Панҷшер ва Аҳмад Масъуд ду моҳи охир ин ду калима аз тамоми гушаи олам садо медиҳад.Хамагӣ бо шунидани ин ду калима як ғурури тоҷиконаеро пеши назар меоранд. Ду моҳ «Толибон» бо як осони тавонист тамоми Афғонистонро зери тасарруфи худ орад ба ҷуз як вилоят. Боқимонда 33- вилояти дигарр бе ягон мамониат ва талафоти бузурге тавонист ба даст оварад. Аллакай аксарият аз ояндаи тақдирӣ Афғонистон ноумед гашта буданд. Аммо садое бар зиддӣ ин ҳама баланд шуд. Садои наъраи шере, ки ба тақдири ватану миллати хеш наметавонист бетараф бошад. Ин шер Аҳмад Масъуд писари қаҳрамони милли Афғонистон Аҳмадшоҳ Масъуд буд. Аҳмадшоҳ Масъудро то ба имрӯз дар тамоми ҷаҳон ҳамчун як қаҳрамон ва муборизи роҳи озодӣ мешиносанд. Панҷшер яке аз минтақаҳои мебошад, ки замоне ҳокимияти Шуравӣ бо тамоми қувваи худ натавонист ин маконро забт намояд. Ва имруз низ «Толибон» дар ин манотиқ бисёр талафот диданд.

Дар Панҷшер таҳти роҳбарии Аҳмад Масъуд ҷабҳаи муқовимати миллии Афғонистон ташкил гардид ва имрӯзҳо мо худ шоҳиди он ҳастем, ки сафи тарафдорони ин ҷабҳаи муқовимат рӯз то рӯз зиёд гашта истодааст ва аксар манотиқи Афғонистонро низ фаро гирифта истодааст.

Тоҷикистон низ дар ин боробар ба ҳимоят аз ҷабҳаи муқовимат ва Аҳмад Масъуд баромад дорад. Пешвои миллат борҳо дар суханрониҳои худ дастгирӣ намудани халқи тоҷикро аз Панҷшер ва ҷабҳаи муқовимат иброз доштанд. Суханони зер, ки Пешвои миллат дар СҲШ гуфтанд худ далели ин гуфтаҳоянд:

«Тоҷикистон чандин маротиба аз созмонҳои байналмилалӣ, аз ҷумла СММ даъват кард, ки ба мардуми Афғонистон махсусан, ба мардуми дараи Панҷшер кӯмак кунанд, ки қариб ду моҳ мешавад , дар блокада қарор дорад»

Тамоми халқи тоҷик низ имрӯзҳо танҳо ба танҳо сухан аз Панҷшер ва Аҳмад Масъуд мегӯянду дуогуи ғалабаи ин абарманд ҳастанд.

Насим Тошхоҷаев, устоди ДПДТТ дар шаҳри Хуҷанд