АЗ НАЗАРИЯ БА АМАЛИЯ: ОМӮЗИШИ РАВАНДИ ТЕХНОЛОГИЯИ ИСТЕҲСОЛОТ ДАР ШИРКАТИ “НАЗАР”
Таҳким бахшидани робитаи назария ва амалия дар соҳаи маориф яке аз омилҳои асосии тайер кардани мутахассисони баландихтисос мебошад. Ин равиш аҳамият хосаро доро буда, ба фаҳмиши амиқи маводи назариявӣ, рушди малакаҳои амалӣ, омодагӣ ба касби оянда, инноватсия ва тафаккури интиқодӣ ва ғайраҳо мусоидат менамояд.
Бо мақсади амиқтаромӯхтари маводҳои назариявӣ дар доираи фанни технологияи истеҳсолот дар корхонаҳои истеҳсолӣ ва логистикаи истеҳсолӣ дар мавзуи "Технологияи коркарди гӯшт маҳсулоти гуштӣ" ва "Раванди ташкили логистикаи истеҳсолот дар корхонаҳои муосир" донишҷӯёни соли дуюм ва чоруми ихтисоси иқтисодиёт ва идора дар корхонаи Донишкадаи политехникии Донишгоҳи техникии Тоҷикистон ба номиакадемик Муҳаммад Осимӣ дар шаҳри Хуҷанд бо фаъолият ва раванди истеҳсолоти корхонаи ҶДММ ФП "НАЗАР", ки ба истеҳсол ва коркарди маҳсулоти гӯшти мурғӣ машғул мебошад, ташриф оварданд.
Донишҷӯён дар ҷараёни дарси истеҳсолӣ дар бораи раванди истеҳсолот аз интихоби ашёи хом то бастабандии маҳсулоти тайер маълумоти муфид гирифтанд. Ҳамзамон донишҷӯен тавонистанд бубинанд, ки чӣ гуна технологияҳои муосир барои таъмини сифат ва самаранокии баланд дар ҳар марҳила истифода мешаванд. Мутахасисони корхона чӣ тавр дар ҳама марҳилаҳо ба риояи стандартҳои бехатарӣ дар вақти тайер намудани маҳсулоти гӯшти мурғ диққат ва аҳамияти махсус медиҳанд.
Ба ҳамаи саволҳои худ донишҷӯен аз мутахассисони соҳа ҷавобҳои мушаххас ва амиқро гирифтанд. Қайд кардан муҳим аст, ки ҳамин тариқ, ҳамгироии назария ва амалия як раванди мукаммали таълимиро ба вуҷуд меорад, ки донишҷӯенро ба ҳаёти касбӣ омода мекунад ва ба онҳо дар соҳаи худ мутахассисони баландихтисос шудан кӯмак мекунад.
Шуъбаи кор бо ВАО
