Дар Донишкадаи политехникии донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд бо ташаббуси Ҷамъияти илмии факултети муҳандисӣ - технологӣ ва садорати он, ҳамоиши илмӣ – назариявии “САҲМИ ҶАВОНОН ДАР РУШДИ ИЛМУ ТЕХНИКА”, бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, “Солҳои рушди иқтисодиёти рақамӣ ва инноватсия ” ва “Рӯзи илми тоҷик” бо иштироки аъзоёни Ҷамъият, омӯзгорон, унвонҷӯён, докторантон PhD аз рӯи ихтисос, магистрантон ва донишҷӯёни фаъолу навовар баргузор гардид.

Ҳамоишро муовини директори донишкада Усмонҷон Ахмедов ва диекани факултети муҳандисӣ - технологӣ Насимҷон Камолов ифтитоҳ намуданд.

Сипас Фарангис Маҳмудова раиси Ҷамъияти илмии муҳандисӣ - технологӣ дар мавзӯи “САҲМИ ОЛИМОНИ ҶАВОН ДАР РУШДИ ИЛМИ ТОҶИК” баромад намуд.

Иттилоъ дода шуд, ки тайи солҳои охир сафи олимони ҷавони Донишкадаи политехникии Донишгоҳи техникии Тоҷикистон ба номи академик М.С. Осимӣ дар ш.Хуҷанд, ҳам аз байни омӯзгорон, ҳам аз байни донишҷӯёну магистрантон беш аз пеш зиёд шуда истодаанд.

Дастовардҳои назарраси солҳои охири донишкада нишон медиҳад, ки ҷавонон дар тамоми ҷабҳаҳои ҳаёт фаъол буда, кӯшиш намуда истодаанд, ки малакаву тахассуси худро ривоҷ диҳанд. Ҷавонони донишкада дар маҳфилҳои илмӣ, таълимӣ, эҷодӣ, озмунҳои сатҳҳои донишкадавӣ, шаҳриву вилоятӣ, ҷумҳумҳуриявию байналмиллалӣ иштирок намуда, ҷойҳои ифтихориро созовор шудаанд.

Аз тарафи як қатор омӯзгорони факултети муҳандисӣ технологӣ дар давоми 2 соли охир рисолаи номзадии худро ҳимоя намуда, бо патенту санадҳои татбиқ ва бо иштирок дар форуму симпозиумҳои сатҳи байналмиллалӣ саҳми муассири худро дар рушди илми тоҷик гузошта истодаанд.

Дар ҷараёни ҳамоиш ҳамчунин маърӯзаҳои раиси созмони Ҷавонони факултет Шаҳзод Илмаминов таҳти унвони “НАҚШИ ҶАВОНОН ДАР САНОАТИКУНОНИИ БОСУРЪАТИ КИШВАР”, Абдуҳаким Дӯсматов, муовини декан оид ба тарбияи факултети муҳандисӣ – технологӣ, ассистенти кафедраи технологияи маҳсулоти хӯрока дар мавзӯи “АҲАМИЯТИ ЗЕҲНИ СУНЪӢ ДАР ИСТЕҲСОЛИ МАҲСУЛОТИ ХӮРОКА”, маърӯзаи Дилноза Тӯйчиева, ассистенти кафедраи технологияи саноати сабук ва нассоҷӣ, докторанти Phd курси 3 ихтисоси 6D072600 “УСТОЙЧИВАЯ МОДА И ЭКОНОМИКА ЗАМКНУТОГО ЦИКЛА”, маърӯзаи Олияхон Исмоилова магистранти курси 1, дар мавзӯи “ТАКМИЛИ ТЕХНОЛОГИЯИ МАҲСУЛОТИ ФУНКСИОНАЛӢ ДАР АСОСИ КОНСЕНТРАТИ РАСТАНИГӢ” шунида шуд.

Маърузаву мақолаҳо аз тарафи аъзоёни ҷамъият дар атрофи самти кории ҳамоиш баррасӣ ва муҳокима гардида, зиёда аз 15 адад мақолааҳои илмии аъзоёни ҷамъият дар маводи чопии ҳамоиш нашр гардид.

Ҳамоиш бо мубодилаи афкор анҷом пазируфт.

Шуъбаи кор бо ВАО