«Самое дорогое у человека – это жизнь. Она даётся ему один раз, и прожить её нужно так, чтобы не было мучительно больно за бесцельно прожитые годы…», говорил Н.А.Островский

Киргизию и Таджикистан разделяют более 900 км государственной границы. Граница стала государственной в 1991 году и начинается на севере Таджикистана в Ферганской долине. При этом около половины линии не деморкировано, из-за чего у приграничных жителей обоих государств возникают проблемы из-за доступа к воде, пастбищам и дорогам. Спорные территории в длину составляют примерно 30 % от границы двух стран. В период после независимости наблюдалась напряжённость с двух сторон на границе, и эта ситуация продолжается до сих пор

Пограничные инциденты между Киргизией и Таджикистаном происходили в январе и в мае 2014 года, в апреле 2021 года, в январе 2022 года на границе Баткенской области Киргизии и Согдийской области Таджикистана произошла перестрелка между пограничниками стран. На границе постоянно происходят перестрелки. Ситуация обострилась 14 сентября 2022 года. Вооружённые столкновения   произошли по всей таджикско-киргизской границе, не смотря на раннее объявленное перемирие.  Неподчинение киргизских полевых командиров правительству обостряют отношение между двумя странами, из-за этого страдают, погибают мирные жители, простой народ. И вся эта борьба происходит из-за небольшого участка земли, из-за доступа к воде между Таджикистаном и Киргизией. Эта война не выгодна ни одной из сторон, однако прекращать её никто не собирается. Со стороны Таджикистана был выдвинут мирный договор, однако противоположная сторона опровергла её. Нужно прекратить эту войну!

 

Хамидова Н.Ш. -   старший преподаватель кафедры иностранных языков , к.ф.н.                               

 

Нашр шуд: 22 октябри 2022

Дида шуд: 936 маротиба

На ҳар кӣ тарфи кулаҳ каҷ ниҳоду тунд нишаст,

Кулоҳдориву оини сарварӣ донад

 

       Санаи 19.10.22  қӯшунҳои нируи амнияти сарҳадии Ҷумҳурии Тоҷикистон хабар дод, ки қӯшунҳои сарҳадии Ҷумҳурии Қирғизистон 13 маротиба фазои сарҳадии марзи Ҷумҳурии Тоҷикистонро вайрон намуда мардуми дар марз бударо мусаллаҳ менамоянд, ки ин боиси хавотирӣ ва нооромии марзи Ҷумҳурии Тоҷикистон мешавад. Ҳарбиёни қирғиз дар назди марзи Ҷумҳурии Тоҷикистон танку тӯбҳои ҳарбиро ҷойгир намуда акопҳо кофта истодаанд, ки ин амалашон бар хилофи протоколи №42, ки санаи 25 сентябири соли 2022 байни Ҷумҳурии Тоҷикистон ва Ҷумҳурии Қирғизистон навишта шуда мебошад.                                                                              Бо вуҷуди созишномаи сулҳ Президенти Ҷумҳурии Қирғизистон Садир Ҷаппаров дар сесияи 77-уми Ассамблеяи Генералии СММ маърӯзаи пучу туҳматомез ва далелҳои норӯшану беисбот дар ҳамоиши  сатҳи байналмиллалӣ намуда буд, ки  дигарбора ноҷавонмардию аз таъриху сиёсат дур будан ва ғараздории роҳбарияти феълии Қирғизистонро дар назди мардуми олам собит сохт.                                   Ба қавли Ҳофизи Шерозӣ:

На ҳар кӣ чеҳра барафрӯхт, дилбарӣ донад,
На ҳар кӣ оина созад, Сикандарӣ донад.
На ҳар кӣ тарфи кулаҳ каҷ ниҳоду тунд нишаст,
Кулоҳдориву оини сарварӣ донад.

