Бо қарори Раиси вилояти Суғд муҳтарам Раҷаббой Аҳмадзода даври аввали фестивал-озмуни атласу адраси Суғд дар сар то сари вилоят ҷараён дорад.
Дар партави қарори мазкур дар толори ДПДТТ ба номи академик М.Осимӣ низ фестивал-озмуни атласу адраси Суғд бо иштироки меҳмонони олиқадр баргузор гардид.
Сараввал бо шукргузорӣ аз даврони истиқлол ва тараннуми ҳунарҳои миллӣ озмун аз ҷониби барандагон ҳусни ифтитоҳ ёфт.
Фестивал озмун бо саҳначаи ҷолиби диққат оғоз гардид. Баъдан суруди “Гулдухтарони тоҷик” бо маҳорати баланд сароида шуда, табъи ҳозиринро болида намуд.
Рақси атлас аз ҷониби донишҷӯёни курси 1-уми донишкада дили ҳамагонро шод намуд.
Суруди “Атлас ба бар” низ аз ҷониби донишҷӯи курси 1-ум бо маҳорати баланди касбӣ сароида шуда, писанди ҳамагон гашт.
Дар фестивал - озмуни атласу адраси Суғд дар 3 намуди номинатсия либосҳои миллӣ намоиш дода шуд – намоиши либосҳои рӯзмарра, намоиши либосҳои идона ва намоиши либосҳои арӯсӣ. Ҳамчунин либосҳои шинами кӯдакона низ намоиш дода шуд.
Дар озмун маҳсули меҳнати донишҷӯёни факултети муҳандисӣ – технологӣ, ихтисосҳои “Тарҳрезии маснуоти дӯзандагӣ” ва “Технологияи дӯхтани либос” намоиш дода шуд.
Аъзоёни ҳакамон Дадобоева М – директори маркази таълимии шаҳри Хуҷанд, Ҳоҷибоева М. - аъзои шӯрои бонувони шаҳри Хуҷанд, Расулова И. – мутахассиси шуъбаи кор бо оилаҳои ҷавон, Бобоева З – мудири шуъбаи кор бо занони шаҳрии ҲХДТ, Холматов Т. – муовини директор оид ба илм ва инноватсия ба иштирокчиёни озмун аз рӯи матоъ, тарзи ороиш, тарзи мӯд, элементи ороиши миллӣ баҳогузорӣ намуданд.
Ҳамин тавр, бо баҳогузории ҳакамон дар Фестивал-озмуни Суғд, ки даври аввали он дар донишкада баргузор гашт, чунин натиҷабардорӣ гардид:
Номинатсияи “Либосҳои рӯзмарра”:
Дипломи дараҷаи 1 – Сайдуллоева М, дипломи дараҷаи 2 – Қаюмова Н., дипломи дараҷаи 3 – Раҳмонова А.
Номинатсияи “Беҳтарин либоси идона”:
Дипломи дараҷаи 1 – Ваҳобова Р, дипломи дараҷаи 2 – Бектурова С., дипломи дараҷаи 3 – Қодирова М.
Номинатсияи “Беҳтарин либоси арӯсӣ”:
Дипломи дараҷаи 1 - Бобоҷонова М., дипломи дараҷаи 2 – Шарипова, дипломи дараҷаи 3 – Толибова А.
Ба ҳамаи ғолибон тӯҳфаҳо ва дипломҳо аз ҷониби директори донишкада Саидӣ Дилафрӯз ва меҳмонони олиқадр супорида шуд.
Барои иштироки фаъолони дар озмуни мазкур якчанд нафар донишҷӯёни фаъоли факултети муҳандисӣ – технологӣ бо сипосномаи Раёсати донишкада сарфароз гардонида шуданд.
Дар ҷамъбасти озмун директори донишкада Саидӣ Дилафрӯз Раббизода зикр намуданд, ки ин ҳама чорабинии бошукӯҳ бо ибтикор ва ташаббуси Пешвои муаззами миллат, муҳтарам Эмомалӣ Раҳмон зимни эҳёи ҳунарҳои миллӣ баргузор гашта истодааст.
Бо ҳамин фестивал – озмуни атласу адраси Суғд бо шукӯҳу шаҳомати хосса дар ДПДТТ ба номи академик М.Осимӣ ҷамъбаст гардид.
- Дида шуд: 1584 маротиба
Ҳамасола санаи 23 сентябр Рӯзи Хуҷанди бостонӣ - рӯзи шаҳри дӯстдоштаву маҳбубабон ботантана таҷлил карда мешавад. Имсол низ 23 сентябр рӯзи шаҳри Хуҷанд бо шукӯҳу шаҳомати хосса дар маркази шаҳр ҷашн гирифта шуд.
Чорабинии идона бо иштироки Раиси вилояти Суғд муҳтарам Раҷаббой Аҳмадзода, Раиси шаҳри Хуҷанд Маъруф Муҳаммадзода баргузор гардид.
Раиси вилояти Суғд муҳтарам Раҷаббой Аҳмадзода, Раиси шаҳри Хуҷанд муҳтарам Маъруф Муҳаммадзода ҳамроҳи меҳмонони олиқадр аз хаймаву растаҳои ҳунарҳои миллӣ, ки онҷо маҳсули дастранҷи ҳунармандон гирд оварда шуда буду расмҳои кашидаи рассомон ба ҳусни чорабинӣ ҳусни дигар мебахшид, дидан намуда, ба ҳунармандону офарандагони он баҳои баланд доданд.
