Дар Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд ба муносибати оғози соли таҳсили 2023-2024 чорабинии тантанавӣ баргузор гардид.

Маъруф Муҳаммадзода, мудири шуъбаи сохтмони Мақомоти иҷроияи ҳокимияти давлатии вилоят Паёми табрикотии Раиси вилояти Суғд Раҷаббой Аҳмадзодаро ба муносибати Рўзи Дониш ба самъи ҳозирин расонд, ки дар он аз ҷумла гуфта мешавад: «Соли таҳсили 2022-2023 дар вилоят 10 муассисаи таҳсилоти олии касбӣ, 21 муассисаи таҳсилоти миёнаи касбӣ, 21 литсейи касбии техникӣ, 946 муассисаи таҳсилоти миёнаи умумӣ ва 279 муассисаи таҳсилоти томактабӣ ҷиҳати ба таълиму тарбия фаро гирифтани насли созандаву бунёдкор фаъолияти босамар доштанд.

Дар заминаи ибтикороти самарабахши ҳукумати мамлакат дар вилоят ҷиҳати баланд бардоштани сатҳи таълиму тарбия ва рушди маорифи миллӣ таваҷҷўҳи хоса равона карда шудааст. Маҳз дастгирии донишҷўёну хонандагон ва омўзгорони онҳо аст, ки сол аз сол теъдоди ғолибони озмуну олимпиадаҳо рӯ ба афзоиш ниҳода, хонандагон, донишҷўён, омӯзгорони пешқадаму навовари мо дар озмунҳои сатҳи ҷумҳурӣ ва байналмилалӣ мақомҳои арзандаро ишғол менамоянд. Бо ибтикороти Пешвои муаззами миллат эълон шудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, роҳандозӣ гардидани озмунҳои бонуфузи ҷумҳуриявии “Фурӯғи субҳи доноӣ китоб аст”, “Тоҷикистон - Ватани азизи ман”, “Илм-фурӯғи маърифат” ва озмуни “Тоҷикон”-оинаи таърихи миллат” марҳилаи наверо барои вусъати фаъолияти наврасону ҷавонон, устодону омўзгорони онҳо боз намуда, доираи омӯзиш ва мутолиаи тамоми қишрҳои ҷомеаро густариши тоза бахшид. Озмунҳои мазкур имкон фароҳам меоранд, ки сатҳи саводу маърифати мардум ва дар навбати аввал наврасону ҷавонон баланд бардошта шуда, дар вуҷуди онҳо эҳсоси ватандӯстиву ватанпарварӣ, худшиносию худогоҳӣ, ҳувияти миллӣ, арҷгузорӣ ва омӯхтани забон, таърих, фарҳанги бостониии тоҷикон бештар тақвият ёбад».

Сипас Раиси Кумиҷроияи ҲХДТ дар шаҳри Хуҷанд Бахтиёр Исматҷонов номаи табрикотии Раиси шаҳри Хуҷанд Фирдавс Шарифзодаро ироа намуд.

Директори донишкада, номзади илмҳои техникӣ Дилафрўз Саидӣ устодон ва донишҷўёнро бо фарорасии соли нави таҳсил табрику таҳният гуфта, аз ҷумла афзуд, ки самараи таваҷҷуҳ ва имкониятҳои Давлату Ҳукумат аст, ки донишҷӯёни донишкада дар озмуну олимпиадаҳо муваффақона ширкат меварзанд. Масалан тайи ду сол аст, ки ду нафар устоди донишкада ва литсейи донишкада Бобоҷонов Ҷӯрабой ва Иброҳимҷон Муъминов соҳиби Ҷоизаи Президент дар риштаи илмҳои дақиқро соҳиб мешаванд. Бобоҷонов Ҷӯрабой бошад ғолиби озмуни ҷумҳуриявии “Муаллими соли 2022” гардиданд, ки ифтихори мост.

Соли хониши рафтам 6 нафар донишҷӯён донишкада дар даври ҷумҳуриявии озмуни “Илм фурӯғи маърифат”, ки дар пойтахти мамлакат шаҳри Душанбе доир гардид, иштирок намуда, сазовори ҷойҳои ифтихории дуюм ва чорум гардиданд.

Меҳрангез Зоҳирова, донишҷўйи Донишкада байни 37 муассисаҳои таҳсилоти олии кишвар, ки дар озмуни ҷумҳуриявӣ таҳти унвони «Беҳтарин донандаи Кодекси андоз» сазовори ҷойи якум гардид.

Таъкид гардид, ки ба воя расонидани фарди ватандӯст бевосита ба таълиму тарбияи он вобастагӣ дорад. Заминаи аввалини тарбияи ватандӯстӣ, ки омили муҳимтарини таъмини пешрафти ҷумҳурӣ мебошад, омода кардани кадрҳои соҳибилму соҳибкасб аз донишҳои замона бархӯрдор ва эҷодкор ба ҳисоб меравад. Барои расидан ба орзуи худ ҳар як ҷавон пеш аз ҳама меҳнатдӯст бояд бошад, ватанашро сидқан дӯст дорад. Аз паи таълим бошад, бештар китоб хонад. Аз илмҳои замонавӣ огоҳии комил дошта бошад. Шукрона ки дар донишкадаи мо сафи чунин ҷавонони бо ору нанг хеле зиёд аст. Дар даъвати баҳорона зиёда аз 200 нафар ҷавонони донишкада ихтиёран ба сафи Қувваҳои мусаллаҳ шомил шуданд, ки ин намуна бар дигарон аст.

