Лоиҳаи “IR academy”, ки аз ҷониби Маркази байналмилалӣ ва идораи лоиҳаҳои ДПДТТ ба номи академик Муҳаммад Осимӣ дар шаҳри Хуҷанд дар доираи Мактаби ҷавонон барои рушди устувор таҳия гардида буд, бо дастгирии Ташкилоти ҷамъиятии "ИБТИДО" амалӣ шуд, дар ҷамъбасти озмун ғолиб дониста шуд.

Бояд қайд намуд, ки Мактаби ҷавонон барои рушди устувор фаъолияти худро моҳи августи соли 2024 оғоз намуд. Иштирокчиён шаҳру навоҳии Хуҷанд, Панҷакент, Айнӣ, Деваштич, Ҷ.Расулов, Спитамен, Зафаробод ва Кӯҳистони Мастчоҳ ширкат доштанд. Дар маҷмӯъ, 14 гурӯҳи ташаббускор лоиҳаҳои худро дар минтақаҳои худ аз моҳи сентябр то декабр амалӣ намуданд.

Мақсади лоиҳаи “IR academy” - васеъ намудани имкониятҳои донишҷӯёни ДПДТТХ барои таҳсил дар хориҷа, иштирок дар озмунҳо ва таҷрибаомӯзӣ буд.

Давраи амалишавии лоиҳа се моҳро дар бар гирифта, чорабиниҳои мухталиф роҳандозӣ гардиданд. Лоиҳаи мазкур, бо омода намудани мактубҳои ҳавасмандӣ; тайёр кардани CV-и шахсӣ; такмил додани малакаҳои гуфтугӯии забони англисӣ; инкишофи нутқ ва ибрози андеша; шиносоӣ бо фаъолияти "IR academy"; гирифтани маълумоти муфид дар бораи грантҳо ва озмунҳо тавассути шабакаҳои иҷтимоӣ;7 нафар иштирокчӣ барои таҳсил ва иштирок дар озмунҳо ба хориҷа сафар кардан ва дигар дастовардҳо ноил шуд.

Дар ҷамъбасти фаъолият, ки санаи 19 январи 2025, Ташкилоти ҷамъиятии "ИБТИДО" чорабинии "Meet Up"-ро баргузор намуд. Дар он гурӯҳҳои ташаббускор натиҷаҳои лоиҳаҳои худро муаррифӣ карданд. Дар натиҷаи овоздиҳӣ, лоиҳаи “IR academy”-и ДПДТТ ба номиакадемик Муҳаммад Осимӣ дар шаҳри Хуҷанд ҳамчун беҳтарин лоиҳа эътироф гардид.

Шуъбаи кор бо ВАО