- 20.04.2025
ИШТИРОК ДАР АКСИЯИ "ТОЗАГИИ СОҲИЛ"
ИШТИРОКИ ҶАВОНПИСАРОНИ ДОНИШКАДА ДАР МАРОСИМИ ТАНТАНАВИИ ГУСЕЛИ ДАЪВАТШАВАНДАГОН БА САФИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН
Имрӯз, 4 апрели соли 2025 дар Амфитеатри Қасри Арбоб маросими гусели даъватшавандагон ба хизмати ҳарбӣ баргузор гардид, ки дар он устодон ва ҷавонписарони донишкада фаъолона ширкат варзиданд.
Дар ҳамоиши бошукӯҳу тантанавӣ Раиси вилояти Суғд Раҷаббой Аҳмадзода иштирок ва суханронӣ намуд.
Раиси вилоят изҳор дошт, ки тибқи Қонуни Ҷумҳурии Тоҷикистон «Дар бораи ӯҳдадории ҳарбӣ ва хизмати ҳарбӣ» ва Фармони Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар ду марҳила гусели ҷавонон ба сафи Қувваҳои Мусаллаҳ сурат мегирад.
Раиси вилоят таъкид кард, ки ҳимояи Ватан, манфиатҳои давлат, таҳкими Истиқлоли давлатӣ ва тақвияти иқтидори мудофиавӣ вазифаи муқаддаси ҳар як шаҳрванд маҳсуб меёбад. Ҳамзамон, таъкид шуд, ки хизмати ҳарбӣ на танҳо қарзи фарзандӣ, балки мактаби мардонагӣ ва ватандӯстӣ барои ҳар ҷавонмарди баору номус мебошад.
Дар идомаи чорабинӣ маросими "Нонгазон" баргузор гардида, аҳли фарҳанги вилоят бо намоиши барномаи рангини консертӣ табъи ҷавонон болида намуданд.
Бояд қайд намуд, ки дар ин маросими гусели даъватшавандагон ба хизмати ҳарбӣ ҷавонписарони Донишкади политехникии Донишгоҳи технкии Тоҷикистон ба номи академик Муҳаммад Осимӣ дар шаҳри Хуҷанд фаъолона иштирок намуданд.
Шуъбаи кор бо ВАО
Хабарҳои охирин
Хабарҳои машҳур
- 21.01.2025
ЭЪЛОН: ДОВТАЛАБ – 2025!
- 14.10.2024
Маркази байналмилалӣ ва идораи лоиҳаҳо