Ҳисси ватандӯстӣ, ба шуғли фоидаовар даст задан моро аз хатарҳои шомилшавӣ ба ҳизбу ҳаркатҳои ғайриқонунӣ боз медорад.

Сипас ҳамагон суханронии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар Рӯзи дониш, ки соли ҷорӣ дар Донишгоҳи давлатии тиббии Хатлон дар ноҳияи Данғара сурат гирифт, тариқи оинаи нилгун тамошо намуданд.

Нашр шуд: 04 сентябри 2023

Дида шуд: 394 маротиба

Дар маҷлисгоҳи асосии Донишкадаи политехникии Донишгоҳи техникии Тоҷикистон  бо иштироки  муовини раиси комиссияи ҷамъияти пешгирии коррупсия дар вилояти Суғд, номзади илмҳои ҳуқуқшиносӣ Назира Ғаффорӣ мулоқоти озоду самимӣ бобати пешгирӣ аз амалҳои ришваситонӣ, баланд бардоштани  маърифати ҳуқуқӣ бо ҷомеаи устодону шогирдони донишкада баргузор гардид.

Чорабиниро директори донишкада, номзади илмҳои техникӣ Саидӣ Дилафрӯз Раббизода ҳусни оғоз бахшида,  таъкид дошт, ки aсоси пешрaфти ҷомеa aз дaрaҷaи сaводнокӣ, сaтҳи фaҳмиши ҳуқуқии ҳaр яки мо вобaстaгии кaлон дорaд. Мутaaссифонa, имрӯз ҷомеaи ҷaҳониро дaр бaробaри хaтaрҳои  терроризиму экстремизм, ҳaмчунин aмaли ришвaситонӣ ё бa истилоҳ коррупсионӣ бa тaшвиш овaрдaaст. Дaр кишвaри мо низ бинобaр нaдонистaни ҳуқуқу мaнфиaтҳои худ aксaри сокинон дaр ин мaврид рaнҷ мекaшaнд. Асосгузори сулҳу ваҳдати миллӣ- Пешвои миллат  Президенти кишвар мӯҳтарам Эмомалӣ Раҳмон дар паёмҳои зиёди худ, алоҳида дар бобати муборизаи сокинон бар зидди коррупсиониро яке аз омилҳои пешрафти иҷтимоӣ ва иқтисодии кишвар дониста, таъкид ба таъкид ҳамагонро барои решакан намудани ин доғи сиёҳи ҷомеа даъват менамоянд. Зеро коррупсия барои рушди иқтисодӣ, ташаккули иқтисоди бозоргонӣ ва ҷалби сармоя монеаи ҷиддӣ буда, барои рушди минбаъдаи Ҷумҳурии Тоҷикистон таҳдиди калонро ба вуҷуд меоварад. Ҳарчанд дар фосилаи таърихи ҷаҳон имконоти пурра решакан намудани коррупсия вуҷуд надорад, аммо бо пеш гирифтани тадбирҳои иловагии тақвияти муқовимат бо коррупсия дар ҷумҳурӣ метавон зина ба зина сатҳи ҷинояти коррупсиониро коҳиш дод, ки ин амри воқеият аст. Зеро дар ҷамъият ҳар чӣ бештар сар задани ҷинояти хусусияти коррупсионидошта боиси рушди беадолатӣ, маҳдудгардони ҳуқуқҳои инсон, пастравии обрӯ ва нуфузи кишвар дар сатҳи байналмилалӣ гардида, ҳамчун яке аз намудҳои аслии таҳдиди воқеӣ ба амнияти давлат мегардад.

 Дар идомаи мулоқот Саидӣ Дилафрӯз Раббизода қайд намуд, ки қадами аввалине, ки барои пешгирии ришваситонӣ дар донишкада гузошта шуд, ин пеш аз ҳама ташкил додани муҳити тоза ва ҳамдигарфаҳмии ҷомеаи устодону шогирдон аст.  Дигар восита ҳавасмандгардонии кормандон вобаста аз ҳаҷми иҷроиши кор ва рақобати солим байни онҳо мебошад.

Музди меҳнате, ки имрӯз кормандони донишкада ба даст меоранд, барои рӯйпӯш намудани хароҷоти рӯзмарра кофӣ буда, то дараҷаи муайян эҳтиёҷоти эшонро қонеъ мегардонад. Ин иқдом яке аз сабабҳои бартараф гардидани ба таври ғайриқонунӣ гирифтани маблағ ва масъалаҳои коррупсионӣ гардидааст.

 Моҳе як мaротибa бaйни донишҷӯён пурсишномa гузaронидa мешaвaд вa донишҷӯён мушкиливу муaммо вa бa сaтҳи дониш, мaҳорaти педaгогӣ, муҳимтaр aз ҳaмa муносибaти омӯзгорро бо донишҷӯён  бaҳои воқеӣ медиҳaнд.

Дар баромади Назира Ғаффорӣ зикр шуд, ки бо мақсади коҳиш додани раванди ришваситонӣ дар ҷамъият беш aз 12 сол aст, ки  Агентии назорати давлатии молия ва мубориза бо коррупсия фаъолияти самаранок ва муваффакқона мебарад. Дар ин ҷода ба имзо расидани фармони Президентии Ҷумҳурии Тоҷикистон «Дар бораи Стратегияи муқовимат ба коррупсия дар Ҷумҳурии Тоҷикистон барои солҳои 2020-2030» фаъолияти ин ниҳоди пурқудратро боз ҳам такмил дод. Стратегияи мазкур ҳамчун ҳуҷҷати муҳими давлатӣ барои тақвияти мубориза ва пешгирии ҷиноятҳои коррупсионӣ заминаи мустаҳкам гузошта, дар доираи он аксари масъалаҳо дар самти мубориза ба коррупсия бо назардошти хулосаи тадқиқоти сотсиалогӣ, таҷрибаи мақомоти ҳифзи ҳуқуқи кишварҳои дигар ва таҳлили омории вазъи коррупсия тайи солҳои охир ҳалли худро ёфтанд.

