Мудири шуъба

РАҲИМОВА
Ҳамрохон Олимовна

номзади илмҳои техникӣ, дотсент 

Почтаи электронӣ:

Суроға: шаҳри Хуҷанд, хиёбони И.Сомонӣ,226

Аз таърихи шӯъба

Шуъбаи илм ва инноватсия, ҳамчун воҳиди сохторӣ, аз рӯзҳои аввали таъсисёбии Донишкада фаъолияти худро ба роҳ мондааст. Дар солҳои гуногун шахсони зерин ба шуъба роҳбарӣ намудаанд: солҳои 2010-2012, н.и.х., дотсент Бобохӯҷаев Руслан Исломович, солҳои 2012-2018 н.и.х., дотсент Тошхӯҷаев Насимҷон Азимович, солҳои 2018-2019  н.и.и. Акрамова Заррина Башировна, солҳои 2019-2023 н.и.и. Ҷӯраева Замира Абдувалиевна, солҳои 2023-2024 н.и.и. Турсунова Матлубахон Иброгимовна ва аз сентябри соли 2024 н.и.т., дотсент Раҳимова Ҳамрохон Олимовна.  

Фаъолияти асосии шуъба:

Шуъбаи илм ва инноватсия яке аз сохтори асосии донишкада маҳсуб ёфта, фаъолияти худро ба самтҳои зерин равон кардааст: роҳбарӣ, назорат ва ҳамоҳангсозии фаъолияти илмию таҳқиқотӣ ва инноватсионии кафедраҳо, омодакунии кадрҳои илмию педагогӣ, таҳсил дар зинаҳои магистратура ва докторантура (PhD) аз рӯи ихтисос, ташкил ва баргузории конференсия ва семинарҳои илмӣ, озмуну олимпиадаҳо ва ғайра.

Шуъба фаъолияти худро дар асоси Қонунгузории Ҷумҳурии Тоҷикистон, қарорҳои Ҳукумати Ҷумҳурии Тоҷикистон, фармоиш ва дастурҳои Вазорати маориф ва илми Ҷумҳурии Тоҷикистон, низомномаҳои соҳа, оинномаи донишкада, фармоишҳои директори донишкада, супоришҳои муовини директор оид ба илм ва инноватсия, санадҳои дигари меъёрии ҳуқуқии соҳаи маориф ва илм ба роҳ мондааст. Шуъба дар тобеияти бевоситаи муовини директор оид ба илм ва инноватсия қарор дорад.

Кормандони асосӣ

Мудири шуъба – н.и.т., дотсент Раҳимова Ҳамрохон Олимовна

Мудири шуъбаи илм барои муайян намудани самтҳои асосӣ ва афзалиятноки корҳои илмӣ-таҳқиқотии омӯзгорон ва таълимгирандагони донишкада, ҳамоҳанг сохтани корҳои илмие, ки дар факултет ва кафедраҳо бо мақсади иҷрои кори мукаммали бунёдӣ, инкишофӣ ва амалӣ сурат мегиранд, санҷиши иҷрои амру фармоишҳо, дастуру супоришҳои директори донишкада оид ба корҳои илмӣ-таҳқиқотӣ ва ташкил ва гузароидани конференсияи илмӣ-амалии омӯзгорон, муҳаққиқони ҷавон, докторантон аз рӯйи ихтисос(PhD), магистрантон ва донишҷӯён масъул аст.

Сармутахассиси шуъбаи илм ва инноватсия – Умарова Дилором Юлдошхоновна

Сармутахассиси шуъбаи илм ва инноватсия барои танзимдарории ҳуҷҷатҳои шуъба, назорат ва омода намудани ҳуҷҷатҳои  докторантура (PhD) аз рӯи ихтисос, омода намудани мактубҳо ва маълумотномаҳо, иҷрои супоришҳои муовини директор оид ба илм ва инноватсия ва мудири шуъба масъул мебошад.

Мутахассиси шуъбаи илм ва инноватсия

Мутахассиси шуъбаи илм ва инноватсия барои танзимдарории ҳуҷҷатҳои шуъба, назорат ва омода намудани ҳуҷҷатҳои магистратура, омода намудани мактубҳо ва маълумотномаҳо, гузаронидани ҷаласаҳои шурои илмӣ – техникӣ, иҷрои супоришҳои муовини директор оид ба илм ва инноватсия ва мудири шуъба масъул мебошад.

Маълумоти иловагӣ:

Шуъбаи илм ва инноватсия фаъолияти худро баҳри иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, стратегия ва барномаҳои давлатӣ. Нақшаи стратегии рушди донишкада барои солҳои 2023-2028 равон намуда, ҷиҳати иҷрои вазифаҳои зерин кӯшиш ба харҷ медиҳад:

- иҷрои корҳои илмию тадқиқотӣ дар самтҳои амалигардонии ҳадафҳои стратегии рушди кишвар ва самтҳои афзалиятноки рушди илм, техника ва технология, аз ҷумла рақамикунонии соҳаҳои иқтисоди миллӣ ва гузариш ба “Иқтисоди сабз”;

- вусъат бахшидан ба ҳамкориҳои илмӣ бо корхонаҳои истеҳсолӣ ва ҷорӣ намудани натиҷаҳои таҳқиқоти илмӣ ба истеҳсолот;

- зиёд намудани мақолаи илмӣ дар маҷаллаҳои байналхалқӣ ва баланд бардоштани мавқеи донишкада дар раддабандии байналхалқӣ;

- зиёд намудани шумораи лоиҳаҳои илмӣ ва ҷалби сармоягузориҳои хориҷӣ;

- ҳарчӣ бештар ҷалб намудани донишҷӯёни болаёқат ба озмун ва олимпиадаҳои сатҳи ҷумҳуриявӣ ва байналхалқӣ;

- зиёд намудани шумораи кадрҳои баландихтисоси илмию педагогӣ аз ҳисоби ҷавонони лаёқатманд ва ғ.