«Татбиқи босамари сиёсати давлатии ҷавонон аз рӯзҳои нахустини соҳибистиқлолӣ дар меҳвари фаъолияти Ҳукумати Тоҷикистон қарор дорад. Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору фаъолияти насли калонсол, неруи созанда ва иқтидори воқеии пешрафти ҷомеа, хулоса ояндаи миллат ва давлат мебошанд». 

Фаъолияти созмони ҷавонони Донишкадаи политехникии Донишгоҳи техникии Тоҷикистон ба номи академик Муҳаммад Осимӣ вобаста ба татбиқи Қонунҳои Ҷумҳурии Тоҷикистон  «Дар бораи ҷавонон ва сиёсати давлатии ҷавонон», «Дар бораи маориф», «Дар бораи масъулияти падару модар дар таълиму тарбияи фарзанд», «Танзими анъана ва ҷашну маросимҳои миллии Ҷумҳурии Тоҷикистон», Барномаҳои дурамали Ҳукумати Ҷумҳури Тоҷикистон, Қарору фармоишотҳои Вазорати маориф ва илми Ҷумҳурии Тоҷикистон, қарорҳои Шўрои олимон ва фармоишоти директори Донишкада  амал намуда, дар самтҳои мухталиф корҳои тарғиботиву ташвиқотӣ, илмию маърифатӣ, фарҳангӣ ва оммавию варзиширо роҳандозӣ намуд.

Ҷавонони донишкада ҳамчун қисми ҷудонашавандаи ҷомеаи имрӯза, ҳамеша омода ҳастанд, ки ҳамаи супоришу дастурҳои роҳбарияти Ҷумҳурии Тоҷикистонро мувофиқи нақша чорабиниҳои маъмурияти донишкада дар якҷояги бо шӯъбаи тарбия ва кор бо ҷавонон софдилона бо дарки баланди масъулият ба иҷро расонанд.