Дар Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд маросими имзои Меморандуми нави ҳамкорӣ бо Донишгоҳи давлатии техникии Намангони Ҷумҳурии Ӯзбекистон баргузор гардид.

Таъкид шуд, ки ин меморандум дар асоси ҳадафҳои робитаҳои илмӣ, таҳсилотӣ ва инноватсионӣ байни ду муассисаи бонуфуз ба имзо расида, заминаи воқеӣ барои таҳкими муносибатҳои дӯстона ва касбӣ фароҳам меорад.

Иттилоъ дода шуд, ки ҳамкории нави ду ҷониб якчанд самтҳо, аз ҷумла: табодули омӯзгорон ва муҳаққиқон барои лексияҳо, семинарҳо, бозомӯзӣ ва таҷрибаи илмӣ; табодули донишҷӯён дар сатҳи бакалавр ва магистратура бо мақсади рушди академияи мобилӣ; татбиқи лоиҳаҳои муштараки илмӣ-тадқиқотӣ дар соҳаҳои муҳандисӣ, технология, иқтисод, IT ва дигар самтҳои дорои манфиати тарафайн; коркарди барномаҳои муштараки таълимӣ ва тадқиқотӣ, аз ҷумла дар доираи барномаҳои байналмилалӣ; тайёр ва нашр кардани маводи таълимӣ ва илмӣ, таҳияи методикаҳо ва нашри адабиёти муштарак; ташкили чорабиниҳои илмӣ — конфронсҳо, форумҳо, семинарҳо, тренингҳо ва барномаҳои инноватсионӣ ва ғайраҳоро фаро мегирад.

Бояд қайд намуд, ки ин меморандум дар ҳақиқат таҳкими робитаҳои стратегии ду муассисаи олии байналмилалиро нишон дода, имкониятҳои васеъро барои донишҷӯён, муҳаққиқон ва омӯзгорон фароҳам меорад.

Ҷонибҳо изҳои умедворӣ намуданд, ки бо татбиқи созишномаи имзошуда, метавон гуфт, ки роҳ барои ташаббусҳои нав, лоиҳаҳои инноватсионӣ, рушди кадрҳои баландихтисос ва густариши ҳамкориҳои минтақавӣ боз ҳам фарох мегардад.

Шуъбаи иттилоот ва кор бо ВАО