        Алъон вазъи ноороми ҷаҳон ба ҳамагон маълум аст. Ҷаҳон дар як ҳолати ҷанги даҳшатноки сеюми ҷаҳонӣ қарор дорад. Роҳбари оқил он касест, ки дар дар чунин ҳолати даҳшатбор алами сулҳу ваҳдатро баланд бардорад. Ҷанг ҳунар нест. Ҷанг кори ҳайвоноти дарранда аст. Сулҳу ваҳдат овардан ҳунар аст ва кори мардони Худост. Бесабаб Ҷаноби Олӣ муҳтарам Президенти Ҷумҳурии Тоҷикистон Эмомалӣ Раҳмон Асосгузори сулҳу ваҳдат ном нагирифтаанд. Роҳбари давлати Ҷумҳурии Тоҷикистон доимо талош меварзанд, ки дар давлати азизи мо, минтақа ва ҷаҳон сулҳу ваҳдат пойдор бошад. Бо яроқу аслиҳа сулҳро барқарор намудан намешавад. Сулҳу ваҳдат маҳсули қалбҳои пок аст.                                                            Амалҳои ноҷавонмардонаи роҳбарони Ҷумҳурии  Қирғизистон, ки боиси муташанниҷ гардидани байни ду давлат ва минтақа мешавад, маҳкум менамоям. Бояд як комисияи босалоҳият аз ҷониби давлатҳои бетараф ташкил карда шуда масъалаи сарҳад боадолатона ҳал карда шавад. Бо роҳи ҷангу зӯроварӣ ва тӯҳмату бӯҳтон ва айбдор намудани ҳамдигар натанҳо муаммо ҳал намегардад, балки мураккабтар мешавад ва бегуноҳон аз ҳарду ҷониб қурбон мешаванд.

Ҷони гургону сагон ҳар як ҷудост,

Муттаҳид ҷонҳои шерони Худост.

Ҷалолиддини  Балхӣ.

 

Нашр шуд: 22 октябри 2022

Дида шуд: 930 маротиба

Тақсимоти байнисарҳадии Тоҷикистону Қирғизистон аз масоили мубрамест, ки боиси ҷангу муноқишаҳои ин ду миллат гардидааст. Баъди вазъияти муташшаниҷи моҳи сентябр таърихи 25 сентябр шартномаи мувофиқа оид ба оромии ин ду кишвар баста шуд, аммо мушоҳида мегардад, ки ин шартнома аз ҷониби аксари хизматчиёни ҳарбии Ҷумҳурии Қирғизистон вайрон шуда истодааст. Дар наздикии деҳаи Ворухи Исфара, Овчи-Қалъача ва ғайра гузоштани ҷойи дидбонӣ, фаровардани мошинҳои зиреҳпӯшу кофтани хандақҳо шаҳодати хусумати онҳост. Мо, миллати тоҷик боре ҳам беҳуда ба кишвари бегона ҳуҷум наовардаем, инро таърих исбот кардааст. Бинобар ин дафъа низ Тоҷикистон шартномаро риоя намуда, роҳи мусолаҳаро пеш гирифтааст. Сиёҳандешони қирғиз бояд донанд, ки мард  қавли додаашро иҷро мекунад. Мардона бояд зист, мунсифона бояд кор кард, шарафмандона ин дунёро барои ворисон гузошт. Шумоён моҷароҷӯёни қирғиз чиро баъди худ ба мерос мегузоред? Инро андеша намоед. Ваҳдату дӯстии ин ду миллатро рахна набояд кард.

Мо барои васл кардан омадем,

Не барои фасл кардан омадем.

 

Файзиева Ш.

Нашр шуд: 22 октябри 2022

Дида шуд: 366 маротиба

 

Дирӯз дар толори донишкада бо мақсади баланд бардоштани фарҳанги оиладорӣ, омода намудани духтарон ба оилаву оиладорӣ, тарғибу ташвиқ намудани бунёди оилаи солим, тарзи муошират дар оиладорӣ, муносибати хуби байниҳамдигарӣ, сабру таҳаммул, иззату эҳтиром, рафтори ғамхорона нисбат ба якдигар бо донишҷӯдухтарони дар хобгоҳ истиқоматкунанда вохӯрӣ баргузор гардид.

