Нақши сиёсати пешгирифтаи давлату Ҳукумати кишвар, хосатан Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон дар самти муқовимат бо амалҳои коррупсионӣ басо назаррас аст, зеро фасодкорӣ дар раванди фаъолият яке аз омилҳои асосии монеаи рушди устувори иқтисодӣ кишвар ва пешравии тафаккури ҷомеаи муосир мебошад. Маҳз ба ҳамин хотир миллати тоҷик таҳти роҳбарии Пешвои муаззами миллат ҳанӯз аз даврони ба даст овардани Истиқлолияти давлатӣ барои мубориза бурдан бо ҳолатҳои коррупсионӣ дар кишвар ҷораҳои зарурӣ андешида, ба хотири муқовимат бо он тамоми мардумро тарғибу ташвиқ менамуданд, ки бояд дастҷамъона бар зидди фасоду ришва мубориза баранд. Қайд кардан зарур аст, ки масъалаи марбут ба коррупсия ҳанӯз аз солҳои 90 -ум мавриди таваҷҷӯҳи давлату Ҳукумати кишвар қарор гирифта буд ва он имрӯз яке аз самтҳои афзалиятноки сиёсати давлатиро ташкил медиҳад.

Пешвои миллат дар ҳамаи баромаду суханрониҳои худ аз тамоми мардум даъват ба амал меоранд, ки бояд ҳар як шаҳрванд худогоҳу зирраку ҳушёр бошад аз ҳаққу ҳуқуқҳои шаҳрвандии худ огоҳ бошад ва худро дар ҳама ҳолат ҳимоя карда тавонад. Зеро дар партави сиёсати пешгирифтаи роҳбарияти кишвар барои ба вуҷуд овардани фазои зиддикоррупсионӣ заминаҳои ташкиливу ҳуқуқӣ фароҳам оварда шудааст. Албатта ифтихори ҳар кадоми мо шаҳрвандони миллати тоҷик аст, ки имрӯз дар фазои ободу озоди даврони соҳибистиқлолӣ зиндагонии хушу хурраму обод ва ҳаёти осуда дорем. Дар ҳамин асно мо, мардумони сарбаланди тоҷикро зарур аст, ки барои баланд бардоштани сатҳи зиндагонии худ ҳам аз ҷиҳати иқтисодӣ ва ҳам аз ҷиҳати иҷтимоӣ дар пайравии ақидаҳои созандаи сарвари давлат амалҳои шоиста намуда, барои барҳам додани қувваҳои фасодкор дар ҷомеа мубориза барем.

Ҷоиз ба зикри хос аст, ки дар раванди ҳаёт, фаъолият, зиндагӣ бадбахтии бузург ин бетарафӣ аст, зеро натиҷаи ҳамаи нокомиҳо аз бетарафиву бетафовутии мардум сар мезанад, ба ҳамин хотир бар зидди фасодкорону ришвахӯрон мубориза бурдан бояд тамоми чораву тадбирҳоро андешида бошем, ҳангоми рӯ ба рӯ шудан бо ҳолатҳои коррупсионӣ кӯшиш намоем, то он паси парда намонад, баракс пеши роҳи ин амалҳоро гирифта, дар пешрафти ҷомеаи шаҳрванди ва рушди иқтисоди сабз дар Тоҷикистон саҳми сазовори хешро гузошта бошем.

Давлати тоҷикону тоҷикистониён поянда хоҳад буд бо сарварии Пешвои миллат муҳтарам Эмомалӣ Раҳмон Истиқлолияту ваҳдат ва сулҳу дӯсту устувору ҷовидон хоҳад монд бо ташаббусҳои беназири роҳбари ватандӯсту ваҳдатшиори тоҷикони ҷаҳон. Аминам, ки агар тамоми мардум тибқи ҳидоятҳои оқилонаву дурбинонаи Сарвари давлат амал намоянд, Тоҷикистон дар муддати кӯтоҳ ба ҳадафҳои стратегии худ мушарраф мегардад ва самти иқтисодии кишвар дар ҳоли рушд қарор хоҳад гирифт.

Маърифат Мавлонова,

корманди ДПДТТХ