Стратегияи мазкур бо назардошти ба анҷом расидани муҳлати татбиқи стратегияи пешин ва зарурати идомаи фаъолият дар самти мубориза бо коррупсия қабул шудааст. Баҳри роҳандозии стратегияи мазкур Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба тамоми корхонаву ташкилотҳо оид андешидани чораҳои таъхирнопазир бар зидди ришваситонӣ вазифаҳои мушаххас дода буд.

Комиссияи ҷамъиятии пешгирии коррупсия дар Суғд, ки асосан аз ҳисоби роҳбарони идораҳои давлатӣ таъсис шудааст, дар самти назорат, пешгирӣ ва маърифатнокии сокинон хизмати шоиста карда меояд. Мавсуф аз донишҷӯён даъват ба амал овард, ки пайваста маърифати ҳуқуқии худро баланд бардошта, дар мубориза бо ин амали номатлуб фаъол бошанд.

Нашр шуд: 30 майи 2023

Дида шуд: 262 маротиба

 

Дар толори хурди Донишкадаи политехникии Донишгоҳи техникии Тоҷикистон баноми академик Муҳаммад Осимӣ бо иштироки васеи рӯзноманигорон нишасти матбуотии ин муассисаи олии таълимӣ баргузор гардид.

Директори донишкада Дилафрӯз Саидӣ доир ба ҷанбаҳои фаъолият дар нимсолаи аввали соли 2023 иттилоъ дода, аз ҷумла афзуд, ки аҳли ҷомеаи кормандону омӯзгорони Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд дар нимсолаи аввали соли 2023 фаъолияти худро баҳри иҷрои дастуру ҳидоятҳои Асосгузори сулҳу ваҳдати миллӣ - Пешвои муаззами миллат - Президенти Ҷумҳурии Тоҷикистон муҳтарам Эмомалӣ Раҳмон, Қарорҳои Ҳукумати Ҷумҳурии Тоҷикистон, стратегия ва барномаҳои давлатӣ дар самти илму маориф равона намуда, бо дастовардҳои назаррас ҷашни 35 –солагии пешвоз мегиранд.

Донишкада дар ин давра фаъолияти худро ба баланд бардоштани сатҳу сифати таълим ва донишу малакаи касбии мутахассисони омодашаванда, беҳтар намудани самаранокии корҳои илмӣ - таҳқиқотӣ ва истифодаи усулҳои инноватсионии таълим, тарбияи шоистаи ҷавонон, мустаҳкам намудани пояи моддию техникӣ, васеъ гардонидани робитаҳои хориҷӣ равона кардааст.

Иттилоъ дода шуд, ки неруи илмии Донишкада ба ҳолати моҳи июли соли ҷорӣ бе назардошти ҳамкорон 45,45%-ро ташкил намудааст, ки ин нисбат ба соли 2022 ба 3,05% баландтар мебошад (дар соли 2022 - 42,4%).

 

Дар нимсолаи якуми соли 2023 4 нафар устодон Оқилҷонова Ш., Мансурова М., Турсунова М., Алиназарова М. рисолаҳои номзадии худро ҳимоя намуданд. ки ин миқдор нисбат ба нишондиҳандаи соли гузашта зиёд мебошад. Ҳоло дар Донишкада боз 5 рисолаҳои номзадӣ (Насимова М., Рахмонова Ҷ., Рахимова М., Дадобоев Ф., Шуҳратзода Г.) ва 1 рисолаи докторӣ (Мақсудов У.) барои ҳимоя омода мебошанд.

Соли таҳсили 2022-2023 донишкадаро ҳамагӣ 809 нафар хатм намуданд, аз ҷумла дар зинаи бакалавриат 788 нафар ва магистратура 21 нафар. Бояд қайд намуд, ки аз ин миқдор 48 нафар бо дипломи аъло хатм намуданд, ки нисбат ба соли гузашта 14 нафар зиёд мебошад. 236 нафар хатмкунандагон бо хоҳиши худ ба хизмати ҳарбӣ рафтанд ва имрӯзҳо содиқона ба Ватану миллат хизмат намуда истодаанд.

Дар Донишкадаи политехникӣ аз 3451 нафар донишҷӯён 526 нафар тариқи буҷавӣ, 2907 нафар тариқи шартномавӣ ва 18 нафар тибқи квотаи Президентӣ таҳсил менамоянд.

Қобили зикр аст, ки дар Донишкада миқдори донишҷӯёни ятими кулл 4 нафар буда, 2 нафари онҳо тариқи буҷавӣ таҳсил мекунанд ва 2 нафари дигар аз маблағи таҳсил пурра озод гардидаанд. Дар соли 2023 шумораи донишҷӯёне, ки аз ҳисоби маблағи таҳсил 100% озод гардида ба 4 нафар мерасад. Бояд қайд намуд, ки шахсони мазкур аз ҳисоби маъюби гурӯҳи 2, ятимони кулл, нимятим ва аз оилаҳои камбизоат буда, бо қарори Шӯрои олимони Донишкада тибқи санадҳои меърию-ҳуқуқӣ имтиёз дода шудааст.