Аз ҷониби мудири шуъбаи тарбия Муҳаррама Темурова таъкид гардид, дар донишкада бо роҳбарии директори донишкада таъмини шароити ҳаматарафаи таълиму тарбия, ҷалби бештари духтарон ба таҳсил, омода кардани шароити зист ва бо стипендия таъмин намудани духтарон, беҳтар гардонидани шароити кор ва истироҳати занон ба назар гирифта шудааст. Ҷавобан ба ин ғамхориҳо донишҷӯдухтарони донишкада ваъда доданд, ки тамоми саъю талоши хешро ба донишандӯзӣ, интихоби касбу ҳунарҳои муосир, ободиву пешрафти сарзамини аҷдодӣ, ҳимояи Ватан, рушди илму техника, бунёдкорӣ ва созандагӣ равона месозанд.

Дар хотима аз ҷониби духтарон шеърҳо қироат гардида, барои фароғати онҳо рақсу бозӣ ташкил карда шуд

Нашр шуд: 14 октябри 2022

Дида шуд: 387 маротиба

Дар ҳақиқат Раёсати Қӯшунҳои сарҳадии давлатии амнияти миллии ҶТ ҳушёриву зиракии худро истифода намуда тавонистанд баъзе маълумотҳоро дар бораи аҳдшикании ҳамсоядавлатбасамъи марду расонида бошанд.

Мардуми тоҷик дар ягон давру замон аввилин шудаба сари касе тир накушодааст.воқеаҳои рӯзҳои охир нишон  дод, ки ба ҷои бо муросо азрӯйи аҳдибастаи тарафайн корҳои сарҳадиро ба тартиб биёранд , баръакс иғвогариву дасисабозӣ карда оромии сокинони ҳар ду кишварро халалдор менамоянд.

Ҳоло марзу бум аниқ шавад баъд оварда мешавад, ҳамон сарҳадбонону сохтмони камингоҳҳои оташфишон, сохтмони хандақҳо овардани тӯпу туфангҳоро, ҳамаи ин боиси нооромии сокинони дар марзи қирғиз истиқомат дошта гардида истодааст.

Мадуми тоҷик он рӯзҳои мудҳишро, ки моҳи сентябр ба вуқуъ, пайваст, гиряи модарони аскарбачагони ғӯрамарг, кӯдакони хурдсол,падару модарони аз тиру туфанг ҳалок гардидаро то ҳол бо ашки сӯзон ёдоварӣмекунанд.

Ҳамсоя ба ҳаққи Худо баробар аст, эй ҳамсояҳои “азиз” ба худ биёед, наход то ҳол ҷанг ва оқибати онро дарк накарда бошед.

Мардуми қирғиз солҳои аввали соҳибистиқлолии кишвар ба мо дасти ёрӣ дароз карда буд, аз як ҷӯй об мехӯрдему аз як ҳаво нафас мегирифтем. Рафтуомаду тиҷоратии ин ду ҷумҳурӣ то ба сари қудрат омадани баъзе роҳбарони қирғиз беҳтарин буд, мардуми қирғиз чашматонро кушоед ба атроф нигоқ кунед,нагузоред, ки чунин постҳои бемаъниро,ки боиси ваҳму тарси фарзандонамон мегардад,гузошта бошанд.

Кафедраи ЗДҶ                        Темирова Х.И.

Нашр шуд: 22 октябри 2022

Дида шуд: 350 маротиба

 

Дар Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд бо мақсади дар амал татбиқ намудани дастуру ҳидоятҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба ташаккули тарзи ҳаёти солим, рушди тарбияи ҷисмонӣ ва варзиш чораҳои амалӣ андешида мешавад.

