Донишҷӯёни курси дуюми ихтисоси молия ва қарз Меҳрона Зоидова, Фарида Ишанова, Муҳиба Солихӯҷаева ва донишҷӯи курси сеюми ихтисоси молия ва қарз Фахриддин Мансуров дар номинатисияи “Даставӣ-назариявӣ” иштирок намуда, ғолиби ҷойи дуюм гардида, бо диплом ва мукофотпулӣ дар ҳаҷми 4000 сомонӣ ва аз тарафи ширкати “Вавилон – мобайл” бо рақами нуқрагӣ қадрдонӣ гардиданд.

Ҳамзамон донишҷӯёни курси якуми ихтисоси молия ва қарз Амирҷон Алибоев, Фирӯзҷон Раҳматов, Мадинаҷон Ҳомидова ва курси сеюми ҳамин ихтисос Баҳрулло Абдуллоев, Шӯҳратҷон Дӯстматов дар номинатисияи “Даставӣ-амалӣ” сазовори ҷойи 3-юм гардида, бо диплом ва мукофотпулӣ дар ҳаҷми 3000 сомонӣ ва аз тарафи ширкати “Вавилон – мобайл” бо рақами нуқрагӣ қадрдонӣ гардиданд.

Маврид ба зикр аст, ки бахшида ба Рӯзи кормандони мақомоти андоз ва «Соли маърифати ҳуқуқӣ» Кумитаи андози назди Ҳукумати Ҷумҳурии Тоҷикистон дар якҷоягӣ бо Донишгоҳи давлатии молия ва иқтисоди Тоҷикистон озмуни ҷумҳуриявии «Беҳтарин донандаи Кодекси андози Ҷумҳурии Тоҷикистон» эълон гардида буд, ки дар он 120 донишҷӯ аз 14 муассисаҳои таҳсилоти олии касбии ҷумҳурӣ иштирок карданд.

Раёсати Донишкадаи политехникӣ музаффарияти донишҷӯёнро ба тамоми ҳайати профессорону устодон, кормандон ва донишҷӯён табрику таҳният менамояд.

Шуъбаи кор бо ВАО