Дар мусобиқаи мазкур 4 нафари ғолибони даври факултетӣ аз ҳамаи чор факултетҳои донишкада иштирок намуданд.

Дар натиҷа Ифтихор Сатторов, донишҷӯи курси 2 ихтисоси меъморӣ сазовори ҷои аввал, Давлатбек Мираҳматов донишҷӯи соли дуюм, ихтисоси хизматрасонии автомобилӣ мақоми дуюм ва Нековар Ахмедов донишҷӯи курси 1 ихтисоси низомҳои бисёрқанотаи телеробитаҳо зинаи сеюмро ба даст овард.

Мутахасисон бар он ақидаанд, ки шоҳмотбози асил қабл аз ҳар як бозӣ даҳҳо асарҳои илмию оммавӣ оид ба тахайюлу тафаккури мантиқӣ, таҳаммулпазирӣ, сабру тоқат, аз даст надодани инону ихтиёр, таҳлили вазъи кунунӣ ва дурнамои онро меомӯзад. Ба як сухан дар дохили шоҳмот тамоми унсурҳои зиндагии инсон нуҳуфта аст, ҳам неку ҳам бад, албатта, вобаста ба инсон, ки худро ҳангоми бозӣ чӣ гуна идора мекунад. Мақсад ин нест, ки дар оянда ҳамаи аъзои ин маҳфил шоҳмотбозони маълуму машҳур шаванд, балки ҳадаф он аст, ки шахсони ботаҳаммулу боандеша, ботадбиру боирода ба воя расанд. Аз ин рӯ баргузор шудани чунин мусобиқот байни донишҷӯён хеле муҳим ва судманд аст.

Шуъбаи кор бо ВАО