Дар толори Донишгоҳи омӯзгории Ҷумҳурии Тоҷикистон ба номи Садриддин Айнӣ маросими мукофотсупорӣ ба “Даҳгонаи беҳтарин довталабон” дар имтиҳонҳои марказонидаи дохилшавии солҳои 2023-2024 ба таври идона бо иштироки намояндагони Ҳукумати кишвар, роҳбарони аввали сохторҳои марбутаи шаҳриву ҷумҳуриявӣ ва донишҷӯёну толибилмон баргузор гардид.

Боиси ифтихор аст, ки донишҷуёни донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд Меҳрона Бобоҷонова, донишҷӯи курси 1-уми ихтисоси таъмини барномавии технологияҳои иттилоотӣ ба “Даҳгонаи беҳтарин довталабон” дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2024 шомил шуда, донишҷӯён Ҷовид Тошматов, донишҷӯи курси 2-юми ихтисоси таъмини барномавии технологияҳои иттилоотӣ, Саиднеъматхон Исҳоқӣ, донишҷӯи курси 2-юми ихтисоси молия ва қарз ба “Довталабони беҳтарин”-и дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 аз фанҳои табиатшиносӣ, дақиқ ва риёзӣ шумораи имконпазири ҳадди аксари холҳоро соҳибшуда дохил шуданд.

Маркази миллии тестии назди Президенти Ҷумҳурии Тоҷикистон марсомими қадршиносиии “Даҳгонаи беҳтарини довталабон”-ро дар ИМД шуруъ аз соли 2018 баргузор намуда, аз соли 2020 тибқи нақшаи чорабиниҳо барои солҳои 2020-2025 оид ба амалигардонии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон намудани солҳои 2020-2040”, ки довталабонеро, ки аз рӯйи дастовардҳо – соҳиб шуданашон ба шумораи имконпазири ҳадди аксари холҳо аз фанҳои табиатшиносӣ, дақиқ ва риёзӣ (ШИҲАХ) дар доираи гурӯҳи ихтисосҳо аз ҷумлаи беҳтаринҳоянд (номинаи дуюм), низ қадрдонӣ мекунад.

Шуъбаи кор бо ВАО

(С) Аксҳо аз саҳифаи расмии ММТ