Дар соли 2022 теъдоди донишҷӯёни бо баҳои аъло таҳсилкунанда 491 нафар буда, дар соли 2023 ба 511 нафар расидааст. Дар қиёс бо соли гузашта фоизи донишҷӯёни бо баҳои аъло таҳсилкунанда 1,1% афзудааст.

Бояд қайд намуд, ки дар соли таҳсили 2022-2023 теъдоди донишҷӯёне, ки стипендияи Президентиро мегиранд 2 нафар мебошад.

 

Дилафрӯз Саидӣ гуфт, ки барои самаранок ва пурра таъмин намудани донишҷӯён бо объектҳои таҷрибаомӯзӣ ба миқдори 46 адад шартномаҳои ҳамкорӣ бо корхонаҳои соҳаҳои гуногун баста шуд ва ҳоло наздик ба 10 адад шартномаҳо мавриди баррасӣ қарор доранд. Дар назар аст, ки рӯзҳои наздик розигии дутарафаро дарёфт хоҳад кард. Барои таҳкими фаъолият 11 филиали кафедраҳо дар корхонаҳои саноатӣ таъсис дода шуданд.

Умуман, шуъбаи маркази мартабаи ДПДТТХ ба номи ак. М.С. Осимӣ ба миқдори 252 шартномаҳои дутарафаи дарозмуддат дар самти таҷрибаомӯзӣ корбарӣ мекунад, ки онҳо ҳамаи ихтисосҳои донишкадаро фаро мегирад.

Нақшаи дурнамои корҳои илмӣ-таҳқиқотии донишкада барои солҳои 2019-2024 тасдиқ карда шудааст, ки он 15 мавзӯъҳои илмиро аз рӯйи 6 самт амал дар бар мегирад. Аз рӯи нақшаи дурнамои корҳои илмӣ-таҳқиқотии донишкада ҳар як кафедра дар нимсолаи якуми соли 2023 марҳилаи чоруми корҳои илмӣ-таҳқиқотӣ иҷро намуданд ва 85% омӯзгорони донишкада дар иҷрои корҳои илмӣ-таҳқиқотӣ иштирок намудаанд.

Дар нимсолаи якуми соли 2023 аз тарафи омӯзгорони донишкада 14 адад монографияҳо нашр ва омода ба нашр карда шудааст.

Дар соли хониши 2022-2023 аз тарафи омӯзгорони Донишкада зиёда аз 260 мақолаҳои илмии сатҳи ҷумҳуриявӣ ва байналмилалӣ аз нашр бароварда шудааст, ки он нисбат ба соли хониши гузашта 20% зиёд мебошад. Дар давраи ҳисоботӣ аз ҷумла 12 мақолаи сатҳи СКОПУС, 67 мақола дар нашрияҳои тақризшаванда (КОА) ба нашр расонида шудааст.

Дар соли таҳсили 2022-2023 аз тарафи устодони донишкада 8 монография, 10 мақолаи Scopus, 81 мақолаи КОА, 62 мақолаҳои байналмиллалӣ, 82 мақола дар нашрияи РИНЦ ва 59 мақолаҳои сатҳи ҷумҳуриявӣ нашр гардидааст.

Иттилоъ дода шуд, ки дар соли ҳисоботӣ аз тарафи омӯзгорони Донишкада 5 адад шаҳодатномаҳои зеҳнӣ гирифта шуда, 3 адад дархост барои дарёфти нахустпатент пешниҳод карда шудааст ва хулосаи мусбии Маркази миллии патентию иттилоотӣ гирифта шудааст. Шаҳодатномаҳои зеҳнӣ аз тарафи омӯзгорони кафедраи барномарезӣ ва низомҳои иттилоотӣ ба даст овардашуда, дар самти коркарди барномаҳои компютерикунонии забони тоҷикӣ, аз ҷумла омӯзиши забони тоҷикӣ ва фанҳои мактаби миёна, тарҷумони забони тоҷикӣ, коркарди маълумот бо забони тоҷикӣ нигаронида шудааст.

Дар давраи ҳисоботӣ аз тарафи омӯзгорони кафедраи технологияи маҳсулоти хӯрока дар мавзӯи “Тарзи ҳосил намудани консентрати лубиё ба намуди хока”, “Тарзи истеҳсоли маҳсулоти қаннодии ордӣ бо иловаи орди топинамбур ва дӯлона” нахустпатент гирифта шуда, аз тарафи омӯзгорони кафедраи агротехнология ва экологияи саноатӣ дар мавзуи “Зарфи терракотӣ”, “Тарзи ҳосил намудани нони функсоналӣ бо иловаи хокаи мош” дархост барои гирифтани нахустпатент дода шудааст. Миқдори дархостҳои додашуда барои гирифтани нахустпатент нисбати давраи ҳисоботии гузашта ба 2 адад зиёд мебошад.

Соли ҷорӣ аз тарафи омӯзгорони донишкада 9 адад санадҳо доир ба ҷорӣ намудани натиҷаи корҳои илмию тадқиқотӣ дар истиҳсолот гирифта шудааст. Натиҷаи корҳои илмию тадқиқотӣ асосан дар самти самаранок истифодабарӣ ва баланд бардоштани сифати электроэнергия (Мирзоев Д.), коркарди партовҳои сахт (Атабоев А.), коркарди технология маҳсулоти нассоҷӣ бо истифодаи партовҳо (Абдуллоева Ҳ.) ва дигар самтҳо равона карда шудааст.