Бо мақсади фароҳам овардани шароити мусоид баҳри оммавигардонии варзиш дар байни донишҷӯён бо ибтикори директори донишкада Саидӣ Дилафрӯз Раббизода толорҳои варзишӣ бо лавозимоти варзишӣ таъмин карда шуда, дар ду толори варзишии донишкада ва майдончаи футболи назди хобгоҳ, мунтазам машқҳои варзишӣ, мусобиқаҳои донишкадавӣ баргузор мегардад.

Санаи 11 октябри соли ҷорӣ бо мақсад тарғиби ташвиқи тарзи ҳаёти солим, баланд бардоштани маҳорати варзишии духтарон дар толори варзишии донишкада байни донишҷӯдухтарони дар хобгоҳ истиқоматкунанда бозии волейбол сурат гирифт. Ҳадаф аз баргузории ин мусобиқа равнақ додани муттаҳидию дустӣ ва ҳамдигарфаҳмӣ, рушду инкишоф ва тарғибу ташвиқи тарзи ҳаёти солим, беҳдошти саломатии онҳо маҳсуб меёбад.

Ташаббусҳои роҳбарияти донишкада оид ба пеш бурдани тарзи ҳаёти солим, рушди соҳаи варзиш донишҷӯёнро рӯҳбаланд гардонида, боиси афзудани дастовардҳо, ширкати фаъолона дар спартакиадаҳои вилоятиву ҷумҳурӣ мегардад.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Нашр шуд: 14 октябри 2022

Дида шуд: 368 маротиба

Имрӯз ҷаҳони якқутба дар раванди парокандашавӣ қарор дорад, аз ин лиҳоз давлатҳои хурд барои мавқеи худро муайян намудан бештар ниёз ба таваҷҷуҳи давлатҳои нави абарқутрати олам доранд. Ҳамсоягӣ ва додугирифти садсолаҳоро ба инобат намегиранд, ки онҳоро шаҳрвандони худашон эҳтиром намекунанд ва истеъфои онҳоро талаб доранд. Ба ин гуна давлатҳо Қирғизистон дохил мешавад, ки мисли “талбандагони кӯча” гоҳ ба ин сӯ гоҳ ба он сӯ назар мекунанд. Аз задухурдҳои охири аҳдшиканонаашон онҳо сабақ нагирифта боз барои ноором сохтани минтақаҳои марзӣ яроқҳои вазнини ҷангиро пинҳонкорона омода сохта истодаанд, ки ин далели беақлиии роҳбарони ин кишварро нишон медиҳад. Тоҷикистони азизи мо доим кӯшиш мекунад, ки муносибатҳои дипломатии хешро  нигоҳ дорад. Аммо ин “ятимакон”- и носипос Қамчибек Тошиев ва Содир Жапаров- и бе майнаи сар кӯрона рафтор намуда мехоҳанд боз барои аз даст надодани қудрат дар кишвари худашон, ҷангро оғоз намуда ба порахурии наҳангонаи худ давом диҳанд. Ин амали нангини онҳоро тамоми мардуми ҷаҳон аз минбари Созмони Миллали Муттаҳид аз баромади роҳбари “босавод” –и онҳо воқиф гардида боварии комил ҳосил намуданд, ки ин як роҳзани ҳукуматро бо роҳи зӯри ба даст гирифта боз мехоҳад, ки мардуми ҷаҳон ба гиряву нолаи ӯ бовар намоянд. Бе  “шпаргалка”- ё ин ки маводи ёрирасон гап зада наметавонад. Доим мисли кӯрнамакон рафтор мекунад. Чандин маротиба дар рӯзҳои наздик ба шаҳрвандони осоиштаи наздимарзӣ муноқиша барпо намудаанд. Инчунин чандин маротиба марзи ҳавоии Тоҷикистонро бо воситаи бесарнишинҳои бо роҳи гадоӣ ба даст овардаашон  вайрон намудаанд.  Ин худ далели моҷароҷӯии онҳоро нишон медиҳад. Дер ё зуд ин хоинро мардумаш барканор месозанд. Мо ҷавононро месазад, ки зиракиву ҳушёриро аз даст надода барои ҳимоя ва марзу буми кишвари худ доим омода бошем. Нест бод ҷанг. Поянда бод ваҳдати ягонаи Тоҷикистони азизамон.