Дар қатори дигар макотибу муассисаҳои олии шаҳри Хуҷанд Донишкадаи политехникии Донишгоҳи техникии Тоҷикистон ба номи академик М.Осимӣ низ бо доираи васеи устодон ва шогирдон иштирокчии ин чорабинӣ гардиданд.
Дар қисмати сиёсии чорабинӣ Раиси вилояти Суғд муҳтарам Раҷаббой Аҳмадзода суханронӣ намуда, мардуми шаҳрҳо бо Рӯзи Хуҷанд табрик намуда, ба сокинони шаҳр баҳои арзанда доданд.
Баъдан, Раиси шаҳри Хуҷанд муҳтарам Маъруф Муҳаммадзода тамоми сокинони Хуҷандшаҳрро табрику таҳниятҳо намуда, зикр намуданд: «Воқеан, 23 сентябр рӯзи шаҳрест, ки онро оламиён “Тирози ҷаҳон” мехонанду он чун шаҳри некӯкорону некдилон, соҳибназарону соҳибдилон, ҳунармандону суханварон маъруфият пайдо кардааст. Ба қавли Асосгузори сулҳу ваҳдати миллӣ - Пешвои миллат, Президенти мамлакат, муҳтарам Эмомалӣ Раҳмон «Шаҳри Хуҷанд яке аз шаҳрҳои қадимаи тоҷикон ва дар айни замон аз ҷумлаи марказҳои муҳими саноатӣ мебошад, ки дар рушди бахшҳои мухталифи иқтисодиву иҷтимоӣ ва фарҳангиву маънавии мамлакат нақши муассир дорад».
Хуҷандшаҳр имрӯз бо олимону адибон, муаррихону устодон, ҳунармандону санъаткорон, шаҳрсозон ва мардуми шарафманди хеш ифтихор дорад. Мардуми шарафманди Хуҷанд ҳамеша ҷонибдори сиёсати хирадмандонаи Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон буда, бо заҳмати ҳамарӯзаи худ ба пешрафт ва шукуфонии давлати соҳибистиқлоламон саҳмгузорӣ карда истодаанд, ки дастовардҳои мо дар чанд соли охир шаҳодати он аст.
Баъди қисмати сиёсӣ шоу-консерти идона бо иштироки ҳофизони номии вилоят, аз ҷумла ҳофизи шинохтаи Тоҷикистон Далер Назаров баргузор гардид, ки табъи сокинони шаҳрро болида намуд.
Ин чорабинӣ то дер дар лавҳи хотири иштирокдорон боқӣ хоҳад монд.
- Дида шуд: 1618 маротиба
Устодони гиромӣ,
Шогирдони азиз!
Дар мақоми шукргузорӣ ва саодат ва бо ҳисси ифтихормандии зиёд Шуморо бо фарорасии ҷашни фархунда, мубораку муқаддаси миллӣ – 27 – умин солгарди Истиқлолияти давлатии Ҷумҳурии Тоҷикистон муборакбод мегӯям.
Истиқлолияти давлатӣ аз бузургтарин дастоварди миллати тоҷик аст. Маҳз соҳибдавлатии мост, ки комёбиҳои рӯзафзун насибамон мегардад ва моро ҳамбастагиву ҳамдилӣ ва сулҳу салоҳ ҳамқадам аст. Тоҷикистони азиз имрӯз дар шоҳроҳи эъмори давлати демократии ҳуқуқбунёди дунявӣ устуворона қадам мезанад.
Шукри он мекунем, ки сулҳу амният дар мамлакатамон пойдор аст, ваҳдати миллӣ ва фазои боварию эътимоди кулли шаҳрвандони Тоҷикистон торафт таҳким меёбад, худшиносӣ , ватандӯстӣ ва ифтихори миллии мардум боло меравад. Халқи тоҷик таҳти сарварии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавонист ба ҷаҳониён исбот намояд, ки вай миллати куҳан ва дорои фарҳанги бою қадима мебошад.
Сарвари давлатамон дар яке аз баромадҳои худ моҳияти соҳибистиқлолиро барои кишвари азиз хеле возеҳу равшан ифода намудаанд: «Истиқлолият тантанаи хирад ва андешаи миллати солору куҳанбунёди тоҷик, оғози марҳалаи навини давлатдории миллӣ, омили иттиҳоду сарҷамъии мардуми фидокору ватандӯсти мо, василаи муҳимтарини ҳифзи асолату ҳувияти миллӣ ва муҳимтар аз ҳама, нишонаи возеҳи ҳастии миллат ба шумор меравад. Истиқлолият ва озодӣ дар сарнавишти миллати тоҷик гардиши куллӣ ба вуҷуд овард ва оғози марҳалаи сифатан нави таърихӣ гардид».
Дар ҳақиқат ҷомеаи имрӯза ба хубӣ эҳсос мекунад, ки маҳз бо баракати Истиқлолияти давлатӣ, ваҳдати миллӣ ва ҳамзистии осоишта марҳила ба марҳила дар тамоми самтҳои ҳаёти иҷтимоию иқтисодии кишвар пешравиҳои назаррас ба мушоҳида мерасанд.