Сипас аз ҷониби рӯзноманигорон Абдуҳамид Ҷӯраев, Ҷовиди Аштӣ, Мирзоаъзам Мақсудов, Моҳира Раҳимзода, Фирӯза Мирҷумъаева, Нурбибӣ Бобоева ва дигарон доир ба фаъолияти таълимӣ, тарбиявӣ, илмӣ ва муносибатҳои байналхалқии донишкада саволҳо манзур гардида, аз ҷониби директори донишкада Дилафрӯз Саидӣ ҷавобҳои қаноатбахш дода шуд.

Нашр шуд: 14 августи 2023

Дида шуд: 1969 маротиба

Донишҷӯёни гиромӣ,

Ҷавонони соҳибиродаи Донишкадаи политехникии Донишгоҳи техникии Тоҷикистон!

Фарорасии Рӯзи Ҷавонони Тоҷикистонро дар  остонаи  солгарди ҷашн Рӯзи ваҳдати миллӣ табрику муборакбод гуфта, бароятон дар раҳи илмомӯзӣ ва маърифат муваффақиятҳо таманно дорамю

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҷавонон ҳамчун нерӯи созанда ва фардосози миллат аз рӯзҳои аввали соҳибистиқлолӣ эътимоди қавӣ дошта, дар яке аз баромадҳояшон таъкид дошта буданд: “Мо бо ҷавонони созандаи худ ифтихор мекунем, чунки ҷавонони даврони соҳибистиқлолии Ватанамон имрӯз бо нангу номуси миллӣ, ташаббусҳои шоиста ва эҳсоси баланди ватандорӣ дар рушди Тоҷикистони азиз ҳиссаи арзишманд мегузоранд ва ба Модар-Ватани худ содиқона хизмат мекунанд”.”.

Боиси ифтихор аст, ки Сарвари давлат дар сиёсати ҷавонпарваронаи хеш барои фароҳам овардани шароити мусоиди таълиму тарбия, тақвияти дониш ва малака майдони фарохро боз намуданд. 

Таъсиси квотаҳо барои ҷавонони дурдаст барои дохил шудан ба муассисаҳои таҳсилоти олии касбӣ, стипендияҳои президентӣ, ҷоизаҳои ба номи “Исмоили Сомонӣ”, “Дурахшандагон” ба номи “Султон Умаров”,  роҳандозӣ шудани Барномаву стратегияҳои давлатӣ ва даҳҳо дигар бозгӯи таваҷҷуҳи рӯзафзуни Сарвари давлат нисбати ҷавонон мебошад. Дар ин росто бо мақсади тақвияти дониш ва маънавиёт, бедор намудани завқи зебоипарастӣ ва ҷалби ҷавонон ба илмҳои риёзӣ, техникаву технологияи муосир бо ташаббус ва ҳидоятҳои созандаи Пешвои муаззами миллат озмунҳои “Фуруғи субҳи доноӣ китоб аст”, “Тоҷикистон Ватани азизи ман”, “Илм фурӯғи маърифат” ва “Тоҷикони оинаи таърихи миллат” таъсис ёфтанд, ки соҳибистеъдодҳоро ба ҳам овард.  Ин иқдом дар қатори ҳазорон – ҳазор ҷавонони бедордил ва навовар ҷомеаи меҳнатии моро барои боз ҳам рушд бахшидани илму муосири миллӣ, татбиқи амалии лоиҳаҳо бештар водор кард. Чанде пеш дар донишкада озмунҳои  “Фуруғи субҳи доноӣ китоб аст”, “Илм фурӯғи маърифат” ва “Беҳтарин ихтироъкорон”, “Тоҷикистон Ватани азизи ман”  дар сатҳи баланд доир шуда, иштирокчиёни фаъол бо Ифтихорномаю тӯҳфаҳои арзишманд қадрдонӣ шуданд. Ҳамзамон донишҷӯёни донишкада дар чандин озмуну олимпиадаҳо, мусобиқаҳои варзишӣ шарафи донишкадаро ҳимоя намуданд, ки ин  бешубҳа ифтихори мост ва роҳбарияти донишкада онҳоро сазовор қадршиносӣ мекунад.

Аз фурсати муносиб истифода бурда ба ҷавонони саодатёри донишкада муроҷиатан таъкид менамоям, ки бештар аз илмҳои муосир огоҳии комил дошта бошанд, аз маҳорат ва корбарии  устодони соҳибзавқ истифода баранд, вақтро беҳтарин дӯсти худ шуморанд. Зеро роҳбарияти донишкада донишҷӯёни соҳибистеъдод, навовар, донишманду варзишкорро ҳамеша дастгирӣ хоҳад кард.

Ин амали шумо барои роҳ надодан барои шомилшавӣ ба ҳизбу ҳаракатҳои ғайриқонунӣ ва бекорӣ сипари боэътимод ҳоҳад шуд. Ҳар он амалҳои нангини террористиву экстремистие, ки имрӯз дар гӯшаву канори олам рух медиҳанд, аксаран дасти ҷавонон аст, ки аз бедонишиву гумроҳӣ ба ин роҳ рафтаанд. Мо бояд ба қадри сулҳ ва оромиву осоиштагӣ расем ва ба қавли Сарвари давлат миллатамонро соҳибӣ намоем ва шароити мусоиди таълимро самаранок истифода барем.

