Баҳори имсола барои миллату дӯсту ҳамсояи тоҷикону ӯзбекон баҳори бофайз ва пурбаракат гардид. Зеро санаи 1 март дар 6 минтақаи вилоят, ки бо Ҷумҳурии Ӯзбекистон сарҳади муштарак дорад, гузаргоҳи 25 – сол пеш фаъолият дошта, аз нав дари худро ба рӯи ҳар ду тараф кушод. Сафари расмии Сарвари давлати Ӯзбекистон муҳтарам Шавкат Мирзиёев ба Тоҷикистон ва дар сатҳи баланд доир шудани мулоқот бо  Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар собит намуд, ки мо ҳамсоягони беҳтарину қаринем ва ҳамон тавре, ки Шавкат Мирамонович дар сӯҳбат таъкид дошт: “Аз чашмони мардум хондам, ки тоҷикон хоҳони гармии равобит ҳастанд", мардуми ӯзбек низ солиёни дароз ҳамин рӯзи таърихиро умедвор буданд. 

Тоҷикону ӯзбекон мисли як нохуну гӯштанд ва ҳарчанд дар ин чанд сол хостанд, ки онҳоро аз ҳам ҷудо кунанд, нашуд. Ин маънии онро дорад, ки миёни мо кинаву адоват, бухлу нодидагирӣ нест. Ва мо ҳамҷоя барои пойдории сулҳу субот, ваҳдати сартосарӣ кӯшиш хоҳем кард. Танҳо он миллат саодатёр мешавад, ки дӯстиву бародарии ҳамсоягариро пойдор дорад.

Дӯстии халқҳои мо тавре аз суханрониҳои ду сарварони давлатҳо зикр ёфт, аз қаъри асрҳо сарчашма мегирад. Абдураҳмони Ҷомӣ ва Алишер Навоӣ чун ду шоҳсутуни адабиёт аз нахустин поягузорони дӯстии миёни тоҷикону ӯзбекон буданд. Ба ҳайси забони давлатдорию коргузорӣ хизмат кардани забони тоҷикӣ дар давлатҳои Темуриёну Шайбониён ва сулолаи Манғитҳо гувоҳи он аст, ки бародарони ӯзбек низ ба халқи тоҷик эҳтироми бузург доштаанд.

Бо гузашти асрҳо анъанаҳои неки Ҷомию Навоиро адибони дигар – Садриддин Айниву Ҳамза Ҳакимзода, Мирзо Турсунзодаю Ғафур Ғулом, Мӯъмин Қаноату Абдулло Орифов, Лоиқ Шераливу Эркин Воҳидов, Ӯрун Кӯҳзоду Ӯткир Ҳошимов ва дигарон идома доданд. Дар миқёси ҷумҳуриҳои собиқ шӯравӣ аз ҳама бештар рӯзҳои адабиёт ва фарҳанги Тоҷикистон дар Ҷумҳурии Ӯзбекистон доир шудааст, ки нишонаи меҳри беандозаи халқи ӯзбек ба адабиёту санъати тоҷик аст.

Дар пешрафт ва нашъунамои кишвари ҳамсоя фарзандони миллати тоҷик саҳми босазо гузоштаанд. Садриддин Айнӣ баробари адабиёту илми тоҷик барои адабиёту илми ӯзбек хизмат намудааст. Қорӣ Мирфаёзи Ниёзӣ, академикҳо Солеҳ ва Зариф Раҷабовҳо, Султон Умаров, кинорежисёрон Комил Ёрматов ва Давлати Худоназар,ҳунармандони театру синамо Ҳабибулло Абдураззоқов, Сайрам Исоева,  Ато Муҳаммадҷонов, овозхон Маъруфхоҷа Баҳодуров ва даҳҳо нафар арбобони илму адабиёт, ходимони давлатию ҷамъиятӣ барои пешрафти Ӯзбекистон саҳмгузорӣ намудаанд.

Роҳе, ки боз шуд, дилҳоро низ кушода намуд. Боварии комил дорем, ки робитаҳои ҳасанаи ду миллати ба ҳам дӯст минбаъд густариш меёбад.

 

 

 

 

Дар доираи эълон гардидани соли 2018 Соли рушди сайёҳӣ дар остонаи ҷашни Рӯзи модар ва матбуоти тоҷик дар Донишкадаи политехникии Донишгоҳи техникии  Тоҷикистон  миёни духтарони донишкада  озмуни «Бонуи сол» баргузор гардид.

