- 16.03.2025
МУҲАББАТУ САМИМИЯТ МАРЗҲОРО УБУР МЕКУНАД
ИШТИРОКИ УСТОДОН ВА ДОНИШҶӮЁНИ ДОНИШКАДА ДАР МУСОБИҚАИ БАЙНАЛМИЛАЛИИ “ДАВИ ДӮСТӢ” ВА ВЕЛОМАРАФОН
Субҳи имрӯз дар шаҳри Хуҷанд бо иштироки беш аз 10 ҳазор нафар варзишгарони касбӣ ва мардуми касбу кори гуногун бо мақсади пуршукӯҳ ҷашн гирифтани Наврӯзи байналмилал мусобиқаи байналмилалии “Дави дӯстӣ” ва веломарафон баргузор шуд, ки дар он устодон ва донишҷӯёни донишкада дар мусобиқаи байналмилалии “Дави дӯстӣ” ва веломарафон иштироки фаъолона намуданд..
Дар маросими ифтитоҳии он, ки дар назди Маҷмааи ҳавзҳои шиноварии “20 солагии Истиқлоли давлатии Ҷумҳурии Тоҷикистон”-и шаҳри Хуҷанд сурат гирифт, Раиси вилояти Суғд Раҷаббой Аҳмадзода ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода иштирок ва суханронӣ намуданд.
Таъкид шуд, ки шаҳри Хуҷанд дар арафаи ҷашни Наврӯзи байналмилалӣ ба як маркази муҳими чорабиниҳои варзишӣ табдил меёбад. Дар доираи таҷлил аз ин иди бостонӣ, мусобиқаи байналмилалии Дави дӯстӣ ва веломарафон бо иштироки дастаҳои варзишии Ҷумҳурии Тоҷикистон, Ӯзбекистон ва Қирғизистон баргузор шуда истодааст.
Ба гуфтаи масъулин, чорабинии варзишӣ на танҳо ба таҳкими муносибатҳои дӯстона байни кишварҳо мусоидат менамояд, балки барои ташвиқи тарзи ҳаёти солим миёни ҷавонон ва аҳолӣ нақши муҳим мебозад.
Мусобиқаи байналмилалии Дави дӯстӣ ва веломарафон яке аз тадбирҳои муҳиме хоҳад буд, ки баёнгари робитаҳои мустаҳками фарҳангӣ ва варзишӣ миёни кишварҳои ҳамсоя мебошад. Бо чунин ташаббусҳо, Наврӯз на танҳо як ҷашни миллӣ, балки рамзи ваҳдат ва дӯстии мардумони минтақа боқӣ мемонад.
Боиси ифтихор ва сарфарозист, ки дар ин мусобиқаи байналхалқӣ Азизхон Абдуллоев донишҷӯи курси якуми ихтисоси технологияҳои иттилоотӣ ва идоракунӣ дар системаҳои техникии донишкада дар қатори дигар варзишгарони касбӣ иштироки фаъолона намуда, соҳиби Сипоснома гардид.
Шуъбаи кор бо ВАО
Хабарҳои охирин
