Докторантураи PhD зинаи сеюми таҳсилоти олии касбӣ буда, хатмкунандаи он баъди аз худ намудани барномаи касбии докторантура аз рӯи ихтисоси муайян ва ҳимояи рисолаи илмии дахлдор соҳиби дараҷаи академии доктори фалсафа (PhD) - доктор аз рӯи ихтисос мешавад. 
Мӯҳлати меъёрии таҳсил: 3 сол
Мақсади таҳсил: Таваҷҷӯҳ ба таҳқиқоти аслӣ, овардани донишҳои нав ба ин соҳа. Ишғоли вазифаи омӯзгории сатҳи болотар дар муассисаҳои таҳсилоти олии касбӣ ба монанди донишкада, академия ё донишгоҳ ё вазифаҳои болотари илмӣ дар муассисаҳои илмӣ – тадқиқотӣ.
Натиҷаи таҳсил: Хатмкардагон баъди ҳимояи рисолаи илмӣ соҳиби дараҷаи академии доктори фалсафа (PhD) - доктор аз рӯи ихтисос ва соҳиби дипломи ба он мувофиқ мешаванд.
Таҳсилоти қаблӣ: Таҳсилоти олии касбии зинаи магистратура

Тартиби қабул ба зинаи докторантураи PhD: 
- Хатмкардагони муассисаҳои таҳсилоти олии касбӣ (МТОК – донишкадаҳо, академияҳо ё донишгоҳҳо) дар давраи қабул бевосита ба донишкада ҳуҷҷат супорида, аз рӯи натиҷаҳои имтиҳон ва озмун қабул карда мешаванд.
Дараҷаи академии доктори фалсафа (PhD) - доктор аз рӯи ихтисос бо дараҷаи илмии номзади илм баробар ҳисобида шудааст.

Ихтисосҳои зинаи докторантураи PhD

Рамз           | Номгӯи ихтисос

6D072700   | Технологияи маҳсулоти озуқа
6D071800   | Энергетикаи электрикӣ
6D072600   | Технология ва лоиҳакашии маҳсулоти саноати сабук
6D090100   | Ташкили ҳамлу нақл, ҳаракат ва истифодабарии нақлиёт
6D072900   | Сохтмон
6D070300   | Системаҳои иттилоотӣ
6D070400   | Техникаи ҳисоббарор ва таъминоти барномавӣ
6D080600   | Техникаи аграрӣ ва технология 
6D050700   | Менеҷмент