 

Дар плениуми ғайринавбатии Кумитаи иттифоқи касабаи донишкада, ки бо иштироки Мӯсобек Мироватов, раиси кумитаи иттифоқи касабаи коркунони соҳаи маориф, Абдуғаффор Ғаниев, раиси комиссияи назоратии кумитаи иттифоқи касабаи коркунони соҳаи маориф,  Фаррух Аминов, муовини директор оид ба тарбияи донишкада ва аъзоёни иттифоқи касабаи донишкада доир гардид 4- масъала- ҳисоботи фаъолияти яксолинаи кумитаи иттифоқи касабаи донишкада, ҳисоботи комиссияи бехатарии донишкада, ҳисоботи комиссяи тафтишотии кумита ва масъалаҳои ҷорӣ дида баромада шуд.

Раиси кумитаи иттифоқи касабаи донишкада Файзулло Ҷалилов зимни гузориш таъкид дошт, ки дар донишкада вобаста ба шароити таълиму тадриси устодон, бо фароғат ҷалб шудани онҳо тадбирҳои амалию судманд таҳти роҳбарии директори донишкада Саидӣ Дилафрӯз Раббизода андешида мешавад. Ҳамасола устодон дар осоишгоҳҳо ба истироҳат ҷалб гардида, инчунин мувофиқи анъана дар мавсими гармо устодон бо роҳбарии Раёсати донишкада ба мавзеҳои сайёҳӣ барои истироҳат мераванд. Махсусан барои устодоне, ки солҳои сол меҳнати софдилона кардаанду ҷашни зодрӯз доштанд, дар доираи қонунгузории кишвар онҳо қадршиносӣ шуданд. Гузашта аз ин барои донишҷӯён дар хобгоҳи донишкада беҳтарин шароит муҳайё шуда, онҳо фориғ аз машғулиятҳо дар китобхонаи донишкада ва хобгоҳ донишашонро тақвият бахшида, дар толори варзишӣ ва дар майдончаи футбол машқу тамрин мекунанд.

Соли равон чун солҳои пешин вобаста ба омодагӣ ба фасли зимистон бо пуштибонии роҳбарияти донишкада беш аз 290 тонна ангишт харидорӣ шуда, ҳоло ҳам устодон ва ҳам шогирдон дар синфхонаҳои гарму барҳаво машғули кору дарсомӯзианд.

Аъзамҷон Ҳакимов, раиси комиссияи муҳофизати меҳнат ва техникаи бехатарӣ ва Савфатхон Темуров, раиси коммисияи тафтишотӣ дар бораи фаъолияти кори комиссияҳо маълумот доданд.

Сипас Мусобек Мироватов зимни баромади хеш  фаъолияти кории кумитаи иттифоқи касабаи Донишкадаро ба риштаи таҳлил кашида, дар маҷмӯъ фаъолияти донишкадаро дар самти ҳифзу ҳуқуқҳои кормандон нек арзёбӣ намуд. Аммо ба андешаи ӯ бояд минбаъд устодон бештар фарзандону набергони худро дар мавсими таътили тобистона ба лагерҳо фарогир кунанд. Зеро дар ин самт дар донишкада корҳо суст ҷараён дорад. Ӯ пояи моддиву техникии донишкадаро васф карда, баён дошт, ки бо ин гуна шароити хуб бояд сатҳи илму дониш боз ҳам болотар равад.

Сипас, бинобар ба нафақа рафтани Файзулло Ҷалилов бо овоздиҳии аъзои кормандони иттифоқи касаба Бобоҷонова Назира Инъомҷоновна раиси кумитаи иттифоқи касабаи донишкада интихоб гардид.

Нисбати масъалаҳои матраҳшуда қарорҳои дахлдор қабул гардид.

Мусобек Мироватов хизматҳои хуби Файзулло Ҷалиловро ёдовар шуда, ба ӯ барои хизмати содиқонааш аз номи Кумитаи иттифоқи касабаи коркунони маорифи вилоят бо тӯҳфаи хотиравӣ кадрдонӣ намуда, ба Назира Бобоҷонова барои фаъолияти босамар барор хост.

 

Донӣ, ки донишгоҳ шамси оламест,

Арзандатарин макони ҳар одамест.

Хоҳӣ, ки бидони қадри донишгоҳи мо,

Вазифа бар дӯши ту омадану хонданест.

