Муассисаи давлатии таҳсилоти умумии «Литсейи Донишкадаи политехникӣ» мутобиқи қонунгузории Ҷумҳурии Тоҷикистон, аз ҷумла дар асоси Қонуни Ҷумҳурии Тоҷикистон «Дар бораи маориф», тибқи Қарори Шӯрои олимони Донишкада №12 аз 18 майи соли 2011 таъсис дода шудааст.

Литсейи Донишкадаи политехникӣ дар фаъолияти худ Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи маориф», Низомномаи намунавии муассисаҳои давлатии таҳсилоти умумӣ дар Ҷумҳурии Тоҷикистон, дигар санадҳои меъёрии ҳуқуқии соҳаи маориф ва Оинномаи литсей-ро роҳнамо қарор медиҳад.

Раванди таълим дар литсей бо забонҳои тоҷикӣ ва русӣ амалӣ мегардад. Барои синфҳое, ки таҳсилашон бо забони тоҷикӣ сурат мегирад, забонҳои русӣ ва англисӣ ҳамчун забонҳои дуюми таҳсил омӯзонда мешаванд.

Шумораи умумии синфхонаҳо 36 адад буда, дар онҳо 24 синф ба таҳсил фаро гирифта шудаанд.

Барои гузаронидани дарсҳои асосии барномавӣ, инчунин дарсҳои иловагӣ ва маҳфилҳои таълимӣ дар як баст, тамоми шароитҳои зарурӣ фароҳам оварда шудаанд. Кабинетҳои фаннии математика, физика, химия, технологияҳои иттилоотӣ, забони тоҷикӣ, забони русӣ, забони англисӣ, биология, география, таърих ва омодагии ибтидоии ҳарбӣ бо воситаҳои аёнӣ ва таҷҳизоти зарурӣ пурра ҷиҳозонида шудаанд.

Муассисаи давлатии таҳсилоти умумии «Литсейи Донишкадаи политехникӣ» дар суроғаи зерин ҷойгир аст: Ҷумҳурии Тоҷикистон, вилояти Суғд, шаҳри Хуҷанд, кӯчаи А. Шукӯҳӣ, 5А.