Темурова Муҳаррам Қурбоновна

Аз таърихи шуъба:

Шуъбаи тарбия ва кор бо ҷавонони донишкада аз лаҳзаи таъсиси донишкада дар асоси ҳамҷояшавии Филиали хуҷандии Донишгоҳи технологии Тоҷикистон ва Филиали Донишгоҳи техникии Тоҷикистон ба номи академик М.Осимӣ дар шаҳри Хуҷанд фаъолият мебарад. Аз соли 2010 то соли 2019 дар сохтори донишкада шуъбаи тарбия фаъолият бурда, аз соли 2019 ин ҷониб самти мазкур шуъбаи тарбия ва кор бо  ҷавонон номгузорӣ гардидааст. 

Роҳбарии шуъбаи тарбияро солҳои 2010-2015 Темуров Сафат  Ҳабибулоевич ба зимма дошта, аз моҳи сентяри соли 2015 Темурова Муҳаррам Қурбоновна ба сифати мудири шуъбаи тарбияи донишкада кору фаъолият менамояд.

Фаъолияти асосии шуъба:

Шуъбаи тарбия ва кор бо ҷавонон қисми сохтории донишкада буда, вазифаи асосии он банақшагирӣ, ташкил ва назорати раванди тарбия мебошад.

Шуъбаи тарбия ва кор бо ҷавонон ҳамчун сохтори ҳамоҳангсоз фаъолияти тамоми зерсохторҳои марбут ба тарбияро дар донишкада назорат намуда, дар назди муовини директор оид ба тарбия ва директори донишкада масъул аст.

Кормандони асосӣ

Масаидов Ҷамшедҷон Ғуфронович - раиси бахши кор бо ҷавонон

Ба роҳ мондани фаъолият ҷиҳати баланд бардоштани ҳисси ватандӯстиву меҳанпарастӣ, маърифати сиёсӣ ва ҳуқуқии ҷавонон, эмин нигоҳ доштани онҳо аз ҳар гуна хатарҳои ҷаҳонишавӣ, таҳким баҳшидан ба рушди маънавию ахлоқии ҷавонон, ҳидоят сохтани онҳо ба бунёдкорию созандагии кишвар ва дар замири онҳо бедор кардани ҳисси ифтихори миллӣ ва дӯст доштани арзишҳои фарҳангӣ. 

Бобоҷонова Нилуфархон Одилхоҷаевна - сармутахассиси шуъба

Ҳамоҳангсозии фаъолияти шуъбаи тарбия ва кор бо ҷавонон  бо дигар сохторҳои донишкада; корбарӣ бо санадҳои меъёрии ҳуқуқии марбут ба самти тарбия

Қутбиддинӣ Давлатманд - мутахассиси шуъба 

Ҷалби донишҷӯён ба маҳфили дӯстдорони санъат ва дар ин замина дар сатҳи баланд баргузор намудани чорабиниҳои фарҳангии донишкада.

Бобоев Муҳсин Давронбегович - котиб - ҳуҷҷатгузор

Пешбурди ҳуҷҷатгузорӣ, нигаҳдории ҳуҷҷатҳо тибқи феҳрист ва таҳияи саривақтии ҳисобот

Маълумоти иловагӣ

Фаъолияти шуъбаи тарбия ва кор бо ҷавонон дар ҳамкорӣ бо чунин ниҳодҳо роҳандозӣ мегардад: созмони ҷавонони донишкада; шӯрои занону духтарон; шӯрои собиқадорони меҳнат; шӯрои кураторон; кумитаи иттифоқи касабаи донишҷӯён

Фаъолияти тарбиявии донишкада асосан дар робита бо садорати факултетҳо, кураторони гурӯҳҳои академӣ ва созмонҳои ҷамъиятӣ амалӣ мешавад ва баробари фаро гирифтани донишҷӯён ба таълим, тарбияи ҳамаҷонибаи мутахассисони оянда дар маркази таваҷҷуҳи раёсат ва шуъбаи тарбия ва кор бо ҷавонон қарор дорад.