Дар таърихи 14 феврал дар партави Амри Президенти Ҷумҳурии Тоҷикистон аз 15 сентябри соли 2011, таҳти №АП – 1729 ва тибқи ҷадвали тасдиқнамудаи иҷрокунандаи Раиси вилояти Суғд дар Донишкадаи политехникии Донишгоҳи техникии Тоҷикистон нишасти матбуотӣ доир гардид. Дар нишасти матбуотӣ намояндаи мақомоти иҷроияи ҳокимияти давлатии вилоят Олимҷон Мирмуҳаммедов, сармутахассиси шуъбаи рушди иҷтимоӣ ва робита бо ҷомеаи Дастгоҳи Раиси вилоят ҳузур дошт.

Дар Паёми Асосгузори сулҳу Ваҳдати миллӣ-Пешвои миллат, мӯҳтарам Эмомалӣ Раҳмон ба инкишофи соҳаи хӯрокворӣ ва таъмини аҳолӣ бо маҳсулоти босифати ватанӣ аҳамияти махсус дода шудааст. Дар ин раванд зикр бояд дошт, ки тайёр кардани мутахассисони соҳаи хӯрокворӣ дар кишварамон асосан дар даврони соҳибистиқлолӣ роҳандозӣ гашта, дар гузашта ин гуна кадрҳо дар ҷумҳуриҳои ҳамсоя омода карда мешуданд.

 Бо мақсади тарбияи маънавии ҷавонон, огоҳии комил ёфтан аз оқибатҳои ҳалокатовари нашъаву нашъамандӣ дар толори Донишкадаи политехникии Донишгоҳи техникии Тоҷикистон дар шаҳри Хуҷанд вохӯрии устодону донишҷӯён бо роҳбарияти  Раёсати Агентии назорати маводи нашъавовари назди Президенти Ҷумҳурии Тоҷикистон дар вилояти Суғд баргузор гардид.

Соли 2018 аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон  Соли рушди сайёҳӣ ва ҳунарҳои мардумӣ эълон гардид.

Ба ин муносибат тибқи дастури иҷрокунандаи вазифаи Раиси вилояти Суғд Раҷаббой Аҳмадзода дар Кохи «Суғдиён»-и шаҳри Хуҷанд ҳамоиши ҳунарҳои дастии мардуми Хуҷандшаҳр таҳти унвони «Ҳунар-беҳ аз симу зар! Доир гардид.  

Ба варзиш машғул шудан натанҳо гарави саломатист, балки инсонро аз ҳама гуна амалҳои ношоиста эмин медорад. Вобаста ба рушди варзиш дар сатҳи давлат ва Ҳукумати Ҷумҳурии Тоҷикистон дар солҳои соҳибистиқлолии кишвар корҳои зиёде ба сомон расонида шудааст. Мулоқоти бевоситаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон бо варзишгарон ҳама гуна мушкиливу муаммоҳои варзишгаронро ҳал намуд. Алҳол дар кишвар даҳҳо ҷоизадорони мусобиқаҳои сатҳи Аврупову Осиё ва ҷаҳонӣ кор ва зиндагӣ доранд.

 

Соли дуюм аст, ки бо иқдоми Раёсати Донишкадаи политехникии Донишгоҳи техникии Тоҷикистон дар шаҳри Хуҷанд дар мавзӯи «Сифати таълим дар мактабҳои олии Ҷумҳурии Тоҷикистон» конференсияи илмӣ- амалӣ доир мегардад.

Дар кори конференсия муовинони сарварони як қатор мактабҳои олии вилоят, олимону донишҷӯён ширкат доштанд.

