Дар факултети сохтмон ва нақлиёти донишкада роҷеъ ба нуктаҳои Паёми Президенти Ҷумҳурии Тоҷикистон ба Маҷлиси Олӣ доир ба самтҳои асосии сиёсати дохилӣ ва хориҷии Ҷумҳурии Тоҷикистон ҳамоиш баргузор шуд.

Декани факултети сохтмон ва нақлиёт номзади илмҳои техникӣ, дотсент Зӯҳро Умарова ҳамоишро ифтитоҳ намуда, аз ҷумла зикр дошт, ки баланд бардоштани эҳсоси ватандӯстиву ҳуввияти миллӣ дар ниҳоди ҳар як шаҳрванди миллати тоҷик асосӣ шукргузорӣ аз доштани чунин мамлакатӣ соҳибистиқлол аст. Зеро ҳамаи дастовардҳоро асосу сабаб маҳз ҳамин истифлолу озодият. Фазои соҳибистиқлолӣ пеш аз ҳама ба хотири фароҳам овардани шароити мусоид барои таълиму тадриси наслҳои оянда ва ҷавонони имрӯза замина гузоштааст. Ба ҳамин хотир саводнок гардонидани мардум қадами асосӣ барои пешрафти миллати тоҷик дар миёни давлатҳои рӯйи ҷаҳон маҳсуб меёбад. Тавре Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон қайд намуданд: “Мо бояд дар хотир дошта бошем, ки ояндаи давлату миллат аз насли босаводу донишманд, соҳибкасбу соҳибҳунар, соҳибмаърифату соҳибфарҳанг, дур аз таассубу хурофот, ватандӯсту ватанпараст ва дорои ҳисси баланди худшиносии миллӣ вобастагии амиқ дорад.”

Дар ҷараёни ҳамоиш омӯзгори калони кафедраи забони давлатӣ ва ҷомеашиносӣ номзади илмҳои таърих М. Ғозиева таваҷҷӯҳи иштирокдоронро ба ташаббусҳои ҷаҳонии Пешвои миллат ҷалб намуда, инчунин оид ба афзоиши соҳаҳои гуногуни иқтисодиёти кишвар сухан ронда қайд карданд, ки: “Тоҷикистон кишвари дорои захираҳои зиёди қувваи корӣ буда, афзоиши он дар давоми даҳ соли охир ду фоизи солона, яъне беш аз 880 ҳазор нафарро ташкил додааст. Ҳар сол дар соҳаҳои гуногуни иқтисоди кишвар зиёда аз 200 ҳазор ҷойи кории нав таъсис дода шуда, беш аз 150 ҳазор нафар хатмкардагони муассисаҳои таҳсилоти касбӣ ба бозори меҳнат ворид мегарданд. Аз ин лиҳоз, аз ҷониби Вазорати меҳнат, муҳоҷират ва шуғли аҳолӣ ва дигар сохторҳои марбута ҷиҳати амалӣ гардонидани сиёсати давлат дар самти мусоидат ба шуғли аҳолӣ бояд чораҳои судманд андешида шаванд.”

Дар ҳамоиш Абдулло Насруллоев, номзади илмҳои кишоварзӣ, омӯзгори калони кафедраи сохтмон, Раҳим Зокирзода, номзади илмҳои меъморӣ, омӯзгори калони кафедраи меъморӣ, Сайёд Юнусзода, омӯзгори ҷавони кафедраи автомобилҳо ва идоракунӣ дар нақлиёти автомобилӣ ва дигарон оид ба самтҳои мухталифи Паёми Президенти мамлакат муҳтарам Эмомалӣ Раҳмон ба Маҷлиси Олӣ маърӯзаҳо намуданд.

Дар анҷоми ҳамоиш таъкид шуд, ки устодон ва донишҷӯёни факултет амалигардонии дастуру супоришҳои Пешвои миллат худро масъул пиндошта, Паёмро ҳамчун роҳнамо дар фаъолияти рӯзмаррашон қарор хоҳанд дод.

Шуъбаи иттилоот ва кор бо ВАО