Дар баланд бардоштани маърифати сиёсии сокинон, ҳисси ифтихори миллӣ, дӯст доштани обу хоки Ватан саҳми Шумоён устодони гиромӣ низ хеле калон аст. Маҳз меҳнати шабонарӯзии устодони донишкада аст, ки имрӯз сатҳ ва сифати таълим боло рафта, обрӯи донишкадаамон миёни дигар муассисаҳои олии кишвар боз ҳам баландтар мешавад.
Тақвият ёфтани базаи моддиву техникӣ, рӯз аз рӯз беҳтар шудани шароити таълим имконият фароҳам меоварад, ки ҷавонон бештар рӯ ба муассисаи олии мо оваранд. Натиҷаҳои имсолаи қабул тариқи Маркази миллии тестӣ гуфтаҳои моро тасдиқ менамоянд. Гузашта аз ин донишкада сол то сол робитаро бо муассисаҳои олии пешрафтаи дунё қавӣ намуда, дар роҳандозии чандин барномаҳо муваффақ шуда истодааст.
Танҳо дар ду соли охир ворид шудани таҷҳизотҳои муосири лабораторӣ ба факултети муҳандисӣ- технологӣ, бунёди бинои лабораторӣ ба ихтисоси дизайн ва меъморӣ руҳияи мо, устодонро дучанд гардонд.
Мо ифтихорманд аз онем, ки пайваста ҷараёни бунёдкориву ободонӣ дар донишкада вусъати тоза мегирад. Сол аз сол биноҳои таълимиву дигар иншоотҳои донишкада азнавсозӣ гардида, фикр мекунам соли оянда вақте бинои факултети информатика ва энергетикаро аз таъмири куллӣ баровардан дигар мушкилот дар ин самт боқӣ намемонад.
Роҳбарияти донишкада тасмим гирифт, ки давоми ду моҳи таътили тобистона ошёнаҳои 2, 3 ва 4 –и хобгоҳоро таъмиру азнавсозӣ намояд. Дар доираи корҳои сохтмонӣ тамоми ҳуҷраҳо, ошхона, долон ва дигар утоқҳои ёрирасон ба таъмиру навсозӣ фаро гирифта шуд. Ҳамзамон дару тирезаҳо иваз ва дар ҳар як блоки истиқоматӣ ҳуҷраи дастурушӯи бунёд гардид. Ҳамчунин бошандагони хобгоҳ бо мизу курсӣ, рахти хоби нав, либосовезак, китобмонак таъмин карда шуданд.
Дар маҷмуъ дар соли нави хониш 453 нафар донишҷӯён бо утоқҳои маҷҷаҳҳаз таъмин гардиданд. Донишҷӯён аз чунин таваҷҷӯҳ ва иқдомҳои наҷиб хушнуду сарфароз мебошанд. Илова бар ин синфхонаҳои 101 ва 401-и факултети информатика ва энергетика пурра азнавсозӣ гардид.
Боварии комил дорам, ки ҷомеаи меҳнатии донишкада, хосса донишҷӯён ин заҳматҳои моро сазовор қадрдонӣ намуда, бо хонишу рафтори намунавӣ обрӯи донишкадаамонро боз ҳам баландтар мебардоранд.
Бори дигар ин ҷашни муборакро ба ҳамаи устодон, кормандон ва донишҷӯёни донишкада муборакбод гуфта, рӯзгори обод, дили шодро таманно дорем.
Саломат бошед!
- Дида шуд: 1502 маротиба
Гар сарӣ ёбад ба олам кас ба некӯшоирӣ,
Рӯдакиро бар сари он шоирон зебад сарӣ.
Асосгузори адабиёти классикии форсу тоҷик, қофиласолори назм, устоди устодон маликушшуаро Абӯабдуллоҳи Рӯдакӣ бо осори гаронбаҳои худ дар саросари ҷаҳон машҳур буда, ашъори ҳамвазни дурру гавҳарро боқӣ гузоштааст.
Ашъори устод Рӯдакӣ саршор аз панду ҳикмат буда, қариб тамоми ҷанбаҳои ҳаётро фарогир аст.
Омӯхтани илму дониш, хайру сахо, одобу тарбия, меҳру муҳаббат, зебогии табиат, васфи диёр аз зумраи ин баҳри бекаронанд.
Бирав зи таҷрибаи рӯзгор баҳра бигир,
Ки баҳри дафъи ҳаводис туро ба кор ояд.
Ҳамасола 22 – сентябр дар саросари кишварамон Рӯзи Рӯдакӣ ботантана таҷлил карда мешавад.
Санаи 21 сентябри соли равон дар толори донишкадаи ДПДТТ ба номи академик М.Осимӣ низ бахшида ба Рӯзи Рудакӣ ҷамъомади бошукӯҳ доир гардид.
Маҳфили адабӣ бо доираи васеи устодон ва донишҷӯёни донишкада ва воситаи ахбори омма баргузор гардид. Дар толор намоиши асарҳои устод Рӯдакӣ ташкил карда шуд.
Чорабинӣ бо хондани шеърҳо аз ҷониби донишҷӯён оғоз гардид.
Баъдан омӯзгори кафедраи забони давлатӣ ва ҷомеашиносӣ Файзиева Ш. оид ба осор ва рӯзгори Одамушшуаро суханронӣ намуданд.