Конференсияро муовини директори донишкада оид ба таълим номзади илмҳои физика ва математика Хуршед Мақсудов ҳусни ифтитоҳ бахшида, салому паёми директори донишкада, номзади илмҳои техникӣ Саидӣ Дилафрӯз Раббизодаро ба ҳозирин расонид. Номбурда дар баромадаш  аз ҷумла қайд намуд, ки ҳадаф аз баргузори конференсияи имрӯза баланд бардоштани сифати таълим бо истифода аз таҷрибаю малака ва маҳорати корбарии устодону навовару навҷӯ дар такя аз технологияи муосири таълим мебошад. Конференсия дар партави Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба Маҷлиси Олии Маҷлиси Тоҷикистон рӯи кор омадааст. Дар Паёми навбатӣ Пешвои миллат махсусан қайд намуданд, ки  “Мувофиқи назарсанҷие, ки созмонҳои бонуфузи ҷаҳонӣ доир ба кишварҳои рӯ ба инкишоф анҷом додаанд, соли 2017 Тоҷикистон аз рӯи 4 нишондиҳанда: дастрасӣ ба таҳсилот, сифати таҳсилот, сармояи инсонӣ ва қобилияти рақобати он дар миёни 101 давлати ҷаҳон ҷойи 54-умро соҳиб шудааст. Аз рӯи ин таҳлил Тоҷикистон дар фазои Иттиҳоди Давлатҳои Мустақил яке аз ҷойҳои аввалинро ишғол менамояд.” Барои ноил шудан ба ин дастовард хизмати Вазорати маориф ва илми Ҷумҳуриии Тоҷикистон ва ҳамаи муассисаҳои таълимии кишварамон бузург аст. Пешвои муаззами миллат боз қайд намуданд, ки “Албатта, ин дастоварди хуб аст, аммо мо набояд бо ин нишондиҳанда қонеъ шуда, таваҷҷуҳро ба ин соҳаи ҳаётан муҳим кам намоем. Баръакс, моро зарур аст, ки боз ҳам зиёдтар заҳмат кашида, ба масъалаи таълиму тарбия афзалияти бештар диҳем, сатҳу сифати таълимро дар ҳамаи зинаҳо беҳтар кунем, барои таҳсилоти босифат аз тамоми имконот истифода карда, заминаҳои моддиву техникии муассисаҳои таълимиро таҳким бахшем ва самарабахшии фаъолияти онҳоро таъмин намоем. Зеро сифати омодасозии мутахассисони оянда аз бо стандартҳои ҷаҳонӣ наздик сохтани нишондиҳандаҳои таъмини сифат дар ҳамаи зинаҳои таҳсилот, густариш додани ҳамкории муассисаҳои таҳсилоти миёна ва олии касбӣ бо субъектҳои бозори меҳнат, беҳтар гардонидани дараҷаи рушди низоми инноватсияи миллӣ ва нишондиҳандаҳои азхудкунии технологияҳои иттилоотиву коммуникатсиони вобастагӣ дошта, имкон медиҳад, ки мо дар соҳаи маориф ба натиҷаҳои боз ҳам бештар ноил гардем».

Хуршед Худойбердиев, мудири кафедраи барномарезӣ ва низомҳои иттилоотии донишкада дар мавзӯи «Равандҳои ташвиқот ва таблиғот барои ҳавасмандгардонии довталабон» баромад намуда, таъкид дошт, ки муаррифии шоистаи муассисаи олӣ тавассути воситаҳои таблиғотӣ амсоли телевизион, радио, расонаҳои чопӣ, шабакаҳои иҷтимоӣ, ҳамчунин робитаи мустаҳкам бо хатмкунандагоне, ки дар пешрафтатарин муассисаю ташкилотҳо кор мекунанд, имкон медиҳад то сафи довталабон ба ин ё он муассисаи олӣ зиёд шавад. Донишкада маҳз аз усули чунин корбарӣ истифода мебарад ва то ҷое муваффақ ҳам гардидааст. Соли гузашта нақшаи қабули довталабон тариқи Маркази миллии тестӣ пурра иҷро гардид. Дар ҷодаи ба истолоҳ «бренд»- и донишкада саҳми Маркази мартаба калон аст. Зеро баргузории ярмаркаи «Интихоби мутахассиси арзанда» имкон фароҳам овард, ки хатмкунандагон бо кори хуби муздаш баланд таъмин гарданд ва ин ба мутахассисони оянда таъсири ногузир гузошт. 

Дилрабо Комилова, мудири кафедраи маҳсулоти хӯрока ва агротехнология дар мавзӯи «Нақшаи кори тадқиқотӣ дар баландбардори сифати таълим» гузориш дода, афзуд ки дар донишкада сол аз сол сифати қабул беҳтар шуда истодааст. Акнун донишгоҳу донишкадаҳоро зарур аст, ки мутобиқи дархосту умеди донишҷӯёни нав сатҳи таълимро баланд бардошта, сифати онро беҳтар кунанд ва тарзи дарсгузарониву имтиҳонгириро ба қобилияти аксари донишҷӯён мутобиқ кунанд, то ин ки сифати таҳсил беҳтар шавад. Ин тадбирҳо имконият медиҳад, ки сифати хатм беҳтар шавад ва онҳо ба талаботи бозори меҳнат мутобиқ шаванд. Дар кафедраи маҳсулоти хӯрока ва агротехнология барои баланд бардоштани самаранокии сифати таълим аз беҳтарин усулҳои таълимӣ корбурд мекунанд. Дар доираи лоиҳаҳои “Таҳсилоти олӣ барои низоми озуқаворӣ ва стандартҳо дар Осиёи Марказӣ” ва “Таҳсилоти касбӣ дар Осиёи Марказӣ” –и Иттиҳоди Аврупо ҳам устодон ва ҳам донишҷӯён дар пешрафтарин муассисаҳои таҳсилоти олии Қирғизистон, Қазоқистон ва Латвия таҷрибаи ғанӣ андӯхтанд.

