Дар Озмуни ҷумҳуриявии «Беҳтарин донандаи Кодекси андози Ҷумҳурии Тоҷикистон», ки бо ташаббуси муштараки Кумитаи андози назди Ҳукумати Ҷумҳурии Тоҷикистон ва Донишгоҳи давлатии молия ва иқтисоди Тоҷикистон (ДДМИТ) баргузор шуд, донишҷӯёни донишкада ду мақоми ифтихориро ба даст оварданд.

Озмуни ҷумҳуриявии «Беҳтарин донандаи Кодекси андози Ҷумҳурии Тоҷикистон» бахшида ба 35-солагии Истиқлолияти давлатии Тоҷикистон, 30-солагии ДДМИТ ва Рӯзи кормандони мақомоти андоз бахшида шуд. Озмун аз рӯи 2 номинатсия: Даставӣ-назариявӣ (тестҳо, саволҳои назариявӣ оид ба Кодекси андоз) ва Даставӣ-амалӣ (масъалаҳои амалӣ, ҳалли вазифаҳо) сурат гирифт.

Чун ҳамасола донишҷӯёни самти ихтисоси молия ва қарзи Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд дар озмуни мазкур иштироки фаъолона намуда, ғолиби озмун гаштанд.

Ҷоиз ба зикр аст, ки донишҷӯёни донишкада дар номинатсияи “Даставӣ-амалӣ” сазовори ҷойи 1 - ум ва дар номинатсияи “Даставӣ-назариявӣ” мақоми дуюмро соҳиб шуданд.

Бояд қайд намуд, ки озмуни мазкур барои донишҷӯёни ихтисосҳои андозбандӣ, молия ва қарз, иқтисодиёт имкони хуби нишон додани донишҳо ва гирифтани таҷриба мебошад. Ҳадафҳои асосии озмун:баланд бардоштани сатҳи донишҳои назариявӣ ва амалии донишҷӯён дар соҳаи қонунгузории андоз; рушди маърифати андозсупорӣ ва ҳисси хештаншиносии ҷавонон; омода кардани мутахассисони баландихтисос барои мақомоти андоз ва соҳаи иқтисод; тақвияти ҳамкорӣ байни муассисаҳои олии таълимӣ мебошад.

Ин дастовард ба тамоми ҷомеаи меҳнатӣ ва донишҷӯёни Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд муборак бошад.

Шуъбаи иттилоот ва кор бо ВАО