Маърӯза доир ба фаъолияти адабии пири хирад аз ҷониби омӯзгори кафедраи забони давлатӣ ва ҷомеашиносӣ Нозирова М. қироат карда шуд. Зимни маърӯза қайд карда шуд, ки дар асари “Чеҳраҳои мондагор”- и Пешвои миллат, муҳтарам Эмамалӣ Раҳмон Абӯабдуллоҳи Рӯдакӣ на танҳо ҳамчун сардафтари адабиёти классикии тоҷик, Одамушшуаро, қофиласолори назм, балки ҳамчун пири маънӣ, рамзи бедориву худшиносӣ, рамзи ҷовидонии адабиёт оварда шудааст.
Маърӯзаи мудири кафедраи забони давлатӣ ва ҷомеашиносӣ, номзади илмҳои филологӣ Бобоева Т.Р таҳти унвони “Ҳазордастони шеъри Аҷам” аз ҷониби ҳозирин хеле хуб пазируфта шуд.
Аз ҷониби донишҷӯён суруди “Бӯи ҷӯйи Мӯлиён” ва “Бихандад лола бар саҳро” бо маҳорати баланд сароида шуд.
Дар идомаи чорабинӣ навор оид ба ҳаёт ва фаъолияти устод, асарҳои ӯ намоиш дода шуд, ки устодону донишҷӯён як ҷаҳон маънӣ гирифтанд.
Пандҳои устоди назм аз ҷониби омӯзгор Файзиева Ш. хеле пурмазмун ва олӣ шарҳ дода шуд.
Бо ҳамин маҳфили адабӣ бахшида ба Рӯзи Рӯдакӣ дар сатҳи хеле баланд баргузор гардида, ҳусни анҷом ёфт.
- Дида шуд: 2002 маротиба
Ҷомеи меҳнатии Донишкадаи политехникии Донишгоҳи техникии Тоҷикистон соли нави хониш ва дарси сулҳро аз тамошои мустақими суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯрӣ бо устодону шогирдони Донишгоҳи тиббии Тоҷикистон ва кормандони соҳаи тандурустии кишвар оғоз намуданд.
Пешвои миллат зимни баромади хеш кулли донишҷӯёну хонандагони кишварро ба оғози соли нави таҳсил табрик намуда, аз моҳияти сулҳ ва амну амонӣ сухан карданд. Президент бори дигар аз хатарҳои геополиткии олам ҳарф зада, баён доштанд: «Мо насли наврас ва ҷавононро бояд дар рӯҳияи ҳисси баланди миллӣ, ватандӯстӣ ва ифтихори ватандорӣ тарбия кунем».
Президент аз ғахориҳои рӯзафзуни давлат ва Ҳукумати кишвар нисбати маориф сухан ронда, насли худогоҳи миллатро ба омӯзиши илмҳои дақиқу табиӣ ва технологияҳои иттилоотиву коммуникатсионӣ, ҳунару ҳунармандӣ даъват намуданд.
Сарвари давлат дар идомаи сухнронии худ аз мушкиливу дастоварди соҳаи тандурустӣ ҳарф зада, баён доштанд, ки дар даврони соҳибистиқлолии кишвар беш аз 1500 иншоотҳои соҳаи тандурустӣ бунёд шуданд, вале ба андешаи роҳбари давлат сатҳи касбияти мутахассисон вобаста ба омӯзиши технологияи навини тиббӣ чандон қаноаткунанда нест. Ҳамзамон зикр шуд, ки марказҳои ташхисиву тиббӣ дар иҷрои рисолати худ саҳланкорӣ мекунанд. Баъзе аз пизишкон ташхиси дуруст намонда, ба мизоҷон доруворӣ таъин мекунанд, ки дар натиҷа бемор шифо неву ба бемории дигар мувоҷеҳ мегардад. Пешвои муаззами миллат аз вазъи нохуби санитариву гигении сарторошхонаҳо, хонаҳои ҳусн, марказҳои стоматологӣ изҳори ташвиш намуда, сироятёбии баъзе аз сокинон ба бемории марговарро аз беаҳамиятии масъулин донистанд.
Дар фарҷоми суханронии худ Президент аз кормандони соҳаи тандурустӣ ва кулли устодону шогирдони Донишгоҳи тиббӣ даъват ба амал оварданд, ки ба истиқболи 30 – солагии Истиқлолияти давлатии Ҷумҳурии Тоҷикистон камбудиҳои соҳаро ислоҳ ва дастовардҳоро афзун намоянд.
Пас аз тамошои дастаҷамъонаи суханронии Сарвари давлат директори донишкада, номзади илмҳои техникӣ Саидӣ Дилафрӯз Раббизода донишҷӯёнро бо соли нави хониш табрик намуда, баён дошт, ки Сарвари давлат ба масъалаи омӯзонидани донишҳои муосиру замонавӣ ба наврасону ҷавонон ва дар рӯҳияи баланди ватандӯстӣ, ифтихор аз Ватану ватандорӣ, ҳисси баланди миллӣ ва арҷ гузоштан ба таъриху фарҳанг тарбия кардани онҳо таваҷҷуҳи хосса зоҳир карда, рушди илму маориф ва ислоҳоти ин соҳаҳоро омили муҳимтарини наҷоти миллат аз таҳдиди хатарҳои муосир ва таҳкими давлатдорӣ донистанд. Албатта ин дастуру ҳидоятҳои Пешвои муаззами миллат ҷомеаи меҳнатии ҳамаи муассисаҳои олӣ ва миёнаи касбиро барои боз ҳам хубтар ҷорӣ кардани таълиму тарбия вазифадор мекунад.
