Семинарро иҷрокунандаи вазифаи мудири кафедраи иқтисоди муҳандисӣ ва менеҷмент М. Аминҷонова ҳусни оғоз бахшид.

Таъкид шуд, ки Президенти Ҷумҳурии Тоҷикистон муҳтарам Эмомалӣ Раҳмон дар мавриди қабули Стратегияи миллии рушди Ҷумҳурии Тоҷикистон барои давраи то соли 2030 изҳор доштанд, ки «…дар ин санад се ҳадафи миллии эълонкардаамон ҳамчун вазифаҳои аввалиндараҷа боқӣ мемонанд ва мо азми қавӣ дорем, ки дар ояндаи наздиктарин иҷрои онҳоро таъмин намоем.

Дар давраҳои минбаъда ин ҳадафҳо сифати нав касб карда, асоси онҳоро гузаштан аз таъмини истиқлолияти энергетикӣ ба истифодаи самарабахши неруи барқ, аз бунбасти коммуникатсионӣ баромада, ба давлати транзитӣ табдил ёфтан ва таъмин намудани амнияти озуқавориву дастрасии аҳолӣ ба ғизои хушсифат ташкил хоҳад дод.

Дар ин раванд ба самаранокии соҳаҳои воқеии иқтисодиёт, рушди неруи инсонӣ, гуногуншаклии истеҳсолот, тақвияти институтсионалӣ ва тараққиёти минтақаҳо афзалият дода мешавад.

Мо рушди устувори минбаъдаи мамлакатро дар шакли индустриалӣ ва инноватсионӣ пешбинӣ намуда, барои баланд бардоштани самаранокии истифодаи захираву имконият дар ҳамаи соҳаҳои ҳаёти иқтисодиву иҷтимоӣ талош менамоем ва барои роҳ надодан ба осебпазирии иқтисоди миллии мамлакат дар давраи дарозмуҳлат тадбирҳои алоҳидаро амалӣ менамоем».

Дар ҷараёни семинар ҳамчунин доир ба дастовардҳо ва афзалиятҳои татбиқи ҳадафҳои Стратегияи миллӣ, роҳҳои беҳтар кардани татбиқи стратегияҳо ва расидан ба рушди устувор, нақши рақамикунонӣ ва иқтисодиёти сабз дар рушди саноаткунонии босуръат, баланд бардоштани сатҳи савияи донишҷӯён оиди барномаҳои стратегии давлатӣ, нақши рақамикунонӣ дар иқтисодиётМуҳити инстиутсионалии соҳибкорӣ, нишондиҳандаҳои макроиқтисодии Тоҷикистон, Стратегияи рушди иқтисоди сабз дар Ҷумҳурии Тоҷикистон дар солҳои 2023-2027 ва ғайраҳо мубодилаи афкор сурат гирифт.

Шуъбаи кор бо ВАО