Асистенти КЗД ва Ҷ Норов И.С.

Нашр шуд: 22 октябри 2022

Дида шуд: 362 маротиба

 

 

 

Ҳамаи мо хуб медонем, ки ба асари низои сарҳадӣ байни Ҷумҳурии Тоҷикистон ва Ҷумҳурии Қирғзистон санаи 14 то 17 сентябр дар баробари талафоти ҷонӣ даҳҳо хонаҳои сокинони наздисарҳадӣ осеб диданд.

Бо иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои аввал  корвони кӯмаки калони масолеҳи сохтмонӣ ва анвои хӯрданӣ ба мардуми зарардида расонида шуд.

 Бо ташаббуси Раиси вилояти Суғд муҳтарам Раҷаббой Аҳмадзода дар шаҳрҳои Исфара ва ноҳияи Бобоҷон Ғафуров ситоди бартарафкунии оқибатҳои ин фоҷеа таъсис ёфта, алҳол ҳашари дастҷамъона ҷиҳати сохтмони манзил бомаром идома дорад.

Дар ин амали хайр мисли дигар корхонаву ташкилотҳо ҷомеаи меҳнатии Донишкадаи политехникии Донишгоҳи техникии Тоҷикистон фаъолона ширкат доранд. Чуночи бо истифода аз рӯзҳои истироҳат бо иқдоми худи донишҷӯён бист нафар донишҷӯёни курси 2 ихтисоси 1-700201  Сохтмони саноатӣ ва шаҳрвандӣ, бо сардории сарпарасти гуруҳи академӣ Додоҷонов Хушдил Бахтиёрҷонович, дар хонаи ҳамкурси худ - Қосимов Субҳонҷон Абдуҳамитович, ки сокини ҷамоати Овчи Қалъача аст ва дар рафти муноқишаи марзӣ ҳавлии онҳо  зарари калон дидаааст, ба ҳашар рафтанд. Онҳо давоми рӯз дастҷамъона меҳнат карда, ба таҳкурсии хонаҳои нав замина гузоштанд.

Имрӯз бошад, чанде аз  донишҷӯён бо сарварии муовини директор оид ба тарбия Зариф Довудов озими деҳаи Чоркӯҳи шаҳри Исфара шуда, тайи се рӯз дар  бартарафкунии харобаҳои манзили мардуми ин деҳа саҳмгузорӣ менамоянд.

