ИФТИХОРИ МО: МАҚОМИ АВВАЛИ ДОНИШҶӮИ ДОНИШКАДА ДАР МУСОБИҚА ОИД БА ШОҲМОТ
Дар Донишгоҳи давлатии ҳуқуқ, бизнес ва сиёсати Тоҷикистон мусобиқаи варзишӣ байни донишҷӯён, омӯзгорон ва кормандони муассисаҳои таҳсилоти миёна ва олии касбии вилояти Суғд оид ба шашка, шоҳмот ва тениси рӯи миз бахшида ба Рӯзи Модар баргузор гардид.
Зикр шуд, ки мақсади асосии мусобиқа арҷгузорӣ ба Рӯзи Модар, оммавӣ гардонидани варзиш байни бонувон, тарғиби ҳаёти солим, муайян намудани варзишгарони беҳтарин байни омӯзгорон ва донишҷӯдухтарон, баланд бардоштани сатҳи варзиш ва тарбияи ҷисмонӣ дар ҷомеа мебошад.
Боиси ифтихор аст, ки дар мусобиқаи варзишӣ дар бозии шоҳмот ҷойи аввал ба донишҷӯи соли якуми ихтисоси таъмини барномавии технологияи иттилоотии Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд Лайло Мирдадоева ва дар бозии шашка ҷойи сеюм ба Моҳинисо Раҳматова, ассистенти кафедраи математикаи олӣ ва физикаи донишкада дода шуд.
Ба ғолибони озмун аз тарафи раиси Иттифоқи касабаи кормандони маориф ва илми вилояти Суғд Мӯсобек Самизода диплом ва тӯҳфаҳои хотиравӣ тақдим гардид.
Муборак бошад!
Шуъбаи кор бо ВАО
