Дар факултети муҳандисӣ-технологӣ бахшида ба “Рӯзи мутахассисон соҳаи саноати хӯрока” озмуни “Технологи беҳтарини соли 2025” баргузор шуд.

Дар маросими ифтитоҳии озмун роҳбарияти донишкада иштирок ва суханронӣ намуда, аз ҷумла таъкид доштанд, ки таъмини амнияти озуқаворӣ, ташкили коргоҳҳои истеҳсолӣ, фароҳам овардани ҷойҳои нав корӣ, дастгирии молу маҳсулоти ватанӣ чун яке аз ҳадафҳои стратегии мамалкат маҳсуб шуда, дар Паёми навбатии хеш Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид доштанд, ки бояд ба истеҳсолкунандагони молҳои ватанӣ афзалияти бештар дода шавад, то онҳо тавонанд дар рақобатнокии бозори дохилӣ ва хориҷӣ истодагарӣ кунанд.

Мусаллам аст, ки барои хубу босифат истеҳсол шудани молу маҳсулот мо бояд ба омода намудани кадрҳои соҳибтахассус аҳамияти бештар диҳем. Хеле хушоянд аст, ки дар донишкада дар ин самт корҳои хуб ба роҳ монда шудаааст. Пурқувват будани базаи моддиву техникӣ, ба машғулиятҳо фарогир будани устодони соҳибтаҷриба, ҳамкории густурда бо ташкилотҳои истеҳсолӣ ва тибқи анъана ҳар сол баргузор шудани озмуни мазкур барои боз ҳам пешрафт гардидани кори кафедра мусоидат мекунад.

Таъкид шуд, ки мо минбаъд низ ҳамкориро бо ташкилоту муассисаҳои ҳудуди вилоят боз ҳам қавитар намуда, бо баргузории чорабиниҳои мухталиф роҳбарони онҳоро ба донишкада ҷалб мекунем.

Ҳамчунин роҳбарияти донишкада минбаъд низ кӯшиш ба харҷ медиҳад, ки завқу шавқи ҷавононро ба андӯхтани донишҳои муосиру замонавӣ, хосса ба соҳаи саноати хӯрока ва сабук боз ҳам зиёдтар намояд.

Зеро ояндаи кишвар маҳз аз пешрафти саноати сабук ва хӯрока вобастагии калон дорад.

Сипас аз ҷониби донишҷӯён аз рӯйи номинаҳои “Ширинии беҳтарин”, “Хуриши беҳтарин”, “Таоми беҳтарин”, “Таоми инноватсионӣ” маҳсули эҷоди хешро пешниҳод карданд.

Ҳамин тавр дар номинаи “Ширинии беҳтарин” донишҷӯён М. Қодирова, М. Раҷабов ва Н. Довудова мақомҳои ифтихориро соҳиб шуданд.

Дар номинатсияи “Хуриши бехтарин”, донишҷӯён Р. Зокиров, А. Абдуллоев, М. Холиқов, дар номинаи “Таоми беҳтарин” Б. Умаров, А. Раҳимов ва З. Атохӯҷаева, дар номинаи “Таоми инноватсионӣ” М. Ғафурова, М. Ҳошимова ва М. Дадобоева мутаносибан мақомҳои якум, дуюм ва сеюмро ба даст оварданд.

Ба ғолибони озмун аз ҷониби роҳбарияти донишкада дар вазъияти тантанавӣ дипломи озмуни “Технологи беҳтарини соли 2025” тақдим карда шуд.

Шуъбаи иттилоот ва кор бо ВАО