Номбурда дар идомаи суханронии худ аз дастовардҳо дар самти беҳбудии таълим, мувафаққиятҳои олимони ҷавони донишкада дар озмунҳои инноватсионӣ, олимпиадаву Ҷоми академияи илмҳо, натиҷаи ҷараёни қабул ба донишкада ва вазъи пояи моддиву техникӣ ҳарф зад. Қайд шуд, ки агар солҳои пеш мо факултетҳои муҳандисӣ-технологӣ, сохтмон ва нақлиёт ва муҳандисӣ- технологӣ, майдонча ва толорҳои варзиширо пурра аз таъмир бароварда бошем, пас имсол ошёнаи 2, 3 ва 4 хобгоҳ пурра таъмир гардида, ҷиҳози утоқҳои зисти устодону донишҷӯён нав карда шуд. Гузашта аз ин синфхонаҳои 101 ва 401- и факултети сохтмон ва нақлиёт аз таъмири куллӣ бароварда шуд. Дар факултети муҳандисӣ – технологӣ бинои нави иловагӣ барои лабораторияи ихтисосҳои дизайн ва меъморӣ бунёд шуда истода, ҳамчунин Маркази бақайдгирӣ азнавсозӣ шуда истодааст.
Номбурда ба донишҷӯён ва устодон дар соли нави хониш барору комёбиҳо таманно намуд.
Намояндаи мақомоти иҷроияи ҳокимияти давлатии вилоят сармеъмори вилоят Равшан Раҳимзода ва муовини раиси шаҳри Хуҷанд, номзади илмҳои иқтисодӣ Ҷамшед Абдуқаюмзода номаи муборакбодии Раиси вилоят муҳтарам Раҷаббой Аҳмадзода ва раиси шаҳри Хуҷанд Маъруф Муҳаммадзодаро ба ифтихори соли нави хониш ва дарси сулҳ ба самъи ҳозирин расониданд.
Бо ҳамин ҷамъомади тантанавӣ ба ифтихори соли нави хониш анҷом пазируфт.
Абдусабури Абдуваҳҳоб,
котиби матбуотии ДПДТТ дар шаҳри Хуҷанд
- Дида шуд: 1629 маротиба
Ҳамеша ба ниёзмандону мӯҳтоҷон дасти ёрӣ дароз намудан, некӣ кардан, дасти сахо кушодан – амалҳое, ки моро аз хурдӣ дар оила, кӯдакистон, мактабу донишгоҳ меомӯзонанд. Бо некӣ кардану ёри додан ба мӯҳтоҷон, хайру сахо намудан ба шахсони имконияташон маҳдуд мо каме бошад ҳам ҳаёти онҳоро рангин намуда, заррае умеду боварии онҳоро ба фардои дурахшон пайдо мекунем. Имрӯз дар байни ҷомеаи мо шахсоне зиндагӣ мекунанд, ки имконияти маҳдуд доранду ба дастгирӣ ниёз доранд. Дастгирӣ намудани эҳтиёҷмандон дар ҳама давру замон яке аз амалҳои неки инсонӣ маҳсуб меёбад. Барои дастгирӣ ва кӯмак ба шахсони имконияти маҳдуддошта мову шумо набояд бетараф бошем. Кӯмаку дастгирӣ ва камтарин таваҷҷӯҳи мо заррае бошад ҳам водор месозад, то ин ин гуна ашхосон ба зиндагӣ дилгарм бошанду худро хушбахт эҳсос намоянд.
Хурсандиовар аст, ки қариб тамоми гурӯҳҳо ва устодони донишкада дар ҳамаи ҷашну идҳо меҳмони хона-интернатҳо гардида, онҳоро аёдат менамоянд.
Маҳз чунин амалҳои хайру савоби устодон, Раёсат ва маъмурияти донишкада аст, ки ба унвони директори донишкада Саидӣ Дилафрӯз сипоснома ирсол гардид.
Арзи сипос ба директори ДПДТТ ба номи академик М.Осимӣ Саидӣ Дилафрӯз Раббизода аз номи директори Мактаб-интернат барои кӯдакони кар ва шунавоиашон сусти ба номи Т.Ғаффоров – Раҳмонов Т. ва тарбиятгирандагони он омада расид. Дар сипосномаи мазкур барои кӯмаку дастгирии доимӣ нисбати тарбиятгирандагон миннатдорӣ баён карда шудааст.
Боварӣ дорем, ки минбаъд низ чунин амалҳои хайрхоҳона боз ҳам зиёдтар гардида, дасти ёрии худро ба чунин ашхосон бештар дароз хоҳем кард.
- Дида шуд: 1824 маротиба
Дар партави Амри Президенти Ҷумҳурии Тоҷикистон аз 15 сентябри соли 2011 таҳти №АП – 1729 ва тибқи ҷадвали тасдиқнамудаи Раиси вилоят муҳтарам Раҷаббой Аҳмадзода аз 20 июли соли 2018 санаи 9 август бо иштироки беш аз 18 намояндагони васоити ахбори оммаи дохилӣ ва хориҷӣ нишасти матбуотии директори ДПДДТ дар шаҳри Хуҷанд Саидӣ Дилафрӯз Раббизода доир гардид.
