Дар семинар раёсати донишкада, факултет, мутахассисон аз ФҶСК “Шабакаҳои интиқоли барқ” дар шаҳри Гулистон, устодони кафедра ва донишҷӯёни курсҳои 3 ва 4 ихтисосҳои таъмини барқ ва ҳаракатдиҳандаҳои автоматии барқӣ иштирок намуданд.

Мақсади баргузории семинари илмӣ-амалӣ ин ба самъи шунавандагон расонидани корҳои илмӣ-тадқиқотии устодону донишҷӯён, рушди энергетикаи Тоҷикистон ва баланд бардоштани савияи дониши донишҷӯён мебошад. Семинари илмӣ-амалиро декани факултети информатика ва энергетика Акрамова З.Б. ҳусни оғоз бахшида, қайд намуд, ки гузаронидани семинарҳои илмӣ-амалӣ барои тайёр намудани мутахассисони баландихтисос зарурӣ мебошад. Ҳозиринро бо омадани Рузи энергетикҳо табрик карда, ба кори семинар барору комёбӣ таманно намуданд.

Мудири кафедраи таъминоти барқ ва автоматика ба кушодашавии семинари илмӣ-амалӣ ибрози ақида намуда, суханро ба О. Ваҳҳобов, ҳамкори кафедра, муҳандиси пешбари хадамоти эътимодият ва амнияти фаннии ФҶСК “Шабакаҳои интиқоли барқ” дар шаҳри Гулистон доданд. Ваҳобов О.И. дар мавзӯи “Истиқлолияти энергетикӣ ва ҳадафҳои он” баромад намуда, аз ҷумла зикр намуд, ки бо дастуру ҳидоятҳои хирадмандонаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар қатори дигар ҳадафҳои стартегии мамлакат Истиқлолияти энергетикии кишвар – яке аз ҳадафҳои старетгии давлату ҳукумат эълон гардид. Дар ин раванд соаҳи энрегетикаи Тоҷикистон ба дастовардҳои назаррас ноил гардиданд.

Сипас докторанти курси 2 ихтисоси энергетикаи электрикии донишкада Ҷӯраев М.М. дар мавзӯи “Рушди энергетика дар даврони истиқлолият” баромад намуда, оид ба рушди соҳа маълумоти пурмазмун пешкаш намуд.

Ҳамчунин донишҷӯёни фаъол, аз ҷумла Азимбоев И.А. донишҷӯйи курси 4 ихтисоси таъмини барқ дар мавзӯи “Рушди соҳаи электроэнергетика дар Ҷумҳурии Тоҷикистон” ва Маннонов Д.А., донишҷӯйи курси 4, ихтисоси ҳаракатдиҳандаҳои автоматии барқӣ дар мавзӯи “Роғун – кохи нур” маърӯзаҳои илмӣ намуданд.