Меҳмонон нахуст бо намоиши дастовардҳои илмӣ-инноватсионии Донишгоҳи технологии Тоҷикистон аз наздик шинос шуданд.

Дар оғози кори форум муовини аввали Вазорати маориф ва илми Ҷумҳурии Тоҷикистон Ҷамшед Ҷӯразода иштирок ва суханронӣ намуд.

Дар ҷараёни форум зимни маърӯзаи ҷонибҳо ҷиҳати тақвияти ҳамкорӣ дар соҳаи маориф, илм ва инноватсия байни Тоҷикистон ва Беларус дар самти иқтисоди «сабз», рақамикунонӣ, масоили марбут ба мубодилаи омӯзгорон ва донишҷӯён, доир намудани конфронсҳои илмӣ, иштирок дар кори шуроҳо оид ба ҳимояи диссертатсияҳо, ташкили равандҳои омӯзиши мутақобил, баланд бардоштани ихтисоси омӯзгорон ва ҷорӣ намудани технологияҳои рақамӣ дар соҳаи маориф ва дигар масъалаҳо баррасӣ гардиданд.

Дар анҷоми рӯзи аввали форум маросими имзои созимномаҳои дуҷониба байни донишгоҳҳои Ҷумҳуриҳои Тоҷикистон ва Белорус сурат гирифт. Аз ҷумла, миёни Донишгоҳи техникии Тоҷикистон ба номи академик М.С.Осимӣ бо Донишгоҳи миллии техникии Белорус, Донишгоҳи Беларус-Русия ва Донишгоҳи давлатии нақлиёти Беларус созишномаҳои нави ҳамкорӣ дар самти боғҳои фанноварӣ, омӯзиши таҷрибаи пешқадам, таҳияи барномаҳои муштарак, таҳияи маводҳои таълимии муштарак, табодули устодону донишҷӯён ва анҷом додани корҳои илмӣ таҳқиқотӣ ба имзо расонида шуд.

Дар рӯзи дуюми форум , ки дар бахшҳои мухталиф идома хоҳад ёфт, дар бахши "Ҳамгироии тадқиқотҳои инноватсионӣ дар рушди иқтисоди сабз" директори Донишкадаи политехникии Донишгоҳи техникии Тоҷикистон ба номиакадемик Муҳаммад осимӣ дар шаҳри Хуҷанд Шаҳриёр Саъдуллозода маърӯзаи илмӣ намуд.

Шуъбаи кор бо ВАО