Ин рӯзи саид ва муборакро бори дигар ба донишҷӯёни гиромӣ шодбош мегӯям. Бигзор ҳар он орзую омоле, ки дар дил мепарваред, ҷомаи амал пӯшад.

Рӯзи Ҷавонони Тоҷикистон муборак!

Нашр шуд: 23 майи 2023

Дида шуд: 251 маротиба

Яке аз амалҳои нангини ташкилоти террористии наҳзати исломӣ дар солҳои навадуми асри гузашта кушта шудани шумораи зиёди олимону донишмандон ва умуман зиёиён буд. Дар хусуси чунин ҷиноятҳои мудҳиши наҳзатиҳо филмҳои мустанад ва гузоришҳои телевизионӣ ҳам намоиш дода шудаанд, ки дар онҳо шоҳидони он воқеаҳои хунин суханронӣ карда, террорҳою кушторҳои наҳзатиҳоро  тасдиқ намудаанд.

Мақсади асосии роҳбарияти ташкилоти террористию экстремистии наҳзатӣ аз куштори равшанфикрони тоҷик, дар ҷомеа ба вуҷуд овардани фазои тарсу ноумедӣ ва даҳшат буд. Бо ин гуна амалҳои палидона онҳо мехостанд вазъияти кишварро ноором сохта, ҳадафҳои шуми худ, яъне бо роҳи зуроварӣ ғасб кардани қудрати сиёсӣ ва тағйир додани сохти давлатдориро амалӣ кунанд.

Нашр шуд: 02 августи 2023

Дида шуд: 2819 маротиба

Даври донишкадавии озмуни ҷумҳуриявии “Тоҷикистон ватани азизи ман”  бо иштироки беш аз 45 донишҷӯёни соҳибистеъдоди Донишкадаи политехникии Донишгоҳи техникии Тоҷикистон дар шаҳри Хуҷанд дар сатҳи баланд доир шуд. Ҳайати ҳакамон, ки иборат аз мутахаасисони варзидаи соҳаи санъат буданд, ба ҳунари рассомӣ, дизайнерӣ ва маҳорати сурудхонии донишҷӯёни баҳои воқеӣ доданд. Ҳайати ҳакамон иқдоми беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар самти тавсеаи истеъдоду ҳунар саривақтӣ дониста, ба ҳунару малакаи ҷавонон баҳои воқеӣ доданд.

Ҳамин тавр тибқи хулосаи ҳайати ҳакамон дар бахши сарояндагӣ ҷои аввалро Нуриддинов  Шероз, донишҷӯи курси 1 гурӯҳи 910101, ҷойҳои дуюму сеюмро Саъдиева Рухшона, курси 1 гурӯҳи 50 0102 та ва Назирова Ҳабиба, курси 1, гурӯҳи 400101рб, дар бахши тасвирӣ ғолибият насиби Турсунова Нозанин, курси 2, гурӯҳи 690101 тб гардида, зинаҳои баъдиро Олимова Шоҳсанам, курси 4, гурӯҳи 690101тб ва Ғафурова Шоҳина курси 3, гурӯҳи 500102та ишғол намуданд.  Дар бахши дизайн ҷои якум насиби Маҳмудова Фарангис, омӯзгори кафедраи ТССН гардида, ҷойҳои дуюму сеюмро мутаносибан Назарова Таҳмина, курси 3, гурӯҳи 500101та ва Исмоилова Зӯҳро, курси 2 , гурӯҳи 50 0102та ишғол намуданд.

 Ба ғолибону иширокдорони чорабинӣ Сипоснома ваа тӯҳфаҳои хотиравии Раёсати донишкада дар вазъияти тантанавӣ супорида шуд. Акнун ғолибони даври донишкадавӣ шарафи муассисаро дар даври шаҳрӣ ҳимоя хоҳанд кард. 

Нашр шуд: 23 майи 2023

Дида шуд: 477 маротиба

 Вазири маориф ва илми мамлакат Раҳим Саидзода дар доираи сафари кории худ ба вилояти Суғд аз Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд боздид ба амал овард.

Нахуст аз раванди супоридани имтиҳоноти маҳорат, ки дар синфхонаҳои алоҳидаи донишкада бо фарогирии беш аз 400 нафар довталабон сурат мегирифт, аз наздик шиносоӣ пайдо карда шуд. Маълум гардид, ки ин намуди имтиҳоноти Маркази милллии тестии назди Президенти Ҷумиҳурии Тоҷикистон бо ташкили тамоми шароити лозима ва низоми хос аз тарафи Донишкада сурат гирифта истодааст. Довталабон ва волидайни онҳо ба Вазири маорифи маориф ва илми ҷумҳурӣ Раҳим Саидзода дар ин бора қаноатмандии хешро изҳор доштанд.

Раҳим Саидзода ҳазамон аз пойгоҳи таълимию илмии донишкада, аз ҷумла аз озмоишгоҳҳои ин муассисаи таълимӣ шинос гардид. Таъкид шуд, ки таълиму тарбия, шароиту имконияти таҳсилу фаъолият ба пойгоҳи моддии муассисаи таълимӣ вобаста буда, тайёр шудани муатахасисони баландихтисос ба он тавъам аст. Ташкили теъдоди зиёди озмоишгоҳҳои фаннӣ мувофиқ ба ихтисосҳои донишкада намунаи пайравӣ ба дигар муасссисаҳои олии мамлакат арзёбӣ гардид.

