Ҳадафи асосии курсҳои тайёрӣ ин омода намудани довталабон барои дохилшавӣ ба муассисаҳои таҳсилоти олии касбии кишвар мебошад. Ба курси тайёрӣ шахсони дорои таҳсилоти умумӣ, инчунин хонандагони синфи 11-уми мактабҳои таҳсилоти миёнаи умумӣ қабул карда мешаванд.

Барои гузаронидани дарсу машғулиятҳо дар курси тайёрӣ ғайр аз омӯзгорони донишкада, ҳамзамон мутахассисони пуртаҷриба аз мактабҳои шаҳру вилоят даъват карда мешаванд. Мушоҳидаҳои солҳои гузашта нишон медиҳанд, ки баъд аз хатми курсҳои тайёрӣ, савияи дониши довталабон нисбатан баланд гардида истодааст. Дар курсҳои тайёрӣ аз рӯйи фанҳои муқарраргашта, омӯзгорони соҳибтаҷриба мутобиқи барномаҳои корӣ ба шунавандагон дарс меомӯзонанд.