Нашр шуд: 10 октябри 2022

Дида шуд: 374 маротиба

 Нишонаи олии мавҷудият, тафаккури баланд ва донишу фарҳанг –хоси инсонист, ки аз дигар махлуқот фарқ карда мешавад. Аммо дар замоне, ки дараҷаи илму маърифат ва тамаддуну маданият, ки ба дараҷаи баланд пеш меравад, хасму бадбинӣ ва носозиҳо байни ҷамъияти имрӯза ҳамагонро ба хавф андохтааст. Доир ба ин масъала ҷомеаи ҷаҳонӣ, аз ҷумла фидоиёни сулҳу субот барои барҳам додани монеаҳои ҷамъиятӣ, низоҳои байнисарҳадӣ ва камбудиҳои иҷтимоӣ кушишу ғайрат намуда истода бошанд ҳам, мухолифону ҷангҷӯёнро, ки мақсади асосиашон нафсонияту барҳам додан аст, ором нагардонидааст. Имрӯзҳо тоҷиконе, ки дар сарҳад зиндагӣ мекунанду қурбони хатарҳои бародаронаи қирғиз гаштаанд, шоҳиди бисёр зӯроварию талафот гардида истодаанд. Воқеаҳое ки аз моҳи сентябр ва октябри соли ҷорӣ дар сарҳади Тоҷикистону Қирғизистон ба амал пайваст, мардуми шарафманди тоҷикро ба хавф андохт. Аз хабарҳои “Ховар” маълум гашт, ки ҳарчанде ин ду мамлакати ҳамсоя аз 25-уми сентябр ба тифоқ омада бошанд ҳам, амалҳои омодагии ҷангӣ ва таҳқир нисбати мардуми сарҳадии тоҷик аз тарафи шаҳрвандони алоҳидаи Ҷумҳурии Қирғизистон ба назар расидааст. Аз ин маълум гардида истодааст, ки ин тифоқӣ на барои сулҳу субот аз тарафи ҷумҳурии ҳамсоя, яъне Қирғизистон, балки барои омодагӣ ба ҷангу мақсадҳои мухталиф мебошад. Пас барои чӣ он роҳбарону сарварони мамлакати ҳамсоя дар ин хусус орому бечорагӣ доранд. Ё онон низ аз кунҷе ба ин иғвоангезиҳою вазъияти ҷангҷӯйӣ нигоҳ карда, хурсанд мешаванд. Набояд ин масъалаҳо бе роҳбарият бошад. Дар сари ҳар як амале роҳбаре ҳаст. Аз ин амалҳое, ки дар омодагии ҷангӣ, аз ҷумла омода кардани камингоҳҳои оташфишонӣ, сохтани хандақҳо, идома додани интиқоли техникаи иловагии ҳарбӣ ва мунтазам вайрон сохтани оромии Тоҷикистон аз тарафи қирғизон ба вуқуъ пайваста истодааст, хулоса бароварда гуфтанием, ки ин худ далелли равшани нақшаҳои бадхоҳонаи Қирғизистон мебошад. Агарки мардуми ҳамсоя бо чунин мақсадҳои нохалаф зидди Тоҷикистон баромаданӣ бошанд, пас тоҷикон низ ҳеҷ гоҳ сарзамину амонати худро аз даст нахоҳанд дод.

Хирадмандии мардумони ваҳдатшиори тоҷик то ба дараҷае инкишоф ёфта аст, ки тамоми мушкилоти маънавию сиёсии миллатро маҳз бо иродаи қавию, матонату мардонагӣ бартарф мекунанд. Маҳз ҳамин хирадмандию ватандӯстӣ ва эҳсости масъулиятшиносии аҳли кишвар барои хомӯш намудани оташи ҷанг ва фароҳам овардани фазои озодӣ дар мамлакат нақши баландӣ инсонӣ мебошад. Тамоми заҳмат ва талошҳои пайгирона ва содиқонаи давлату Ҳукумати кишварамон хосатан Асосгузори сулҳу ваҳдати миллӣ – Пешвои миллат, Президенти кившар муҳтарам Эмомалӣ Раҳмон маҳз барои эҳёи давлати мутамддин ва соҳибистиқлол равона гардида ва чунин ташаббусҳои созанда то кунун вазифаи аввалиндараҷа ва меҳварии давлату миллат қарор дорад.

Мо бояд донем, ки асоси пояҳои ваҳдату сулҳи кишварро танҳо ақидаҳои ватандӯстона доштан, дар ҳаққи Ватан хизмати шоиста кардану содиқи ному нишони тоҷики тоҷдор  устувор мегардонад. Маҳз ба ҳамин хотир вазифаи ҳар як шаҳрванди худоогҳу ватандӯст ва ватанпараст аз он иборат аст, ки интихоби зиндагонии босаодат асоси ҷомеаи мутамаддинро инъикос мегардонад. Вазифаи  ҳар як шаҳванди худогоҳу меҳанпараст аз он иборат аст, ки пеш аз ҳама Ватани худро дӯст дорад, арзиши онро пос дошта, эҳсоси масъулияти худро дарк намояд.