Вазири маориф ва илми мамлакат ба иҷроиши Барномаҳои давлатӣ дар соҳаи маориф таваҷҷуҳ зоҳир карда, ба сатҳи омомдагиҳо ба соли нави хониш, фаъолияти дохилии комиссияи қабули донишкада ва дигар масоили рўзмарра таваҷҷуҳи махсус зоҳир карда, ба роҳбарияти донишкада ҷиҳати боз ҳам баланд бардоштани савияи дониши донишҷўён, иштироки фаъолонаи онҳо дар озмуну олимпиадаҳои ҷумҳуриявӣ ва байналхалқӣ дастуру супоришҳои махсус дод.

 

Нашр шуд: 10 июли 2023

Дида шуд: 368 маротиба

Дар вазъияти тантанавӣ бо баргузор намудани чорабинии пуршукуҳ дар Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд маросими гусели наздик 200 нафар хатмкунандагони ин муассисаи олӣ ба хизмати ҳарбӣ баргузор гардид.

Таъкид шуд, ки санаи 1-уми марти соли 2023 фармони Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи “Ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 Ҷумҳурии Тоҷикистон ба хизмати ҳарбӣ” содир шуд. Мутобиқи ин фармон ҷавонони синни даъватӣ вазифадоранд, ки ӯҳдадории худ, яъне қарзи фарзандию виҷдонии худро дар назди халқу Ватан иҷро намоянд. Боиси хушнудист, ки тибқи анъана донишҷӯёни донишкада аз ҳисоби хатмкунандаҳо бо амри дил ва хоҳиши худ ду сол ин ҷониб барои хизмат дар сафи Қувваҳои мусаллаҳи Ҷумҳурии Тоҷикистон омодагии хешро изҳор медоранд. Имрӯз низ як гурӯҳ аз донишҷӯён пас аз супоридани имтиҳонҳои давлатӣ ба Артиши миллӣ сафарбар мешаванд.

Нашр шуд: 16 майи 2023

Дида шуд: 248 маротиба

Дар Донишкадаи политехникии Донишгоҳи техникии Тоҷикистон дар шаҳри Хуҷанд бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва амалисозии “Барномаи давлатии мақсадноки рушди илмҳои риёзӣ, дақиқ  ва табиӣ барои солҳои 2021-2025 дар мавзӯи “Муаммоҳо ва дурнамои рушди сохтмон ва меъмории Ҷумҳурии Тоҷикистон”конфренсияи илмӣ – амалии байналмилалӣ баргузор гардид.

Дар кори конференсия олимону коршиносони соҳа аз ҷумла  Ҷумҳурии Ӯзбекистон ва Федератсияи Русия ширкат варзиданд.

Чорабиниро муовини директор оид ба илм ва инноватсияи Донишкадаи политехникии Донишгоҳи техникии Тоҷикистон, номзади илмҳои иқтисодӣ Усмонҷон Ахмедов ҳусни оғоз бахшида,  салому паёми директори донишкада, номзади илмҳои техникӣ Саидӣ Дилафрӯз Раббизодаро ба аҳли иштирокдорони конфренсия расонид. Мавсуф қайд кард, ки ҷиҳати рушди соҳаи сохтмон ва меъморӣ бо Қарори Ҳукумати Тоҷикистон аз таърихи 27 апрели соли 2022, таҳти №203  “Стратегияи рушди соҳаи сохтмон дар Ҷумҳурии Тоҷикистон то соли 2030” қабул шудааст, ки дар он самтҳои асосии рушди соҳа  инъикос ёфтааст. Бояд зикр намуд, ки солҳои охир ҳиссаи маҳсулоти сохтмонӣ дар сохтори маҷмӯи маҳсулоти дохилӣ афзоиш ёфта,  ҳоло он  11%-ро ташкил менамояд.  Ба истифода супоридани манзили истиқоматӣ, мактабҳо, беморхона ва дигар объектҳои таъиноти иҷтимоию иқтисодӣ ба маротиб афзудааст. Ғайр аз он, қиёфаи шаҳру деҳоти мамлакат куллан дигар гашта, биноҳои баландошёнаи бо тарҳи зебо,  боғҳои фароғатӣ, гулгаштҳо, майдончаҳои варзишӣ  зиёд шудааст, ки ин аз меҳнати пурмашаққат ва ободкоронаи меъморону сохтмончиён далолат медиҳад.

Мудири шуъбаи меъморӣ ва сохтмони Мақомоти иҷроияи ҳокимияти давлатии вилоят Маъруф Муҳаммадзода зимни баромад зикр дошт, ки дар шаҳру ноҳияҳои вилояти Суғд теъдоди сохтмон, азнавбарқароркунӣ ва таъмиру тармими 12000 иншоотҳои таъиноташон гуногун ба нақша гирифта шуда, дар соли 2022 ва се моҳи соли 2023 дар шаҳру ноҳияҳои вилоят сохтмон, азнавбарқароркунӣ ва таъмиру тармими 2519 иншоотҳои таъиноташон гуногун ба иҷрои расонида шудаанд. Зимни раванди сохтмон диққати асосӣ ба сифати мазсулоти сохтмонӣ, мутобиқ ба нақшаи генералӣ бунёд намудани иншоот, сифатнокии кори сохтмончиён дода мешавад.

