешвои миллат ҷавононро бештар эътимод мекунанду ҳидоят менамоянд, ки ба хотири фардои миллати тоҷик бетараф набошанд. Ҳамеша ақидаҳои созандаву бунёдкоронаро рӯи кор оварда, ба хотири суботи ҷомеаи шаҳрвандии Тоҷикистон саҳми сазовори хешро гузоранд.

Баланд бардоштани эҳсоси ватандӯстиву худогоҳии миллӣ дар ниҳоди ҷавонон яке аз вазифаи асосии зиёиёну калонсолон мебошад. Ҳамаи мо омӯзгорону устодонро мебояд, ки кӯрдилону худхоҳонро маҳз бо тарбия додани ҷавонони ватандӯст теша бар реша зада, амалҳои ифротиву иртиҷоии онҳоро маҳкум намоем. Миллати тоҷик, миллати огоҳ аз ҳама гуна падидаҳои сиёсиву иҷтимоӣ аст, зеро дар қарни гузашта, ҷанги таҳмилии шаҳрвандиеро таҷриба кардааст, ки бар асари он миллати мо тӯли даҳҳо соли пешрафти худро аз даст додааст.

Ба ҳамин хотир маҳкум кардани арзи вуҷуди носипос дар хоки Ватани азизамон вазифаи ҳар кадоми шаҳрвандони диёрамон аст. Хосатан ҷавонон хеле масъулияти баланд доранд, ки барои манфиати халқу миллати хеш ҳамеша омода бошад, хизмати мардонавори худро барои ҳифзу ҳимояи марзу буми кишвар дареғ надоранд.

Набӣ Азимов, устоди ДПДТТХ