ИСТИФОДАИ ТЕХНОЛОГИЯҲОИ МУОСИР ДАР РАВАНДИ ТАҲСИЛОТИ ОЛӢ: АСОСҲОИ МЕТОДИИ ТАҲИЯИ РУНАМО ДАРСҲО
ИСТИФОДАИ ТЕХНОЛОГИЯҲОИ МУОСИР ДАР РАВАНДИ ТАҲСИЛОТИ ОЛӢ: АСОСҲОИ МЕТОДИИ ТАҲИЯИ РУНАМО ДАРСҲО
“Дар зинаи таҳсилоти олӣ масъалаҳои сатҳу сифати таълим, дараҷаи касбии омӯзгорон ва истифодаи технологияҳои муосир аз ҷониби онҳо, ҷорӣ намудани технологияҳои рақамӣ дар раванди таълим, таҳкими заминаи моддиву техникӣ, ҳамкориҳои байналмилалӣ, табодули илмии омӯзгорону донишҷӯён, корҳои илмиву таҳқиқотӣ ва тадбирҳои тарбиявӣ ҳанӯз ба тақвият ниёз доранд.”
Тибқи нақшаи чорабиниҳои донишкада, ҷиҳати баланд бардоштани сифати таълим ва истифодаи пурсамари воситаҳои техникии таълим санаи 14-17 январи соли 2025 дар ДПДТТ ба номи академик М.С. Осимӣ дар шаҳри Хуҷанд семинари методӣ дар мавзуи «Асосҳои методии таҳияи рунамо (презентатсия)» доир гардид.
Машғулиятҳои семинарӣ аз ҷониби д.и.и., профессор Маҳбуба Авезова баргузор гардида, дар он беш аз 130 нафар ҳайати устодони донишкада иштирок намуданд.
Мавзуъҳои асосии семинар ба асосҳои методии таҳияи рунамои (презентатсия) машғулиятҳо дар раванди дарс, моҳият ва мақсади таҳияи презентатсия, қоидаҳои таҳияи таркиби презентатсия, қоидаҳои ороишӣ, хатогиҳои бештар хос ва шавқовар ба роҳ мондани машғулиятҳои таълимӣ бо истифода аз воситаҳои техникӣ таълим равона шуда буд.
Ҳамзамон, зимни семинар мудири шуъбаи мониторинги сифати таҳсилот ва назорати электронӣ Меҳрбону Мирзоева оид таҳким бахшидани малакаҳои истифодабарии воситаҳои техникии таълим дар раванди дарс ва ҳамчунин таҳия намудани презентатсияи дарсҳо ҳамчун омили баланд бардоштани сифати таълим ба иштирокчиён маслиҳатҳо доданд.
Шуъбаи кор бо ВАО
