ИШТИРОК ДАР САММИТИ ЯКУМИ ХАТМКАРДАГОНИ TECHWOMEN ДАР КАСАБЛАНКА
Аввалин Саммити хатмкардагони барномаи TechWomen аз 4 то 6 декабри соли 2024 дар шаҳри Касабланкаи Марокаш баргузор шуд, ки иштирокчиёни барномаро аз 22 кишвар, намояндагӣ аз ҳар як гурӯҳи барнома аз замони таъсисаш дар соли 2011, муттаҳид мекунад. Ин чорабинии беназир аз ҷониби Котиби давлатии ИМА Энтони Блинкен дар соли 2022 оғоз шуда буд, ки беш аз даҳсолаи ҳамкорӣ, навоварӣ ва роҳбариро дар STEM таъкид кард. Дар ин саммит устоди ДПДТТ ба номи академик МуҳаммадОсимӣ дар шаҳри Хуҷанд Маҳина Усмонова иштирок ва суханронӣ намуд.
Саммит бо чорабинии пленарӣ, ки мақсад ва мароми саммитро муайян кард, оғоз ёфт. Суханрониҳои истиқболӣ аз ҷониби Директори Барномаи TechWomen Кэти Зи, Молли Санчес-Кроу, сардори Дафтари роҳбарияти глобалии Бюрои корҳои таълимӣ ва фарҳангии Департаменти давлатии ИМА ва Ник Барнетт, атташеи матбуот дар Сафорати ИМА дар Работ садо доданд.
Барномаи саммит гуфтугӯҳои илҳомбахш, семинарҳои трансформатсионӣ, презентатсияҳо ва пешниҳодҳои лоиҳаро дар бар гирифт, ки аз ҷониби иштирокчиён ва ментороне, ки барои таъғир додани STEM ва таҳкими ҳамкорӣ дар ин соҳа кор мекунанд, пешниҳод карда шуданд.
Дар яке аз иҷлосияҳои калидии саммит – «Сафари соҳибкорӣ» Маҳина Усмонова (хатмкунандаи TechWomen, Тоҷикистон, 2016) устоди ДПДТТ ба номи академик Муҳаммад Осимӣ дар шаҳри Хуҷанд андеша ва таҷрибаи хешро дар соҳаи соҳибкорӣ муаррифӣ кард. Дар доираи панел номбурда бо хатмкунандагони дигари барнома: Мунира Бегмуратова (Узбекистон, 2016), Дилкаш Киргизбекова (Точикистон, 2019), Зарина Ачилова (Точикистон, 2023), инчунин мурабби Лаура Мессершмитт дар бораи муваффақиятҳо, мушкилот ва илҳоми худ, ҷанбаҳои асосии устуворӣ ва инноватсияро дар соҳибкорӣ сӯҳбат ва мубодилаи афкор намуд.
Маҳина Усмонова дар бораи таҷрибаҳои эҷоди лоиҳаҳои шахсиаш, аз ҷумла истифодаи равишҳои инноватсионӣ барои ҳалли мушкилоти иҷтимоӣ ва чӣ гуна барномаи TechWomen ба ман дар васеъ кардани ҷаҳонбинии ман ва баланд бардоштани эътимодаш ба қобилиятҳояш кӯмак кард, нақл кард. Ҳикояи мавсуф вокуниши ҷолиби иштирокчиёнро ба вуҷуд овард, бахусус соҳибкорони ҷавон, ки фаъолияти худро нав оғоз мекунанд.
Барандагони ҷаласа, аз ҷумла мураббиёни барнома ва хатмкардагон аз саросари ҷаҳон, чорроҳаи роҳбарӣ, STEM ва иқтидори инқилобии зеҳни сунъиро баррасӣ карданд. Иштирокчиён аҳамияти ҳамкорӣ барои эҷоди технологияҳоеро, ки ҳаётро ба сӯи беҳтар тағйир медиҳанд, таъкид карданд.
Ҷаласа, ки ба таҷрибаҳои устувор ва мубориза бо тағирёбии иқлим тамаркуз мекард, иштирокчиёнро ҷамъ овард, ки равишҳои инноватсионии ҳифзи ҷомеаҳои осебпазир аз таҳдидҳои иқлимро пешниҳод карданд.
Бояд қайд намуд, ки Саммити хатмкардагони TechWomen як чорабинии ҷолибе буд, ки аҳамияти ҷамъ овардани занони пешво дар STEM барои ҳалли мушкилоти глобалиро бори дигар исбот кард.
