«... Авзои зудтағйирёбандаи ҷаҳони имрӯза низоми маорифи муназзам, мустаҳкам ва ҷавобгӯ ба талаботи рӯзафзуни ҷомеаро тақозо менамояд. Дар чунин шароит омода намудани кадрҳои баландихтисоси омӯзгорӣ, боз ҳам баланд бардоштани сифати таълим, эътибори ҷиддӣ додан ба омӯзиши забонҳои хориҷӣ дар тамоми зинаҳои таҳсил, илмҳои дақиқ, риёзӣ ва табиӣ вазифаи муҳимтарини роҳбарону масъулини соҳа ва аҳли маориф мебошад». (Иқтибос аз Паёми Президенти Ҷумҳурии Тоҷикистон муҳтарам Эмомалӣ Раҳмон)

Дар ин замина, бояд рушди иқтидори илмӣ дар доираи лоиҳаҳои давлатӣ ва байналмилалӣ, анҷом додани тадқиқоти арзишманди илмӣ ва дар раддабандии ҷаҳониву минтақавӣ мавқеи шоиста ишғол намудани муассисаҳои таҳсилоти олии касбии кишвар таъмин карда шавад.

Дар ин росто, баҳри такмили фаъолияти омӯзгорон дар пойгоҳҳои электронии нашрияҳои илмӣ, таҳкими мавқеъи донишкада дар раддабандиҳои байналмилалӣ ва зиёд намудани ҳамкориҳои илмии донишкада, санаи 21 - 22-юми январи соли 2025 аз ҷониби маркази байналмилалӣ ва идораи лоиҳаҳо семинар - машварат оид ба таҳкими фаъолияти байналмилалии устодону кормандони донишкада баргузор гардид.

Дар ҷараёни семинар мавзӯъҳои гуногун, ба монанди: таҳия ва пешниҳоди лоиҳаҳои илмӣ; имкониятҳои барномаҳои грантӣ, аз қабили Erasmus+, Fulbright, DAAD, MEXT ва дигар манбаъҳои маблағгузорӣ пешниҳод гардида, иштирокчиён бо роҳҳои воридшавӣ ба ҳамкориҳои байналмилалӣ тавассути таҳия ва пешниҳоди лоиҳаҳо ошно карда шуданд.

Қисмати дигари семинар - машварат ба мавзӯи платформаҳои илмӣ иқтибосоварӣ ва нақши он дар таҳкими мавқеъи донишкада дар раддабандиҳои байналмилалӣ ва ба роҳ мондани ҳамкориҳои байналмилалӣ бахшида шуда, зимни он баҳри иштирокдорон имкониятҳои платформаҳои иқтибосоварии илмӣ, аз ҷумла Scopus, Web of Science, Google Scholar, eLibrary.ru, ResearchGate, Academia.edu, ва ORCID муаррифӣ карда шуд.

Ҳамчунин, дар рафти семинар - машварат оид ба нақш ва моҳияти ҳамкорӣ бо ассотсиатсияҳои байналмилалии соҳавӣ, ба монанади: Association for Computing Machinery (ACM) – барои таҳкими ҳамкориҳои илмӣ дар соҳаи компютер ва технологияҳои иттилоотӣ; Artificial Intelligence Association of China (CAAI) – барои рушди тадқиқот дар соҳаи зеҳни сунъӣ; International Union of Architects (UIA) – барои пешбурди инноватсияҳо дар меъморӣ ва сохтмон; Society of Automotive Engineers (SAE) – барои рушди технологияҳои нақлиётӣ ва автомеханика; World Energy Council (WEC) – барои ҳалли масоили марбут ба энергия ва манбаъҳои барқароршавандаи он; ва истифодаи тавсияҳо дар раванди таҳияи барномаи таълим ва мундариҷаи дарсҳо музокираҳо баргузор гардид.

Шуъбаи кор бо ВАО