Дар донишкада бо мақсади дар амал татбиқ намудани дастуру ҳидоятҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба ташаккули тарзи ҳаёти солим, рушди тарбияи ҷисмонӣ ва варзиш чораҳои амалӣ андешида мешавад.

Бо мақсади фароҳам овардани шароити мусоид баҳри оммавигардонии варзиш дар байни донишҷӯён ду толори варзишии донишкада ва майдончаи футболи назди хобгоҳ  бо лавозимоти варзишӣ таъмин карда шуда, мунтазам машқҳои варзишӣ, мусобиқаҳои донишкадавӣ баргузор мегардад. Ташаббусҳои роҳбарияти донишкада  оид ба пеш бурдани тарзи ҳаёти солим, рушди соҳаи варзиш донишҷӯёни варзишгарро руҳбаланд гардонида, боиси афзудани дастовардҳо, ширкати фаъолона дар спартакиадаҳои вилоятиву ҷумҳурӣ мегардад.