Дар идома иштирокдорон маърузаи директори Институти геология, сохтмони ба заминҷунбӣ тобовар ва сейсмологияи АМИТ, номзади илмҳои техникӣ Аминзода Пӯлод дар мавзуи “Самтҳои асосии такмили меъёрҳои зилзилатобоварӣ дар Тоҷикистон”,  дотсенти кафедраи сохтмони бино ва иншооти Донишкадаи муҳандисию сохтмонии шаҳри Намангони Ҷумҳурии Ӯзбекистон, номзади илмҳои иқтисодӣ Хусаинов Мухаммадалихон Авлияхонович дар мавзуи “Баҳодиҳии муҳиммияти омилҳои ба мустаҳкамии фибробетон таъсиррасонанда”, профессори кафедраи масолеҳҳои сохтмонии Донишгоҳи давлатии техникии шаҳри Дони Федератсияи Русия  Моргун, профессори кафедраи меъмории бино ва иншооти Донишгоҳи техникии Тоҷикистон ба номи академик М.С.Осимӣ, номзади илмҳои техникӣ Нигматов Икромҷон Исматҷонович дар мавзуи “Доир ба масоили ташаккулёбии микроиқлим дар ҳуҷраҳо”, директори намояндагии Ассосиатсияи сохтмончиёни Тоҷикистон дар вилояти Суғд Бобоев Мумин Очилович дар мавзуи “Роҳҳои таъмини сифати сохтмони иншоотҳо дар асоси талаботи меъёру қоидаҳои сохтмони Ҷумҳурии Тоҷикистон”, маърузаи собиқадори меҳнати соҳаи сохтмонМамадҷонов Муҳаммадҷон Воҳидович дар мавзуи “Муаммоҳои мубрами сохтмони муосир (системаи гармидиҳӣ)-иро шуниданд.

Дар фарҷоми ҷаласаи пленарӣ ба маърӯзачиён дар вазъияти тантанавӣ сертификат супорида шуд.

Дар ҷаласаи кори бахшҳо зиёда аз 37 мақолаҳои устодон аз 17 муассисаҳои таҳсилоти олии касбӣ ва хориҷӣ шунида шуд. 

Нашр шуд: 05 июни 2023

Дида шуд: 376 маротиба

Ҳамасола  бо иқдоми Кумитаи андози назди Ҳукумати Ҷумҳурии Тоҷикистон  дар ҳамкорӣ бо Донишгоҳи давлатии молия ва иқтисоди Тоҷикистон байни муҳассилини муассисаҳои таҳсилоти олии касбии ҷумҳурӣ озмуни ҷумҳуриявӣ таҳти унвони «Беҳтарин донандаи Кодекси андоз» бахшида ба Рӯзи кормандони мақомоти андоз доир мегардад. Имсол низ озмун дар сатҳи балан доир гардида донишҷӯёни 11 муассисаи таҳсилоти олии касбии кишвар, ки дар онҳо ихтисоси андоз ва андозбандӣ таълим дода мешаванд, ширкат варзиданд.

Дар маросими ҷоизасупорӣ Нарзулло Маликзода, муовини раиси Кумитаи андози назди Ҳукумати Ҷумҳурии Тоҷикистон ва ректори ДДМИТ Ҳакимбек Абдуалимзода ба иштирокчиён, дастаҳо ва сарпарастон изҳори миннатдорӣ баён намудаанд. Гуфта шуд, ки ташкили чунин озмунҳо барои дарёфти ҷавонони лаёқатманд ва таъмини мақомотҳои давлатӣ бо кадрҳои баландихтисос хеле муҳим аст. Новобаста ба ҷойҳои ишғолкарда, муҳимтар аз ҳама, иштирокчиён донишҳои худро сайқал дода, мутахассиси соҳа мегарданд.

Сипас, оид ба аҳаммияти озмуни мазкур, фаъолияти мақомоти соҳаи андоз, тарзи қабул ба кор ва нақши кадрҳои болаёқат дар пешбурди сиёсати андозӣ маълумот дод.

Сипас ғолибон аз рўйи ду номинатсия муайян гардиданд: инфиродӣ ва даставӣ. Дар натиҷаи баҳодиҳии воқеӣ ва шаффофи ҳакамон ғолибони озмуни инфиродӣ Меҳрангез Зоҳирова, донишҷўйи Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд  дониста шуд. Зинаҳои баъдиро Раҳима Раҳмонова, донишҷўйи Донишгоҳи давлатии молия ва иқтисоди Тоҷикистон ва Умарзода Собир, донишҷўйи Донишгоҳи байналмилалии сайёҳӣ ва соҳибкории Тоҷикистон сазовори ҷойи дуюм ва Муҳайёхон Амонова, донишҷўйи Донишгоҳи давлатии тиҷорати Тоҷикистон ва Бобоев Абдухалиқ, донишҷўйи Донишгоҳи давлатии ҳуқуқ, бизнес ва сиёсати Тоҷикистон  ба даст оварданд.

Ғолибони номинатсияи даставӣ ба таври зайл муайян карда шуданд: Ҷойи якум ба Донишгоҳи давлатии молия ва иқтисоди Тоҷикистон, ҷойи дуюм ба Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд ва мақоми сеюм ба Донишгоҳи давлатии Бохтар ба номи Носири Хусрав лоиқ дониста шуд.

Дар вазъияти тантанавӣ ба ҳама ғолибон Диплому Ифтихорнома ва туҳфаҳои омоданамудаи кумитаи тадорукоти озмун тақдим карда шуд. Дар охир баҳри болидарўҳии иштирокчиёни озмун аз ҷониби бахши фарҳанги ДДМИТ барномаи рангини фароғатӣ пешкаш гардид.

Нашр шуд: 05 майи 2023

Дида шуд: 239 маротиба