- 14.09.2025
ҲИССАГУЗОРӢ ДАР ОБОДОНИИ ШАҲР
ЁДДОШТИ ҲАМКОРИИ ДОНИШКАДА БО ГУРӮҲИ ҶАВОНОН ОИД БА ҲИФЗИ МУҲИТИ ЗИСТ БА ИМЗО РАСИД
ЁДДОШТИ ҲАМКОРИИ ДОНИШКАДА БО ГУРӮҲИ ҶАВОНОН ОИД БА ҲИФЗИ МУҲИТИ ЗИСТ БА ИМЗО РАСИД
Байни Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд ва Гурӯҳи Ҷавонон оид ба ҳифзи муҳити зист (Маркази Орхус дар Хуҷанд) Ёддошти ҳамкорӣ ба имзо расид.
Созишномаро директори донишкада Шаҳриёр Саъдуллозода ва директори ташкилоти номбурда Икром Мамадов имзо намуданд.
Иттилоъ дода шуд, ки меморандуми мазкур ҷиҳати беҳтар намудани муҳити атроф, рушди ҳамкориҳои илмӣ, дастгирии ташаббусҳои беҳсозии муҳит нигаронида шуда, самтҳои зеринро фаро мегирад:
- гузаронидани тадқиқоти муштараки илмӣ ва табодули таҷрибаи коршиносон дар соҳаи экология.
– ташкили чорабинихои таълимию амалии бехтар намудани ҳолати муҳити зист.
- барқарорсозии системаҳои экосистема ва мониторинги ҳолати экологӣ.
- гузаронидани семинарҳо, конфронсҳо, маъракаҳо оид ба кабудизоркунӣ ва беҳбуди муҳити зист.
Тарафҳо ба мувофиқа расиданд, ки ҷиҳати мусоидат ба татбиқи Барномаи маҷмӯии давлатии рушди маърифати экологӣ ва маърифатнокии аҳолии Ҷумҳурии Тоҷикистон барои солҳои 2021-2025 ва дигар барномаву стратегияҳои миллӣ ҳамкорӣ кунанд.
Таъкид шуд,ки қисмати муҳими созишнома ҷалби донишҷӯён ва олимони ҷавон ба лоиҳаҳои экологӣ тавассути тадқиқот, иттилоот, таълим ва ҷорӣ намудани технологияҳои муосир мебошад.
Изҳори боварӣ карда шуд, ки ин иқдом барои ташаббусҳои нав дар соҳаи экология замина мегардад ва ҳамкориҳоро дар бунёди ояндаи устувор мустаҳкам мекунад.
Шуъбаи кор бо ВАО
