ҲАШАРҲОИ ДАСТҶАМЪОНА БО ТАШАББУСҲОИ СОЗАНДА
Бо мақсади сабзу хуррамгардонӣ ва тозаю озода намудани муҳити атроф ҳар ҳафта дар биноҳои таълимии Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд аз ҷониби устодону донишҷӯён ва кормандон ҳашарҳои дастҷамъонаю ташаббусҳои созанда баргузор мешавад.
Дар ин радиф, имрӯз санаи 11.10.25. низ дар биноҳои таълимии донишкада ва атрофи он ҳашарҳои дастҷамъона роҳандозӣ карда шуданд.
Таъкид шуд, ки ҳамагон бояд дарк намоянд, ки дар ҳама ҳолат муҳимтарин вазифаи инсоният- ин ҳифзи муҳити зист ба ҳисоб меравад, зеро мо ҳамарўза аз ҳавои тоза нафас мекашем, ҳавои ғализ ва чиркин ба саломатии мо хавф эҷод намуда, ба бемориҳои гуногун оварда мерасонад.
Тозагию нафосат, поку озода намудани маҳали зист ва кору таҳсил, тарғиби тарзи ҳаёти солим ва ободу хуррамгардонии диёр яке аз анъанаҳои қадимии аҷдодони миллати тоҷик ба ҳисоб рафта, он бояд дар оянда низ идома ёбад.
Шуъбаи иттилоот ва робита бо ВАО