Мавсуф доир ба фаъолияти шашмоҳаи донишкада назди ҳозирин гузориш дода, таъкид дошт, ки ташрифи Раиси вилоят муҳтарам Раҷаббой Аҳмадзода дар доираи таҷлили моҳвораи ҷашни ҷавонон, ба вазъи таълиму тарбия баҳои баланд додани ректори Донишгоҳи давлатии Самарқанд Рустам Холмуродов масъулияти устодону шогирдонро боз ҳам зиёдтар намуд. Давоми 5 моҳ 4 нафар устодони ҷавони донишкада рисолаҳои номзадиро ҳимоя карданд. Дар маҷмӯъ 67 дар сади устодони донишкадаро олимони ҷавон ташкил медиҳанд.
Дар панҷ моҳи охир донишкада соҳиби 2 патент ва 7 шаҳодатномаи зеҳнӣ гардида, дар маҷмуъ донишкада дорои 24 гувоҳномаи Ҷумҳурии Тоҷикистон, 57 шаҳодатномаи зеҳнӣ, 8 патенти берун аз ҷумҳуриро дар самти ихтироъ ва навоварӣ ба даст овардааст. Дар давраи ҳисоботӣ 7 шартномаҳои нав бо муассисаҳои таҳсилоти олии ҷаҳон баста шуд. Он имконият медиҳад, ки донишҷӯён ва устодони мо дар мактабҳои олии пешоҳанги дунё таҳсил ва коромӯзӣ намоянд. Аз рӯи барномаҳои шуъба 12 нафар устодону донишҷӯён барои таҳсил, таҷрибаомӯзӣ, такмили ихтисос, таҳқиқот ва иштирок дар конфронсҳои байналмиллалӣ ба хориҷи кишвар сафар намуданд.
Номбурда аз вазъи пояи моддиву техникӣ, омодаи бинои муассиса ба соли нави хониш ва дар ин замина рафти таъмиру тармими хобгоҳ, бинои маркази бақайдгирӣ, натиҷаҳои қабул тариқи Маркази миллии тестӣ, ғолибият дар олимпиадаву озмуни Ҷоми Академияи илмҳо ва «Enactus» сухан ронд.
Сипас рӯзноманигорон Ҷовиди Аштӣ, намояндаи расмии нашрияи «Ҷумҳурият» дар вилояти Суғд, Саидҷон Сулаймонов аз нашрияи «Согдийская правда», Алишер Охунов, намояндаи нашрияи «Фараж» дар вилояти Суғд, Робия Розиқова, намояндаи нашрияи «Нилуфар» ва Уғулой Раҷабова, телевизиони «Ҳафт ситора», вобаста ба омодасозии мутахассисони соҳаи сохтмон ва меъморӣ, равобит бо муассисаҳои олии Ҷумҳурии Ӯзбекистон, имтиёз барои устодону донишҷӯён, чорабиниҳо ба ифтихори Соли рушди сайёҳӣ ва ҳунарҳои мардумӣ, бо ҷои кор таъмин гардидани хатмкунандагон саволҳо дода, посухҳои мушаххас гирифтанд.
Афзал Босолиев, намояндаи телевизиони «Азия» пешниҳод кард, ки дар сатҳи вилоят шогирдони донишкада сомонаи махсуси сайёҳӣ бо се забон таҳия намоянд, то он роҳнамои сайёҳони хориҷӣ бошад. Ин таклиф аз ҷониби роҳбарият хуш пазируфта шуд.
Дилафрӯз Саидӣ дар фарҷоми нишасти матбуотӣ аз нақшаҳои минбаъдаи ҷомеаи меҳнатии донишкада ҳозиринро ошно намуда, зикр дошт, ки дар ояндаи наздик бо ҷалби барномаҳо дар факултети муҳандисӣ- технологӣ лабораторияи махсус барои ихтисосҳои дизайн ва мӯд мавриди истифода қарор гирифта, ҳамчунин меъморони оянда низ он ҷо таҳсили илм хоҳанд кард.
Директори донишкада барои ҳамкории мутақобила ба рӯзноманигорон изҳори сипос намуда, дар ҷодаи қаламфарсоӣ ба онҳо барор хост.
- Дида шуд: 1652 маротиба
Истиқлолият аз бузургтарин дастовард ва неъмати халқи тоҷик аст, ки моро ҳамбастаи сулҳу ваҳдат ва дӯстиву рафоқат гардонидааст. Маҳз истиқлол аст, ки мо имрӯз дар фазои орому осуда зиндагӣ дорему ваҳдату оштӣ пешаи мост.
Бо шукргузорӣ аз суботи кишвар ва истиқболи Истиқлолияти давлатии Ҷумҳурии Тоҷикистон санаи 8 сентябр дар толори ДПДТТ ба номи М.Осимӣ чорабинии сиёсиву фарҳангӣ баргузор гардид.
Чорабинӣ аз намоиши навор оид ба дастовардҳои донишкада оғоз гардид. Баъдан сухани табрикотӣ ба ифтихори 27-умин солгарди Истиқлолияти Ҷумҳурии Тоҷикистон ба директори донишкада Саидӣ Дилафрӯз дода шуд.
