Дар ҷараёни мулоқот, ки дар фазои эътимод ва ҳамдигарфаҳмӣ сурат гирифт, таъкид шуд, ки боиси ифтихор ва сарфарозист, ки бо ибтикор ва роҳнамоиҳои Пешвои миллат, Президенти мамлакат муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин миёни кишварҳои ҳамҷавору дӯст ва шарики стратегӣ дар ҷанбаҳои мухталиф ҳамкориҳои мутақобилан судманд ба роҳ монда шудааст.

Дар ин росто миёни роҳбарияти Донишгоҳи технологии Шэнсӣ ва Донишкадаи политехникии ДТТ ба номи академик М.С. Осимӣ дар ш.Хуҷанд ёддошти тафоҳум ба имзо расонида шуд.

Бояд тазаккур дод, ки муҳтавои ёддошти тафоҳуми болозикр ҳамкорӣ дар самтҳои таҳқиқоти муштарак, лексияҳо, симпозиумҳо, семинарҳо ва конфронсҳо; табодули олимон ва муҳаққиқон, табодули донишҷӯён, нашри мақолаҳои илмӣ, дастрасии ба иттилооти навин дар соҳаҳои мавриди таваҷҷӯҳ ва ғайраро дар бар мегирад.

Шуъбаи кор бо ВАО