Чанде қабл ҷиҳати омӯзиши амиқи самти технологияи иттилоотиву молия ва инчунин моҳияти идора дар корхонаҳои истеҳсолӣ барои донишҷӯёни гурӯҳи ихтисосҳои технология ва низоми иттилоотӣ (дар иқтисодиёт), молия ва қарз ва идораи захираҳои иттилоотӣ  дар доираи фанҳои амалияи 1С-корхона, техникаи амалиётӣ ва баҳисобгирӣ дар бонк, блокчейн ва идоракунии инноватсионӣ, баҳисобгирии идоравиву менеҷменти молиявӣ ва бизнес банақшагирии фаъолияти иқтисодии байналхалқӣ аз тарафи HR-менеджери ҶДММ «Фаровон-1» Умед Қодиров ва мутахассисони корхонаи мазкур бо роҳбаладии омӯзгорони дарсдиҳанда тренинг дар мавзӯи “Дарёфти ҷойҳои корӣ дар Фаровон” вобаста ба ихтисосҳои номбаршуда гузаронида шуд. 

Бояд қайд намуд, ки тренинги мазкур барои мустаҳкам намудани донишҳои назариявӣ доир ба мавзуъҳои таҳлили ҳолати соҳаи фаъолияти корхонаи лоиҳавӣ, таҳлили бозори фурӯш ва рақобат, нақшаи маркетингӣ,  нақшаи истеҳсоливу ташкилӣ ва нақшаи молиявӣ тақвият бахшида,  беҳтар намудани сифати дарсҳои амалӣ бо истифода аз технологияҳои муосир замима мегузорад.

Ҳамзамон, дар треннинги мазкур оиди арзишҳову диданӣ ва мақсади асосии корхона гуфта шуд, ки барои шунавандагон ҷолиби диққат буд.

Инчунин барои донишҷӯёни равияи иқтисодӣ-барномарезӣ оиди рушди фаъолияти соҳибкорӣ ва фазои соҳибкорӣ бо ёрии технологияи муосир дар раванди фаъолияти корхонаҳои истеҳсолӣ аз тарафи мутахассиси соҳаи корхонаи “Фаровон-1” Умед Раҷабов як баромади омӯзишнок гузаронида шуд. Дар раванди баргузории тренинги мазкур аз ҷониби донишҷӯён шавқу ҳаваси бисёр зоҳир гардида, бо масъулини корхона саволу ҷавобҳои ҷолиб баргузор гардид, ки дар охир аз онҳо пурсишнома гирифта шуд. 

Ҷоиз ба зикр аст, ки “Фаровон” як ширкати пешбари холдингӣ дар кишвар буда, зиёда аз 20 сол аст, ки дар умум зиёда аз 10 коргоҳҳое, ки 120 намуд номгӯи гуногуни маҳсулоти сохтмониву ордӣ, тухмиву гӯштӣ истеҳсол менамояд,  дар бозори мамлакат бомуваффақият фаъолият мебарад.

Шуъбаи кор бо ВАО