Имрӯз, санаи 13-уми марти соли 2024 зимни мулоқоти раёсати Донишкадаи политехникии ДТТ ба номи академик М.С. Осимӣ дар шаҳри Хуҷанд бо мудири ширкати Edu-Action Exams Centre Исмоил Тоҳиров баррасии имкониятҳои ташкили маркази имтиҳони байналмилалии забони англисӣ IELTS (International English Language Testing System) дар заминаи Донишкада сурат гирифт.
Иқдоми мазкур дар доираи дастуру ҳидоятҳои Пешвои муаззами миллат муҳтарам Эмомалӣ Раҳмон ҷиҳати дар сатҳи зарурӣ омӯхтани забонҳои хориҷӣ, махсусан, русӣ ва англисӣ роҳандозӣ гардида, заминаи мусоид фароҳам меорад, ки донишҷӯён ва тамоми хоҳишмандон минбаъд дар донишкада имтиҳони IELTS супоранд ва сертификати байналмилалии IELTS-ро дарёфт намоянд.
Аз рафти навгониҳо доир ба мавзӯъ мунтазам дар расонаҳои расмии донишкада хабарҳо пахш мегарданд.