Шуъбаи муҳосибии Институт ҳамчун воҳиди сохторӣ фаъолияти баҳисобгирии муҳосибӣ ва молиявию хоҷагидории Институтро мутобиқи Қонуни Ҷумҳурии Тоҷикистон «Дар бораи баҳисобгирии муҳосибӣ ва ҳисоботи молиявӣ», Кодекси буҷетӣ ва Кодекси андози Ҷумҳурии Тоҷикистон, санадҳои меъёрии ҳуқуқии Вазорати молияи Ҷумҳурии Тоҷикистон, инчунин санадҳои меъёрии дохилии Институт амалӣ менамояд.

Вазифаҳои асосии шуъбаи муҳосибӣ аз инҳо иборатанд:

1. Ташкил ва пешбурди баҳисобгирии муҳосибии молу мулк, уҳдадориҳо ва амалиётҳои молиявию хоҷагидории Институт.

2. Таҳия, тасдиқ ва иҷрои сметаи даромад ва хароҷоти Институт, инчунин назорат аз болои истифодаи мақсаднок ва самараноки маблағҳои буҷетӣ ва ғайрибуҷетӣ.

3. Баҳисобгирии воридот ва хароҷоти маблағҳои молиявӣ аз ҳамаи манбаъҳо тибқи тартиби муқарраргардида.

4. Ҳисоб, пардохт ва бақайдгирии музди меҳнат, стипендияҳо, иловапулиҳо, ҷубронпулиҳо ва дигар пардохтҳои қонунан муқарраргардида ба кормандон ва донишҷӯён.

5. Ҳисоб, нигоҳдорӣ ва сари вақт гузаронидани андозҳо, боҷҳо ва дигар пардохтҳои ҳатмӣ ба буҷетҳои ҳамаи сатҳҳо ва фондҳои давлатии ғайрибуҷетӣ.

6. Таҳия ва пешниҳоди ҳисоботи муҳосибӣ, молиявӣ, андозӣ ва оморӣ ба мақомоти дахлдори давлатӣ дар муҳлатҳои муқарраргардида.

7. Амалӣ намудани назорати дохилии молиявӣ бо мақсади таъмини риояи интизоми молиявӣ ва дурустии таҳияи ҳуҷҷатҳои ибтидоии муҳосибӣ.

8. Таъмини ҳифз, бақайдгирӣ ва нигоҳдории ҳуҷҷатҳои муҳосибӣ, инчунин ташкили бойгонии ҳуҷҷатҳои молиявӣ тибқи талаботи қонунгузорӣ.

9. Иштирок дар гузаронидани инвентаризатсияи молу мулк ва уҳдадориҳои молиявии Институт.

Маълумоти иловагӣ:

Қонуни Ҷумҳурии Тоҷикистон дар бораи бахисобгирии мухосибӣ ва хисоботи молиявӣ