Зикр гардид, ки ҳадафи семинар ташкили вохӯрӣ бо мутахассисоне мебошад, ки таҷрибаи амалӣ доранд, то ки аз забони онҳо донишҷӯён дар бораи салоҳиятҳое, ки онҳо бояд дар фаъолияти амалия дошта бошанд ва аз он тасаввурот бардоранд.

Камолиддин Файзуллозода, мутахассиси пешбари шуъбаи баҳисобгирии даромадҳо ва муносибатҳои бонки Сарраёсати Вазорати молияи Ҷумҳурии Тоҷикистон дар вилояти Суғд оид ба ҷараёни ташаккули даромадҳои буҷет маълумоти муфассал пешниҳод намуд.

Сипас Розия Аҳмадҷонова, мутахассиси пешбари шуъбаи такмили ихтисос дар Раёсати андози вилояти Суғд ҳамагонро бо хусусиятҳои низоми андозбандӣ шинос намуда, мавқеи вилояти Суғдро дар ташаккули даромади буҷети давлатӣ шарҳ дод.

Анварҷон Ҳусейнов, роҳбари идораи фурӯши хизматҳои чакана, департаменти тиҷорати чаканаи ҶСК «Бонки Эсхата», ки худ хатмкунандаи ихтисоси молия ва қарзи ДПДТТ мебошад, аз донишҳои омӯхта, таҷриба, роҳи тайнамудааш нақл намуд.

Таъкид шуд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми худ қайд намудаанд, рушди илму маориф калиди пешрафти ҳамаи соҳаҳо ва омили муҳимтарини таъмин намудани ояндаи босуботи давлат ва фардои босаодати ҷомеа ба ҳисоб меравад. Дар ҳақиқат, инкишофи минбаъдаи давлат ва муаррифии нуфузи он дар арсаи байналлмиллалӣ бе кадрҳои баландихтисос ва ҷавонони ватандуст имконнопазир аст. Бинобар ин, Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба рушди маориф, забондонӣ, тайер намудани мутахассисони ба тағйиротҳои инноватсионии муосир ҷавобгу ва азхудкунии технологияҳои муосир тавваҷҷуҳи махсус зоҳир кардаанд.

Дар ҷараёни семинар маърӯзаҳои донишҷӯён дар мавзуҳои ҷолиб, ки барои ҳалли муаммоҳои мавҷуда дар соҳаҳои гуногун пешбинӣ шудааст, шунида шуд.