Зимни суханони табрикотии хеш Саидӣ Дилафрӯз ҳозиринро бо фарорасии Иди Истиқлолияти давлатӣ таҳният намуда, қайд намуданд, ки имрӯзи осудаи мо бо шарофати соҳибдавлатӣ ва заҳматҳои пайвастаи Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон мебошад. Махсусан, зикр шуд, ки барои баландбардории маърифати сиёсии сокинону донишҷӯён, ҳисси ифтихори миллӣ, дӯстдории ин сарзамину миллати аҷдодӣ саҳми омӯзгор калон аст. Маҳз меҳнати шабонарӯзии устодони донишкада аст, ки имрӯз сатҳ ва сифати таълим боло рафта, обрӯи донишкада дар қаламрави кишвар боз ҳам баландтар аст
Баъди табрикоти директори донишкада ҷонишини директор оид ба таълим Мақсудов Хуршед суханронӣ намуданд. Мақсудов Х.Т аввалан ҳамагонро бо ҷашни бошукӯҳ табрик намуда, баъдан директори донишкада Саидӣ Дилафрӯз Раббизодаро бо гирифтани Ифтихорномаи Ҳукумати Ҷумҳурии Тоҷикистон аз номи Раёсат ва ҷомеаи устодон табрику таҳният намуданд. Ба директори донишкада Ифтихорномаи Ҳукумати Ҷумҳурии Тоҷикистон дар вазъияти тантанавӣ супорида шуд.
Боиси ифтихор аст, ки устоди донишкада Зариф Довудов номзади илмҳои физика ва математика гардид. Аҳли нишаст ва директори донишкада устодро бо гирифтани номзадӣ таҳниятҳо намуданд.
Аз ҷониби Раёсати донишкада ба устодон ва кормандони фаъол сипоснома ва ифтихорномаҳо супорида шуд.
Баъди қисмати расмӣ бахши фарҳангӣ оғоз гардид. Дар чорабинӣ донишҷӯён гулдастаи шеъру суруд, рақсу таронаро пешкаши ҳозирин намуданд.
Бо ҳамин чорабинии идона ба истиқболи 27 – умин солгарди Истиқлолияти давлатии Ҷумҳурии Тоҷикистон ҳусни анҷом ёфт.
- Дида шуд: 1911 маротиба
Бо мақсади тақвияти таҷриба, мубодилаи афкор, вусъати ҳамкорӣ байни Вазорати маориф ва илм, донишгоҳҳо ва бахши хусусии иқтисодиёти давлатҳои Осиёи Марказӣ доир ба масъалаҳои таҳсилоти касбӣ дар шаҳри Тблисии Ҷумҳурии Гурҷистон ҷаласаи сеюми кумитаи идоракунандаи лоиҳаи “Таҳсилоти касбӣ дар Осиёи Марказӣ”-и барномаи GIZ бо иштироки Вазорати маориф ва илм, донишгоҳҳо ва бахши хусусии иқтисодиёти давлатҳои Тоҷикистон, Қирғизистон ва Қазоқистон баргузор гардид.
Дар рӯзи нахустини чорабинӣ ҳайати меҳмонон аз Ҷумҳуриҳои Тоҷикистон, Қирғизистон ва Қазоқистон, ки шомили ин барномаанд, бо намояндагони барномаи GIZ “Рушди бахши хусусӣ ва таҳсилоти касбӣ дар Гурҷистон” мулоқот анҷом доданд. Гурӯҳи корӣ ба Вазорати маориф ва илми Ҷумҳурии Гурҷистон ташриф оварданд.
Муовини вазири маориф ва илми Ҷумҳурии Гурҷистон – Кетеван Натриашвили ва сардори Департаменти рушди таҳсилоти касбии Вазорати маориф ва илми Ҷумҳурии Гурҷистон – Ирина Церодзе системаи миллии таҳсилоти касбии Гурҷистонро ба ҳайати меҳмонон муаррифӣ намуданд. Баъд вохӯрӣ бо роҳбари шуъбаи ҳамкории байналмиллалии Сафорати ҶФО дар Гурҷистон – Даниел Хаас баргузор гардид.
Дар идомаи сафар гуруҳи корӣ аз фаъолияти коллеҷи касбии “AISI”-и деҳаи Кахретии вилояти Кахетия дидан намуданд. Зимни мушоҳидаҳо директори коллеҷ – Малхаз Асламазашвили таъкид дошт, ки саҳми коллеҷ дар омодасозии кадрҳои баландихтисоси хоҷагии халқи кишвари Гурҷистон калон аст. Дар корхонаи хусусии “Schuchmann Wines” дар шаҳри Кисисхеви назария бо амалия татбиқ карда мешавад. Фаъолияти ин боргоҳи таълимиро роҳбари корхона Роланд Бурдиашвили ба ҳайати меҳмонон муаррифӣ намуд.
Санаи 29 июн вохӯрии гуруҳи корӣ бо намояндагони агентии Швейтсария оид ба масъалаҳои рушд ва ҳамкорӣ, Барномаи рушди СММ (ООН) ва Ассотсиатсияи фермерҳои Гурҷистон, Маркази миллии Гурҷистон оид ба баланд бардоштани сифати таълим дар конфронс-зали меҳмонхона барпо гашт. Сипас, ҷаласаи сеюми кумитаи идоракунандаи муколамаи минтақавӣ баргузор гардид, ки он то санаи 30 июн давом кард. Дар охири маҷлис қабули тавсияҳо оид ба натиҷаи ҷаласаи сеюми кумитаи идоракунандаи муколамаи минтақавӣ баргузор гардид. Баъди ба итмом расидани ҷаласа барои гуруҳи корӣ экскурсияи шаҳри Тблиси ташкил карда шуд.
Сафар хотирмон гузашт.