Тоҷикистон имрӯз дорои шароите мебошад, ки тамоми мардумонаш дар фазои озодӣ ва соҳибихтиёрӣ зиндагонии хушу хурраму дилшод доранд. Тоҷикистонро барои ҳамеша аз дасти душманони бадбину бадкинааш бояд наҷот дод, зеро умри он бояд безаволу ному нишонаш бегазанд хоҳад буд.

Муллоусмонова Г.Ғ.

Устоди ДПДТТХ

Нашр шуд: 22 октябри 2022

Дида шуд: 352 маротиба

Мо хуб медонем, ки рисолати Созмони Милали Муттаҳид ҳимояи таъмини сулҳу амният, нест кардани терроризму экстремизм ва пешгирии гардиши ғайриқонунии маводи мухаддир аст.  Баромади Президенти Қирғизистон Садир Жапаров дар  Иҷлосияи 77-уми Маҷмааи умумии Созмони Милали Муттаҳид иддаои дурӯғину туҳматомез аст. Боварӣ дорем, ки ин созмон хулосаи дақиқу аниқ бароварда, даъвоҳои Садир Жапаровро месанҷад ва таҳқиқ менамояд. Агар худи миллати қирғизро гӯш кунед, мардум андешаи дигар доранд, онҳо аз хусумати дохилии сиёсатмадорон ба дод омадаанд. Ин сиёсатбозони қирғиз барои ҷангу ҷидоли худро пинҳон намудану халқашонро гумроҳ кардан  баҳонаи дигар ёфтанду  ду миллатро  ба иғвову ҷанг андохтанд. Сараввал саволе ба миён меояд, ки оё халқи қирғиз президенти худро эътироф ва дастгирӣ менамояд?! Не, албатта, норозигии халқ зиёд асту манфиати халқ камтар ба эътибор гирифта мешавад. Бинобар ин, сабаби асосӣ ин аст ва имрӯз ба ин ҷангу куштор худашон гунаҳкору сабабгоранд. Миллати тоҷик фақат истодагарӣ намуд ва марзу буми хешро ҳимоят намуд. Аламовараш он аст, ки бе ягон огоҳӣ ба маҳалли аҳолинишин, ба хонаҳои мардум ҳуҷум оварда, то ҳатто ба кӯдакон низомиёни қирғиз тир холӣ намуданд. Мо медонем, ки миллати қирғиз низ мусулмонанд, аммо ҳамлаи баъзе амалдорони онҳо ба масҷиди мавзеи Исфара касро ба ҳайрат мегузорад ва ба эшон нафрину лаънат мехонем.

Мо муваззафем, ки дӯстии ду миллатро нигоҳ дорем, барои ба мусолаҳа анҷом ёфтани ин вазъият чораву тадбирҳо андешем. Аммо дар ин кор сарони қирғиз шояд дигар баҳонае оранд ва боз далели дурӯғини худро пеш оранд. Ба ҳар бобат, мо, тоҷикон миллати соҳибтамаддуну бофарҳанг ҳастем ва дари ҷангро намекӯбем, бо миллати қирғиз дӯсту бародар будем, ҳастем ва мемонем. Бо иддаои ду-се амалдорони қирғиз мардум фирефтаву ром намегардад. Аминем, ки миллати қирғиз худ қазоват мекунад ва сарнавишти миллаташро хуб тақдир менамояд. Чунон ки Иқболи Лоҳурӣ гуфтааст:

Худо он миллатеро сарварӣ дод,

Ки тақдираш ба дасти хеш бинвишт,

Ба он миллат сару коре надорад,

Ки деҳқонаш барои дигарон кишт.

Шафоат Файзиева, устоди ДПДТТ дар шаҳри Хуҷанд

Нашр шуд: 27 сентябри 2022

Дида шуд: 374 маротиба