Яке аз муҳимтарин масъалаҳое, ки дар Паёми имсола ба он таъкиди ҷиддӣ гаштааст, зарурати таъмини аҳолӣ бо маҳсулоти хушсифат ва пешгирии қатъии воридот ва фурўши маҳсулоти барои мардум зараррасон мебошад. Ин дастурҳои ғамхоронаи Пешвои миллат дар ҳаққи аҳолӣ аллакай татбиқи худро ёфта истода, раванди назорати қатъӣ ва танзими меъёрии бозори воридот ва фурўши маҳсулти истеъмолӣ оғоз гаштааст. Фикр мекунам дар самти истеҳсоли маҳсулоти хушсифат ҳамкории ширкатҳои истеҳсолӣ бо донишкадаи мо бар фоидаи кори онҳо аст. Зеро он озмоишгоҳо, лабораторияҳои сенсории донишкада имкон фароҳам меорад, ки молики мол ба аҳолӣ маҳсулоти баландсифатро пешкаш намояд. Сулҳия Баҳодурова, мудири кафедраи назарияи иқтисодӣ  ва идора зимни маърӯзаи хеш гуфт, ки барои беҳтар намудани сифати таълим дар сатҳи Ҳукумати Ҷумҳурӣ чораву тадбирҳои муассир меандешад. Яке аз ҳадафҳои асосии Вазорати маориф ва илми Ҷумҳурии Тоҷикистон маҳз тарбияи кадрҳои баландихтисос ва тарбияи ҷавонони эҷодкору навовар мебошад.

Заррина Акрамова, сардори шуъбаи идораи сифат ва банақшагирии стратегӣ оиди мавзӯи «Ҷорикунии элементҳои низоми идораи сифати таълим дар муассисаҳои таҳсилоти олии касбӣ (дар мисоли ДПДТТ дар шаҳри Хуҷанд)» гузориш дода, зикр намуд, ки барои баланд бардоштани сифати таълиму тарбия моро зарур аст, ки дар тамоми зинаҳои таҳсилот, бахусус, дар зинаи таҳсилоти касбӣ, на ба шумора, балки ба сифати он диққати ҷиддӣ дода, мутахассисони ҷавобгӯи талаботи замони муосирро тарбия намоем. Яке аз ҳадафҳои стратегии муассисаҳои таҳсилоти олии касбӣ идоракунии самараноки равандҳо, коркард, ҷорикунӣ ва мукаммалгардонии низоми идораи сифат (НИС) мувофиқи талаботҳои стандарти миллии  ИСО 9001- 2008,, стандарти байналхалқии ISO 9001:2015, стандартҳо ва директивҳо  ENQA, Фонди аврупоии кафолати сифат e-learning (EFQUEL) мебошад.

Хуршед Мақсудов зимни маърӯзаи худ дар мавзӯи  «Муассисаҳои таҳсилоти олии касбӣ аз талабот ба фан то талабот ба хатмкунандагон» қайд кард, ки таҳсилоти муҳандисӣ аз донишҷӯ талаб мекунад, ки на танҳо ҳаҷми муайяни донишро азхуд кунад, балки малакаи корфармоии ин донишро дар амал соҳиб шавад.

Дигар хусусияти фарқкунанда ин тез – тез навшавии мазмуну мундариҷаи фанҳои тахассусӣ вобаста ба рушди соҳа мебошад.  Дар шароти имрӯза бозори талаботи меҳнат хатмкунанда бояд пеш аз ҳама мутахассиси соҳаи худ бошад, дониши зарурии иқтисодӣ ва ҳуқуқӣ дошта бошад, забонҳои хориҷиро донад, принсипҳои гузаронидани корҳои илмӣ – тадқиқотӣ ва конструкториро донад, ба дониш оид ба принсипҳои тиҷораткунонии натиҷаҳо соҳиб бошад, малакаи ҳалли масъалаҳои ғайристандартӣ ва қабули чунин қарорҳо дошта бошад.

 Бо ҳамин қисми аввали конференсия анҷом ёфта, дар қисмати дуюми конференсия муаллифони мақолаҳои илмӣ дар ҷаласаи планерӣ навиштаҳои худро асоснок карданд.