Имрӯз, санаи 17-уми октябри соли равон дар арафаи баргузории даври ҷумҳуриявии озмуни ҷумҳуриявии «Илм фурӯғи маърифат» мулоқоти директори донишкада Шаҳриёр Саъдуллозода бо ғолибони даври вилоятии озмуни ҷумҳуриявӣ «Илм фурӯғи маърифат» ва роҳбарони илмии онҳо багузор шуд.

Зимни нишаст суҳбати самимӣ ва озоду ошкоро бо донишҷӯён ва устодон сурат гирифта, зикр гардид, ки бо ташаббус ва таҳти сарпарастии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамасола озмуни ҷумҳуриявии «Илм фурӯғи маърифат» барои дар амал татбиқ намудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва дарёфти чеҳраҳои ихтироъкор баргузор карда мешавад.

Боиси ифтихори ҳайати илмию – омӯзгорӣ ва донишҷӯёни донишкада аст, ки соли ҷорӣ дар даври вилоятии озмуни болозикр 17 нафар донишҷӯён ва устодони донишкада аз руйи номинатсияҳои гуногун ғолибият ба даст оварда, ба даври ҷумҳуриявии он роҳхат гирифтанд.

Мутмаинем, ки эшон дар даври ҷумҳуриявӣ низ бо ҷасорат, кӯшиш ва донишу ғайрати табиӣ номи донишкадаро дар арсаи ҷумҳурӣ муаррифӣ хоҳанд намуд.

Таъкид гардид, ки раёсати донишкада бо тамоми масъулият иштироки фаъолонаи донишҷӯён ва устодонро дар даври ниҳоии озмуни ҷумҳуриявӣ «Илм фурӯғи маърифат»-ро таъмин ва дастгирӣ хоҳад намуд, ки он ба обрӯву эътибори ояндаи муассисаи таълимӣ марбут аст.

Интизор меравад, ки даври ниҳоии озмун санаҳои 21-25-уми октбяри соли 2025 дар шаҳри Душанбе баргузор хоҳад шуд.

Тавре, ки қаблан иттилоъ дода будем, дар даври вилоятии озмуни ҷумҳуриявӣ «Илм фурӯғи маърифат» дар китобхонаи вилоятии ба номи Тошхоҷа Асирӣ баргузор гардид, 21 нафар донишҷӯёну устодони Донишкадаи политехникии ДТТ ба номи академик М.С. Осимӣ фаъолона иштирок намуда, 17 нафари онҳо мақомҳои ифтихорӣ ба даст оварданд.

Чанде қабл аз тарафи Раиси вилояти Суғд Раҷаб Аҳмадзода ғолибони даври вилоятии озмуни ҷумҳуриявии «Илм фурӯғи маърифат» бо диплом ва маблағҳои пулӣ қадршиносӣ карда шуданд.

Шуъбаи иттилоот ва кор бо ВАО