Ёдовар мешавем, ки ба ҳайати гурӯҳи кории Тоҷикистон директори Донишкадаи политехникии Донишгоҳи техникии Тоҷикистон дар шаҳри Хуҷанд, номзади илмҳои техникӣ Саидӣ Дилафрӯз Раббизода шомил буданд. Донишкадаи мазкур шомили ин барнома буда, мунтазам устодони донишкада дар доираи ин барнома бо муассисаҳои олии пешрафтаи ҷаҳонӣ ҳамкории судманд доранд.
- Дида шуд: 1920 маротиба
Ба муносибати 27-умин солгарди Истиқлолияти давлатии Ҷумҳурии Тоҷикистон дар Донишкадаи политехникии Донишгоҳи техники Тоҷикистон конференсияи илмӣ – адабӣ доир гардид.
Конференсия бо қироати шеърҳо дар васфи Ватан, ваҳдат ва истиқлолият аз ҷониби донишҷӯёни донишкада оғоз шуд.
Тайиба Бобоева, мудири кфедраи забони давлатӣ ва ҷомеашиносӣ чорабиниро ҳусни ифтитоҳ бахшида, қайд кард, ки бо шарофати истиқлолияти давлатӣ мо имкон пайдо кардем, ки бо таърихи миллати бостониамон боз ҳам бештару хубтар шинос шавем ва бо арзишҳои фарҳангии ниёгонамон ошногӣ пайдо намуда, эҳсоси ватандӯстӣ ва ифтихори миллиамонро баланд бардорем.
Номзади илмҳои таърих, дотсенти кафедраи таърихи ватан ва археологияи ДДХ ба номи академик Б. Ғафуров Шавкат Шарипов дар мавзӯи «Истиқлолият: моҳият ва ҳадафҳои олии он» маърӯза намуда, афзуд, ки истиқлолияти давлатӣ аз бузургтарин дастоварди миллати тоҷик аст. Маҳз соҳибдавлатии мост, ки комёбиҳои рӯзафзун насибамон мегардад ва моро ҳамбастагиву ҳамдилӣ ва сулҳу салоҳ ҳамқадам аст. Тоҷикистони азиз имрӯз дар шоҳроҳи эъмори давлати демократии ҳуқуқбунёди дунявӣ устуворона қадам мезанад. Шукри он мекунем, ки сулҳу амният дар мамлакатамон пойдор аст, ваҳдати миллӣ ва фазои боварию эътимоди кулли шаҳрвандони Тоҷикистон торафт таҳким меёбад, худшиносӣ, ватандӯстӣ ва ифтихори миллии мардум боло меравад.
Мӯътабар Ғозиева, номзади илмҳои таърих, устоди кафедраи забони давлатӣ ва ҷомеашиносӣ дар мавзӯи «Истиқлолият неъмати бебаҳост» суханрон ронда, гуфт, ки маҳз ба шарофати истиқлолият имрӯз миллати тоҷикро чун меросбарони фарҳанги қадима мешиносанд. Дар тӯли беш аз 27 соли соҳибистиқлолӣ соҳаҳои маориф, фарҳанг ва тандурустӣ рушд намуда, муҳимтар аз ҳама сатҳи худшиносии шаҳрвандон боло рафт.
Миёни донишҷӯён ва устодон атрофи мавзӯи истиқлолият саволу ҷавоб сурат гирифт. Бо ҳамин конференсия ба анҷом расид.
- Дида шуд: 1604 маротиба
Ба ифтихори хатми зинаи магистратурӣ субҳи имрӯз дар толори маҷлисгоҳи донишкада ҷамъомади тантанавӣ доир гардид.
Чорабиниро муовини директор оид ба таълим Хуршед Мақсудов ҳусни ифтитоҳ бахшида, аз номи директори донишкада Дилафрӯз Саидӣ хатмкунандагонро муборакбод намуд. Зикр шуд, ки ба шарофати таваҷҷуҳи доимии давлат ва Ҳукумат сол аз сол сатҳи таълиму тарбия боло рафта, пурқувват гардидани пояи моддиву техникӣ ба омодасозии кадрҳои соҳибтахассус мусоидат намуда истодааст. Магистрантони донишкада давоми ду сол тавонистанд бо истифода аз донишу маҳорати устодон донишҳояшонро тақвият бахшанд. Акнун аксари хатмкунандагонро роҳи бузурги кору фаъолият интизор аст. Аз хатмкунандагон даъват ба амал оварда шуд, ки робитаро бо донишкада минбаъд низ қавитар намоянд ва чун узви Ассотсиатсияи хатмкунандагон барои пешрафти минбаъдаи ин боргоҳи илму ҳунар кӯшиш варзанд.
Доктори илмҳои иқтисодӣ, профессор Абдушукур Назаров зимни баромади хеш таъкид дошт, ки соли аввал аст, ки хатмкунандагони ихтисоси бизнес – маъмуриятчигӣ зинаи магистратураро ба итмом расониданд. Номбурда ба мутахассисони оянда барор хост.
Ба магистрантон дар вазъияти тантанавӣ шаҳодатномаи хатм супорида шуд.
Магистрантон Зӯҳро Усмонова, Нодира Домуллоҷонова Мафтуна Ғаниева, Малика Ғаффорова ба устодон барои ранҷу заҳматҳояшон аз номи хатмкунандагон изҳори сипос намуда, ваъда доданд, ки бо меҳнати созандаи худ бар нафъи диёри хеш фаъолият мебаранд.
Дастагули шеъру мусиқӣ чорабиниро боз ҳам хотирмон намуд.
- Дида шуд: 1947 маротиба
