Таҳти ин унвон санаи 28-уми октябри соли 2025 дар Донишкадаи политехникии ДТТ ба номи академик М.С. Осимӣ дар шаҳри Хуҷанд семинари таълимӣ-методӣ баргузор гардид.

Семинари мазкур дар доираи нақшаи чорабиниҳои Донишкада оид ба татбиқи “Стратегияи миллии арзёбии сифати таҳсилот дар Ҷумҳурии Тоҷикистон барои давраи то соли 2044” аз ҷониби шӯъбаи мониторинги сифати таҳсилот ва назорати электронӣ роҳандозӣ гардида, мақсади он ба беҳсозии сифати таҳсилот ва роҳҳои идоракунии он нигаронида шудааст.

Иброз гардид, ки сифати таҳсилот ҳамчун низоми доимоамалкунанда дар муассисаҳои таҳсилоти олии касбӣ ба ҳисоб рафта, барои рушд бахшидан ба сифати таҳсилот, ҷамъоварӣ, коркард, нигоҳдорӣ ва паҳнкунии иттилоот оид ба таҳсилот ва қисмҳои алоҳидаи он равона карда шудааст. Таъкид шуд, ки мақсади асосии сиёсати идоракунии сифати таҳсилот ва низоми ягонаи татбиқи он дар донишкада пеш аз ҳама, таҳлили ҳамаҷонибаи сифати воқеии таълим, танзими ҳуҷҷатгузорӣ, истифодаи усулҳои фаъоли таълим, хусусиятҳои татбиқи низоми менеҷменти сифат дар бозори хизматрасониҳои таълимӣ, рушди технологияи иттилоотӣ ва мушкилоти омодагии касбии мутахассисон ва муайянкунии самтҳои беҳдошти он мебошад. Умед аст, ки семинари мазкур барои беҳтар гардидани фаъолият мусоидат менамояд. Дар идомаи семинар маърӯзаҳои профессор Авезова М.М. дар мавзӯи «Низоми ягонаи таҳияи маводҳои таълимӣ-методӣ» ва муовини директор оид ба таълим Холиқзода М.М. дар мавзӯи «Маводҳои таълимӣ-методӣ ҳамчун унсурҳои калидии низоми ягона» шунида шуд.

Шӯъбаи мониторинги сифати

таҳсилот ва назорати электронӣ